Дојде живот и во Гевгелија, поскапуваат такси услугите

Курир — Thu, 08 Feb 2018 11:22:19 +0000

Од 1 март година Гевгеличани ќе плаќаат поскапа цена за такси услугите. Резултат на тоа е поскапувањето на цената на нафтата, при што Здружението на такси возачи достави барање до Советот на општина Гевгелија. Тоа барање беше прифатено од Советот на општина Гевгелија. Со поскапувањето на нафтата, почнаа и зголемување на цените на трошоците, а се зголеми и цената на такси превозот. Пред покачувањето на нафтата цената на такси превозот во Гевгелија изнесуваше 50 денари за поминати 2 километри. Откога владата на СДСМ ја зголеми цената на нафтата , такси превозот за поминати 2 километри сега изнесува 61,5 денари. Слична е и ситуацијата во Скопје, при што пред некое време такси компаниите даваат попуст од 40% за такси услугата, а сега даваат попуст од 20% . Со доаѓањето на СДСМ на власт народот во Македонија почна да осиромашува. Најпрво СДСМ започнаа со поскапувањето на цената на нафтата, потоа на цената на водата, а се очекува и покачување на цената на струјата.

Поскапува регистрацијата за постарите автомобили?

Курир — Fri, 12 Jan 2018 10:17:28 +0000

Возилата што повеќе загадуваат и се постари да плаќаат повисока цена за регистрација. Ова е една од мерките кои се разгледуваат за намалување на аерозагадувањето. Министерството за економија засега не открива детали. На прашањето на Алфа што се предвидуваат измените на законот за возила кои веќе се подготвуваат добивме штур одговор. динствената официјална информација е дека сите автомобили ќе добијат еколошки лепенки кои ќе бидат во различна боја и ќе покажуваат кој автомобил колку загадува. Со тоа на полесен начин би се селектирале сите оние кои треба да бидат исклучени од сообраќај при енормно загадување на воздухот. Молк за тоа колку би чинеле техничките прегледи за мерење на загадувањето на секој автомобил а и самите лепенки. Според последните податоци на Државниот завод за статистика на македонските патишта, заклучно со крајот на 2015-та година, имало вкупно 383.833 регистрирани автомобили. Најголем дел од нив, 261.470, се произведени пред 2002-та година односно се постари од 15 години! Што би значено дека доколку би стапил во сила законот за повисоки давачки на постарите возила повеќе од половина од луѓето ќе мораат да плакаат повисока цена за регистрација. Покрај поскапата регистација на постарите возила, предвидено е менување на табличките на такси превозниците, сите таксисти ќе треба да добијат жолти регистрации со што би се одвоиле од останатите автомобили.

поскапува – Kurir.mk

Дојде живот и во Гевгелија, поскапуваат такси услугите

Поскапува регистрацијата за постарите автомобили?