посебни потреби – Kurir.mk

ВИДЕО: Лице со посебни потреби оставено на клупа во Скопје: По лекарска интервенција никој не го вратил дома

Тале Кристо — Tue, 21 Feb 2023 21:37:17 +0000

Лице со посебни потреби на околу 40 години возраст седи на клупа на улица „Јуриј Гагарин“ во Скопје, откако со неуспех завршиле обидите тој да биде однесен на четвртиот кат во неговиот дом, објави „Телма“. Пациентот претходно имал лекарска интервенција, а кога го вратиле назад, болничарите и соседите не успеале да го вратат дома и го оставиле на клупата. Граѓаните велат дека морале да повикаат и полиција, од каде на Брзата помош и наложиле да дојде со носилка и да го решат случајот. Видеото можете да го погледнете тука

50-тина родители и 60 деца со посебни потреби останаа 20 часа без струја во хотелот на ЕЛЕМ на Шапка

Тале Кристо — Wed, 11 Jan 2023 20:19:58 +0000

50-тина родители и 60 деца со посебни потреби 20 часа се заглавени без струја во хотелот на ЕЛЕМ на Шапка. „Немаме никаква информација, никој ништо не ни кажува. Има дечиња кои навистина веќе не можат да издржат. Ладно е. Родителите не можат ниту да ги пресоблечат, ниту да ги нахранат децата во колички. Навистина сме во ситуација за која веднаш треба да се реагира“, вели Сузана Стојановска, родител, во телефонски разговор за Сител ТВ. Единствениот одговор којшто го добиле од менаџментот на хотелот бил, уште од утрово, дека за половина час би имало струја, но веќе 20 часа лицата се без електрична енергија.

ФОТО: Дете со посебни потреби не сакаат да го примаат во Детската болница!

Тале Кристо — Sat, 01 Jan 2022 19:38:44 +0000

АЛООО МИНИСТЕРСТВО ЗА ЗДРАВСТВО ЈАВНО АПЕЛИРАМЕ, ДЕТЕ СО ПОСЕБНИ ПОТРЕБИ ВИ УМИРА ПО ХОДНИЦИТЕ НА ДЕТСКА БОЛНИЦА УШТЕ ЕДНУШ ЈАВНО ВИ УКАЖУВАМЕ ДЕТЕНЦЕТО Е СО ПОСЕБНИ ПОТРЕБИ И ВИ УМИРА ПО ХОДНИЦИТЕ И ТОА ....ВО МНОГУ ТЕШКА КРИТИЧНА ЗДРАВСТВЕНА ПОЛОЖБА!!! ВО ОВИЕ МОМЕНТИ ПРЕД НЕКОЛКУ МИНУТИ ДИРЕКТНО ОД МАЈКАТА НА ТЕШКО БОЛНОТО МОМИЧЕ ГИ ПРИМИВ ИНФОРМАЦИИТЕ И СЛИКИТЕ...... НА ДЕТСКА БОЛНИЦА ВО СКОПЈЕ СО ЧАСОВИ ДЕТЕ СО ПОСЕБНИ ПОТРЕБИ СО ТЕШКИ КОВИД СИМТОНИ И ВИСОКА ТЕМПЕРАТУРА ОСТАВЕНА ВО МИЛОСТА НА ХОДНИЦИТЕ НА ДЕТСКАТА БОЛНИЦА ....РОДИТЕЛИТЕ БАРААТ ПОМОШ ПОШТО ДЕТЕВО НЕ САКААТ ВО БОЛНИЦА ДА ГО ПРИМЕТ! ДАЛИ ОВДЕ ИМА ЗДРАВСТВО ИЛИ АПАРТХЕЈД???? ВО МОМЕНТИ ПРИМИВ СЛИКА НА ТОПЛОМЕТАРОТ ПОКАЖУВА ВИСОКА ТЕМПЕРАТУРА.... НАРОДЕ МОМИЧЕТО Е СО ПОСЕБНИ ПОТРЕБИ!!! НАРОДЕ ЖАЛНА ДРЖАВА МАСОВНО СПОДЕЛУВАЊЕ, пишува на Фејсбук Хасан Селмановски.

Општина Охрид од следната година ќе доделува стипендии за ученици, студенти, магистранти и докторанти со ретки болести и посебни потреби

Тале Кристо — Fri, 03 Dec 2021 19:53:13 +0000

Донесовме одлука од наредна година за прв пат да доделуваме стипендии за ученици, студенти, магистранти и докторанти со ретки болести и посебни потреби, кои учат и студираат во државни и приватни училишта односно универзитети, објави денеска градоначалникот на општина Охрид Кирил Пецаков. -Иницијатор на оваа мерка е здружението ,,Ретко е да си редок’’ кое работи на проекти и програми за поддршка и инклузија на лицата со ретки болести. Стипендиите значително ќе им помогнат на децата и младите од оваа категорија и ќе им овозможат остварување на поголеми образовни успеси, пишува во својата Фејсбук објава Пецаков.

