поштар – Kurir.mk

Среде кампања за локални избори во Штип преку „Македонска пошта“ се вработуваат 13 поштaри

Ивона Петрова — Sun, 06 Dec 2020 12:25:38 +0000

Иако вработувањата во државните институции, среде изборна кампања, се со закон забранети во Шип во ек на кампања за предвремените локални избори се бараат да се вработат 13 разнесувачи на поштенски пратки. Јавното претпријатие „Македонка пошта“ иако е во гуша со долгови за која власта најави и дека ќе ја приватизира, сеуште важи за згрижување на партиски војници во пресрет на изборите или постизборно. Во конкретниот случај, станува збор за оглас за вработување на 280 лица во „Македонски пошти“ на работното место пошторазнесувачи со нето плата од 17.656 денари, чиј работен однос треба да биде на неопределено време, односно народски кажано со решение. Порталот ММС.мк пишува дека од овие 280 нови вработувања, 13 се во Штип, град во кој во моментов се одвива кампања за избор на градоначалник. Имено, од Македонска Пошта реагираа дека овој оглас првично бил објавен во февруари месец годинава, но дека бил повлечен затоа што ги следеле насоките и препораките на Државната комисија за спречување на корупцијата (ДКСК) заради почитување на законските прописи, како и избегнување на било какво влијание во рамките на изборниот процес, имајќи го во предвид фактот дека, тогаш во Македонија беа закажани предвремени парламентарни избори. Но, како тогаш го повлекле огласот со цел да не влијаат врз изборите, а сега за време на кампања за избор на градоначалник во Штип се бараат да се вработат 13 извршители!? Во Штип веќе е започната изборната кампања за вонредните локални избори, а во правилникот на ДКСК за пред изборен период и период додека трае кампањата стои: „Не може да се започне постапка за вработување на нови лица или постапка за престанок на работен однос во државни и јавни институции, а започнатите постапки се ставаат во мирување, освен во случај на итни и неодложни работи. Случаи на итни и неодложни работи се вработувањата на определено време заради: замена на отсутен работник поради подолго боледување или отсуство, смрт на вработен, изведување сезонски работи за кои однапред е утврден потребниот број на лица и се обезбедени средства со годишните програми, како и вработување на наставен кадар за непречено одвивање на образовниот процес.“ Од распишаниот оглас на Македонска Пошта може да се заклучи дека 13 чиновници од Штип, кои треба да се згрижат во јавното претпријатие не се итни и неодложни вработувања за да треба да се вработат во среде изборна кампања. Тоа единство е оглас за СДСМ си згрижи партиски војници кои треба да трчаат за изборите.

Милошоски: Стопанството ќе плаќа нови непотребни вработувања

Ивона Петрова — Fri, 04 Dec 2020 09:27:42 +0000

Заради пречестото добивање на многу датуми одеднаш, кои ЕУ, Брисел, Софија и Париз почнале на Заев да му ги праќаат како препорачани писма, "богатата и незадолжена" Македонска Пошта распиша оглас за вработување на 280 пошторазнесувачи, пишува на Фејсбук пратеникот Антонио Милошоски. Нето плата е 17.656 денари, што значи бруто е 26.000 денари, а за буџетот тоа ќе значат нови 120.000 евра месечни расходи. Трошокот од овие 280 вработувања само за следната 2021 година државата ја чини 1.440.000 евра, пари на даночните обврзници. Во момент кога стопанството е на колена, многу болници се без амбулантни возила, и многу училишта имаат суштинска потреба за реновирање, ваквата одлука на Заев и Макрадули е економски штетна и неодговорна.

Поштар им ги зел пензиите на тројца гостиварци

Дарко Андоновски — Tue, 20 Oct 2020 15:45:03 +0000

Надворешната канцеларија за криминалистички работи Гостивар поднесе кривична пријава против Н. И. (59) од с. Лакавица, вработен како поштар во Гостивар, поради три кривични дела злоупотреба на службената положба и овластувањето, фалсификување исправа и проневера во службата. Во декември 2019 поштарот сам потпишал налози за исплата на пензии за декември 2019 година, со што извршил фалсификување потпис на платните инструменти – налог за исплата на готовина ПП40 на три лица и притоа постапил спротивно на точка 66 од упатството за вршење платен промет во земјата. Со ваквото дејство пријавениот присвоил пари, кои му биле доверени во службата, и стекнал противправна имотна корист во износ од 31.841 денар на штета на С. С., Ф. Ќ., двајцата од с. Беловиште, Гостиварско, и на И. Р. од с. Лакавица, Гостиварско.

