ВМРО-ДПМНЕ: Заев ја донесе државата пред енергетски колапс, неизвесно е како ќе се снабдува државата со струја

Дарко Андоновски — Wed, 03 Nov 2021 09:26:26 +0000

Заев ја донесе државата пред енергетски колапс, неизвесно е како ќе се снабдува државата со струја, ова денеска преку соопштение до јавноста го истакнуваат од ВМРО-ДПМНЕ.

-Заев првин ги испразни езерата кои сега тешко се полнат и нема доволно вода за производство од поголем обем. Потоа тој го упропасти РЕК, за да може да прават тендери го заглавија единствениот копач на јаглен во вода, јаглен речиси и да нема ископано, се бројат денови кога ќе снема. Власта не направи стратегија на полето на енергетиката. Капацитетите се на минимум и не можат да одговорат на потребите на државата во состојба на зимски период, велат од партијата.

Од таму додаваат дека недостатокот на енергија веќе неколку пати се покрива со буквална кражба од европскиот систем, која како држава според директорот на МЕПСО за еден месец ќе не чини околу 15 милиони евра. 15 милиони евра се пари кои се половина од добивката на МЕПСО за една година, и тоа потрошени за еден месец. Со вакво темпо Заев ја загрозува и работата на МЕПСО.

-Власта нема план како понатаму. Заев ја става државата во сериозна криза. Заев нема капацитет да ја реши кризата. Заев и СДСМ треба да си заминат, велат од ВМРО-ДПМНЕ.

Седми и последен протест против поскапувањата на струјата во Гостивар

Ивана Ефремовски — Fri, 18 Sep 2020 17:21:07 +0000

Со краток марш и протестен собир пред седиштето на ХЕЦ Маврово, група гостиварци искажа незадоволство против одлуката за поскапување на струјата. Организаторите на протестот, напоменаа дека ова ќе биде последниот протестен собир, а барањата ќе ги остваруваат преку институциите. Седмиот по ред протест започна од корисничко енергетскиот центар Гостивар (КЕЦ) на ЕВН по што протестантите пеш заминаа до дирекцијата на Хец Маврово во Гостивар. Таму беше кажано дека заради состојбата во земјата, крајно е неодговорно да се дозволи да поскапуваат услугите и продуктите. Од протестот беше порачано до Регулаторната комисија за енергетика и Владата да ги сфатат пораките на народот сериозно и во најскоро време да се најде најдобро можно решение. Организаторите најавија дека барањата ќе ги достават како петиција до пратениците и Парламентот за да се донесат законски решенија. За дел од барањата, решенијата ќе ги бараат преку институциите. На последниот собир беа повторени барањата – Регулаторната комисија за енергетика да ја поништи одлуката за зголемување на цената на електричната енергија за 7,4 проценти, да се намали цената на електричната енергија за 20 проценти, а од Владата се бара да го намали ДДВ-то за енергијата од 18 на 5 проценти и да го прекине монополот на приватната компанија ЕВН. Собирот и двата објекти беа обезбедувани со засилени полициски сили и помина без инциденти.

поскапувањата на струјата – Kurir.mk

ВМРО-ДПМНЕ: Заев ја донесе државата пред енергетски колапс, неизвесно е како ќе се снабдува државата со струја

Седми и последен протест против поскапувањата на струјата во Гостивар