Мајка на дете со пречки во развојот ги открива проблемите и бара помош: „Најтешко ми е што другите деца го избегнуваат син ми“

Ивана Ефремовски — Wed, 03 Feb 2021 10:48:05 +0000

Кога нејзиното дете имало само една ипол година, загрижувачката дијагноза доаѓа како шок кој за момент ги руши сите надежи како кула од карти. Таа е мајка борец, но ни самата не била свесна колку тешка битка започнува. Битката ја води рамо до рамо со својот син, но знае дека таа мора да биде штит. КУРИР ја пренесува животната сторија на една храбра мајка која бара помош. Всушност, го бара само тоа што знае дека ѝ следува. Идентитетот на мајката и детето се познати на нашата редакција, а поради нивна заштита во овој текст ќе ги објавиме само нивните иницијали. Мајката Д.С. (31) вели дека нејзиното дете има комбинирани пречки во развојот. Дијагностицирани му се сколиоза, вид на епилепсија, има пречки во говорот и хиперактивен развој. Магнетната резонанца покажала и бела материја во мозокот и циста. Нејзиниот син Д.Ј.денес има 10 ипол години. Прозборел уште кога имал само една година, а потоа одеднаш на година ипол престанал да зборува. Мајката веднаш знаела дека инстинктот не ја лаже и го однела на доктор. Дијагнозата донела страв кај неа, потоа потешкотии за прифаќање, но по првичниот шок, Д.С. собира сила и ја почнува борбата за да му помогне на своето дете. Но, освен со пречки во развојот, таа мора да се бори и со други пречки. Негрижата на институциите, одбивањето од околината, притисокот и односот на другите кон нејзиното дете, за неа секој ден е еден нов тежок удар. -Најтешко ми е одбивањето. Ниту едно дете не сака да се дружи со мојот син, сите го избегнуваат. Го навредуваат и оговараат, велат дека е “ваков“ или “таков“, тоа најмногу ме боли. Не го прифаќаат. Мојот син е прифатен само од неговите врсници кои исто така имаат посебни потреби. Тие дечиња се разбираат. Од другите деца не е воопшто прифатен, истакна мајката во изјавата за КУРИР. Таа е самохран родител. За детето се грижи сама бидејќи неговиот татко не сакал да биде дел од нивниот живот. Не помага ниту при чувањето, ниту пак финансиски, не прашал ни дали треба помош за лекувањето. Битката оваа мајка ја води сама. Кога веќе нема поддршка од друг, се надевала на помош од институциите. -Обезбедена ми е само социјална заштита, а немам здравствена заштита. Си плаќам сама, приватно, од мој џеб. Државата за тоа мене ништо не ми помага. После училиште, мора да оди во дневен центар, тоа јас го плаќам. За во училиште му е платен превоз, но за во Центарот не, тоа плаќам јас. Кога беше помал јас сакав да го носам во градинка, но не ми го примија бидејќи е лице со посебни потреби, вели мајката во изјавата за КУРИР. Се соочува со низа други проблеми. Оваа сторија мора да ги разбуди надлежните институции, оваа мајка заслужува помош која ќе биде нејзина сила да продолжи да се бори. Не бара ништо повеќе од тоа што им следува на неа и нејзиното дете. -Имам потреба од личен асистент за детето бидејќи има проблеми со пишување и учење. Потребно ми е финансиска помош од Министерството за труд и социјална политика, да му се плати на детето превозот од училиште до дневен престој, па до дома. Мене тоа ми е многу за плаќање, не можам да си го дозволам. Терапијата која ја прима моето дете е многу скапа. Јас само го барам тоа што ми следува бидејќи од државата сега не добивам ама баш ништо. Си ги барам правата, кои ми следуваат, истакнува таа. Не добила ниту денар помош. Не била вклучена во ниту еден од пакетите за помош кои по корона кризата си ги промовираше македонската Влада. Не им следувало ништо на родителите кои се разведени, колку и да беа тие погодени во оваа криза. Мајката води и тешка финансиска битка, но не добила никаква помош од државата и покрај силните најави дека ќе им се помогне на најпогодените и на оние на кои најмногу им е потребно. Прашува дали на децата со пречки во развојот им следува помош од државата бидејќи таа не добива ништо! Пред нив е нова битка. Детето треба да се однесе на испитувања во Турција, но тие чинат многу и мајката не може да си ги дозволи. КУРИР ја следи состојбата и веднаш ќе информираме доколку биде отворена сметка за донации. Ги повикуваме институциите со особено внимание да го разгледаат овој случај. Еден е од многуте тешки животни патишта на кои треба да се пружи рака. Потребите и барањата на мајката ги пренесовме во овој текст. Чекаме реакции од институциите на кои сме им на располагање за дополнителни информации за овој случај и за поврзување на контактите. И.Ефремовски