Поштар забележал девојче кое плаче, па се приближил: Кога ги видел нејзините раце се наежил, а приказната е страшна! (ВИДЕО)

Ивана Ефремовски — Fri, 20 Sep 2019 13:00:17 +0000

Поштарот Иван Крисостомо ја работел својата нормална рута во Сакраменто. Но, еден ден му се случи нешто неверојатно. Џон излегол од своето комбе за да го достави пакетот и слушнал звук на плачење. Потоа забележал 16-годишно девојче по име Кристал Ален како се крие зад грмушките. Тој веднаш ги проценил нејзиното однесување и изглед и сфати дека таа многу се тресе. И пришол и ја прашал дали е сè во ред. Кристал вознемирено покажувала на нејзините раце, викајќи: „Тие ставија нешто во мене. Ставија нешто. Тие доаѓаат по мене“. Во тој момент, храбриот поштар сфатил дека девојчето им избегало на грабнувачите. Кристал три месеци била држена во заробеништво, постојано ја дрогирале и злоупотребувале и тоа луѓе за кои сметала дека се пријатели. Единствено што сакала да направи е да ја повика мајка си, но таа била премногу потресена да разговара. Тој одлучил да и помогне колку што можеше. Сега нејзината приказна излегува во јавноста и е пострашна отколку што може да се замисли.

Вработен во „Македонски пошти“ украл 23 пензии

Ивана Ефремовски — Fri, 31 May 2019 06:33:28 +0000

Надворешната канцеларија за криминалистички работи Гостивар поднесе кривична пријава против Ш.Б.(50) од село Беловиште, гостиварско, поради постоење основи на сомнение за сторени кривични дела злоупотреба на службената положба и овластување, проневера во службата и фалсификување исправа. -Во текот на јануари 2019 година пријавениот, како вработен во АД ,,Македонски Пошти“, фалсификувал потписи на 23 налози за исплата на пензии, по што ги присвоил паричните средства наменети за корисниците, соопшти МВР. Тој се стекнал со противправна имотна корист од 223.533 денари.

Кога ќе видите што прави овој поштар пред вратата, убаво ќе се изнасмеете (ВИДЕО)

Ивана Ефремовски — Fri, 21 Dec 2018 16:42:34 +0000

Вработен во американската служба за достава УПС стана вистински хит по точката што ја изведе пред безбедносната камера. Поштарот забележал дека пред куќата каде доставувал пакети има безбедносна камера, па решил да направи шоу. Поштарот од Индијана почна да танцува пред вратата, а танцувањето за само неколку часа се имитира меѓу корисниците на социјалните мрежи. Сопственичката на куќата, Бетани Оут добила нотификација на мобилниот дека има некој пред нејзината врата. Го видела на безбедносната камера и едноставно морала да го сподели видеото, вели за телевизијата КУТВ.

Светот се згрози од деталите од мемоарите: Претходниот брак Меган го раскинала преку поштарот

Дарко Андоновски — Wed, 04 Apr 2018 08:26:49 +0000

Поранешната актерка, а сега најпопуларна идна невеста во кралското семејство Меган Маркл, го шокираше светот со тоа како одлучила да се разведе од својот поранешен сопруг. Толку многу и се брзало да го заврши бракот, што свршеничкиот прстен и бурмата ги испратила преку пошта до својот поранешен сопруг. Имено, Меган била во брак со своето долгогодишно момче, продуцентот Тревор Енгелсон. Сепак, бракот не траел долго, само две години поминале заедно, а во 2013 година актерката се развела – поради непомирливи причини. Ова се познати детали од нејзиниот поранешен живот, но сега се појавија деталите кои се запишани во мемоарите на идната сопруга на британскиот принц Хари. Имено, по потегот со поштенската испорака, нејзиниот сопруг бил многу вознемирен и бесен. Авторот на биографијата, Ендру Мортон изјави дека пријателите кои биле блиски до парот знаеле дека Меган и Тревор многу тешко го поднесуваат фактот што таа се преселила во Торонто за да може да работи на серијата „Suits”, која и ја прослави. Сепак, парот извесно време се трудел да го одржи бракот „на далечина“. Бидејќи тоа не одело добро, таа ги испратила прстените, а многу брзо адвокатите го завршиле својот дел од работата. Меган овој пат на 19 мај ќе се омажи за принцот Хари.

Ограбен поштар во Скопје додека разнесувал пратки, еве колку пари имал во чантата

Катерина Бојаџиева — Fri, 02 Feb 2018 10:00:52 +0000

Вчера околу 10.00 часот на улицата „Македонско Косовска Бригада“ во Скопје непознат маскиран сторител извршил разбојништво над А.Ф. (47) од Скопје, вработен како поштар во АД „Македонски пошти“. Сторителот со закана со пиштол од А.Ф. одзел чанта во која имало од 15.000-20.000 денари, по што побегнал во непознат правец. Се преземаат мерки за пронаоѓање на сторителот и за целосно расчистување на случајот.