поседување оружје – Kurir.mk

35. годишник под истрага поради поседување оружје

Магдалена Андонова — Wed, 01 Sep 2021 11:56:06 +0000

Основното јавно обвинителство Скопје донесе Наредба за спроведување истражна постапка против едно лице, скопјанец на возраст од 35 години, затоа што постои основано сомнение дека сторил кривично дело – Недозволено изработување, држење и тргување со оружје или распрскувачки материи од член 396 став 2 во врска со став 1 од Кривичниот законик. На 31 август 2021 година при претрес во домот на осомничениот било пронајдено огнено оружје кое тој неовластено го држел и тоа автоматска пушка калибар 7,62 х 39 мм „Калашников АК 47“, две рамки од автоматска пушка и 41 куршум боева муниција со калибар 7,62 х 39 мм. Поради постоење на опасност од бегство и околности кои го оправдуваат стравот дека осомничениот би можел да го повтори кривичното дело, јавниот обвинител до судија на претходна постапка достави Предлог за определување мерка притвор за осомниченото лице.

Притвор за две осомничени лица за неовластено држеле оружје

Дарко Андоновски — Thu, 13 May 2021 08:15:03 +0000

Основното јавно обвинителство Струга поведе истражна постапка против 55-годишен жител на с. Трапчин Дол, кичевско и 42-годишен жител на с. Франгово, струшко, бидејќи постои основано сомневање дека секој од нив го сторил кривичното дело – Неовластено изработување, држење, посредување и тргување со оружје или распрскувачки материи од член 396 став 2 во врска со став 1 од Кривичниот законик. На 11 мај 2021 година, во Струга и Дебарца, обвинетите неовластено држеле поголемо количество на огнено оружје и муниција која на граѓаните им е забранета. Едниот од нив во платнена сина торба ставил полуавтоматско кусо огнено оружје пиштол марка Heckler & Koch USP Compact со калибар 9 мм и една хартиена паковка сo муниција за огнено оружје 50 куршуми кал. 9 ммПара наменета за испалување од огнено оружје – полуавтоматски пиштол и автоматско огнено оружје. Тој оружјето го пренел од Кичево до Дебарца, каде на бензинската станица кај с. Ново Село торбата со оружјето ја предал на вториот осомничен кој ја зел со себе и со возило “Мерцедес’ се упатил кон Струга. Набргу бил запрен од страна на полициски службеници. По донесување на Наредбата за спроведување истражна постапка против двајцата осомничени, струшкото обвинителство до надлежниот суд достави предлог за да се определи притвор по член 165 став 1 точки 1 и 2 од Законот за кривичната постапка, бидејќи постојат околности кои укажуваат дека доколку се на слобода може да се дадат во бегство и да ја попречуваат кривичната постапка со влијание меѓусебе и врз сведоците. Судијата на претходна постапка при Основниот суд Струга го прифати предлогот на обвинителството и со Решение на осомничените им определи притвор во траење од по 30 дена.

Жителка на Скопје обвинета за поседување оружје

Магдалена Андонова — Wed, 30 Dec 2020 13:35:24 +0000

Основното јавно обвинителство Скопје поднесе Обвинителен акт против 51-годишна жена која се товари дека го сторила кривичното дело – Неовластено изработување, држење, посредување и тргување со оружје или распрскувачки материи од член 396 став 1 д Кривичниот законик. Обвинетата на 9 декември, на булеварот „Александар Македонски“ неовластено држела пиштол марка „Застава“ со калибар 9мм PARA M88, една рамка со пет куршуми за тој пиштол, и една празна рамка. Со оружјето била затекната од полициски службеници на бензинска пумпа. Јавниот обвинител достави и предлог за продолжување на претходно определената мерка притвор за обвинетата за која постојат околности кои укажуваат на опасност да се даде во бегство или да го повтори делото.

Обвинение за поседување оружје во Скопје

Магдалена Андонова — Wed, 18 Nov 2020 13:12:50 +0000

Основното јавно обвинителство Скопје поднесе Обвинителен акт против едно лице за кривично дело – Неовластено изработување, држење, посредување и тргување со оружје или распрскувачки материи од член 396 став 1 од Кривичниот законик. Обвинетиот 30-годишник, на 30 октомври, во неговиот дом на улица „Методија Андонов Ченто“, неовластено држел пиштол V.BERNADELLI GARDONE V.T. со калибар 7,65 мм, со механички отстранет сериски број. При претресот кај него била пронајдена и рамка со седум куршуми за тој пиштол. Надлежниот јавен обвинител до Основниот кривичен суд Скопје достави предлог за продолжување на претходно определената мерка куќен притвор за обвинетото лице, како и на мерката за привремено одземање на патната исправа, со цел да се обезбеди присуството на обвинетиот во текот на постапката против него.

Скопјанец обвинет за недозволено поседување оружје

Тале Кристо — Mon, 10 Aug 2020 10:52:32 +0000

Основното јавно обвинителство Велес поднесе обвинителен акт против лице од Скопје на возраст од 27 години за неовластено држење на огнено оружје-пиштол. Јавен обвинител побара и продложување на мерката притвор за обвинетото лице. Основното јавно обвинителство Велес информира дека до Основен суд Велес поднело Обвинителен акт против лице од Скопје на возраст од 27 години за кривично дело „неовластено изработување, држење, посредување и тргување со оружје или распрскувачки материи“ од член 396 став 1 од Кривичниот законик. Имено, на 19 мај, во сопствениот патнички автомобил марка „Фолксваген голф 5“, обвинетиот држел огнено оружје – пиштол марка Берета со калибар 7,65 мм за кој немал дозвола за поседување. Пиштолот го сместил под воланот, во механизмот за нагодување на висината на воланот. Оружјето било откриено на наплатната станица Отовица, на автопатот Велес – Скопје, при преглед на возилото. Истовремено, надлежниот јавен обвинител до Судот достави и Предлог за продолжување на мерката притвор за обвинетото лице, бидејќи постои опасност од бегство и околности кои укажуваат на опасноста дека повторно ќе го изврши истото кривично дело.

поседување оружје – Kurir.mk

35. годишник под истрага поради поседување оружје

Притвор за две осомничени лица за неовластено држеле оружје

Жителка на Скопје обвинета за поседување оружје​

Обвинение за поседување оружје во Скопје

Скопјанец обвинет за недозволено поседување оружје

Жителка на Скопје обвинета за поседување оружје