ТРАГЕДИЈА: Момче со посебни потреби било застрелано со дури 11 куршуми (ВИДЕО)

Магдалена Андонова — Tue, 22 Sep 2020 15:55:44 +0000

Полицијата Солт Лејк Сити ранила 13-годишно момче со посебни потреби, на кого биле испукани дури 11 куршуми. Детето преживеало, но тешко е рането, со повредени коски и внатрешни органи. Линдон Камерон од Солт Лејк Сити, кој пати од Аспергеров синдром, еден вид на аутизам, е ранет откако неговата мајка повикала полиција за да и помогнат, бидејќи Линдон доживеал нервен слом и не можел да се контролира, објавиле американските медиуми. Мајката на Линдон, Голда Бартон, во пријавата до полицијата рекла дека момчето има пиштол, најверојатно воздушен и дека тој ден се заканил дека ќе пука во нејзиниот колега и ќе ги скрши прозорците во домот. Исто така, додала дека детето има страв од униформирани лица и дека се чувствува прогонет кога ќе ги види. Објаснила дека Линдон мисли дека униформирани лица ќе го убијат. На снимките, кои биле објавени денеска по законите на американската држава Јута, се гледа како полицаец го брка Линдон во доцните вечерни часови. Потоа му довикуваат на детето да легне на земја, и на крајот се слушаат истрели. Детето е рането и две недели по инцидентот и натаму е во болница. Полицијата во Солт Лејк Сити соопштила дека во тек е истрага за овој случај и дека во неа се вклучило и обвинителството.

Брутално видео ја крена Хрватска на нозе: Тинејџери злоставуваат врсник со посебни потреби

Магдалена Андонова — Mon, 31 Aug 2020 10:01:30 +0000

Хрватска e запрепастена од видеото кое се прошири на социјалните мрежи вчера на кое се гледа ужасно насилство. Имено, сплитската полиција бара тинејџери кои физички злоупотребиле свој врсник со посебни потреби, за да му изнудат пари. Полицијата поседува видео, објавено од хрватските медиуми, на кое се гледа како двајца, млади момчиња тепаат и се закануваат на друго момче. Третото момче го гледа видеото, а четвртото снима сè. Неофицијално се знае дека двајцата сторители Б.К. и М.П. од кои едниот е кик боксер, кој што го клоца несреќното момче во главата, од чии удари паѓа на плочникот. Тие му се закануваат и го условуваат парите да им бидат донесени во рок од два дена. -Кога ќе ги донесеш парите?, Се слуша на почетокот на видеото по што следува првиот удар. Момчето се обидува да се одбрани со рацете, додека еден од напаѓачите му вели да ги „спушти рацете надолу“ и со коленото го удира во главата. -Спушти ги рацете надолу кога разговараш со мене. Застани овде, вели друг младо момче со долга коса и потоа го удира со тупаница во главата. На крајот, додека момчето лежи на плочникот, тие му велат дека има два дена за да им донесе 2.000 куни. -Дај ми барем малку повеќе време, моли несреќниот млад човек. Потоа следуваат уште неколку удари. ВИДЕОТО денес беше тргнато од сите социјални мрежи и платформи, поради вознемирувачката содржина.

Родителите на децата со посебни потреби поставуваат шатори пред Владата во Софија

Тале Кристо — Mon, 10 Aug 2020 11:00:43 +0000

Родители на деца со посебни потреби во Бугарија од иницијативата „Системот нè убива“ планираат да ги преместат шаторите на локација пред зградата на Владата, соопштија денеска претставници на иницијатива. Демонстрантите во Софија деблокираа една од трите раскрсници што ги окупираа за време на антивладините протести, кои денеска влегоа во 33-от ден. Откако полицијата во петокот ги отстрани шаторите од клучните крстосници во Софија, група демонстранти во саботата повторно ги поставија и го блокираа сообраќајот. Полицијата овој пат не ги отстрани шаторите. Полицијата соопшти ќе продолжи да се обидува да ги убеди демонстрантите да ги отстранат блокадите.

Хуманитарен настан за децата со посебни потреби

Ивана Ефремовски — Sat, 19 Jan 2019 09:33:29 +0000

Хуманитарен настан насловен „Хуманоста на дело“ ќе се одржи денеска во ресторанот „Амбрела“ организиран од Специјалните олимпијци на Македонија и Филозофскиот факултет во Скопје. Настанот е дел од серијата настани што ќе се организираат во текот на годинава со цел да се подигне општествената одговорност на институциите и приватниот сектор за децата со посебни потреби. Собраните средства ќе бидат наменети за купување дидактички материјали за работа со децата со посебни потреби во градинките во општина Бутел. За таа цел, на влезот во ресторанот ќе биде поставена кутија за донации, а 20 проценти од целокупниот промет за време на настанот, ќе бидат наменети за купување на дидактичките материјали.