поскапување струја – Kurir.mk

Поскапа струја за дури 130% за најголемите потрошувачи, РКЕ ги утврди блоковите, новата цена ќе се знае во среда

Магдалена Андонова — Mon, 27 Jun 2022 15:11:54 +0000

130% поскапа струја ќе плаќаат најголемите трошаџии од 1-ву јули, дознава Сител од извори вклучени во креирање на тарифите. РКЕ денеска ги објави конечните блок тарифи според кои ќе се наплаќа потрошувачката на струја. Границите беа проширени за да им се олесни на домаќинствата кои се греат на електрична енергија, истакна претседателот на Регулаторна. Според новите рамки, првиот блок ќе ги опфаќа потрошувачите до 210 киловат часа, вториот до 630, третиот до 1050, и четвртиот за потрошувачите над 1050 киловат часа. Потрошувачите од првите три блока треба да добијат пониски сметки од 12 до 15%. Зимно време, пак, околу 98 посто од домаќинствата ќе бидат во третиот блок, но ова би се случило само по актуелните цени, без пресметка на најавеното покачување. Цените од блоковите ќе важат само за време на скапата тарифа. Евтината тарифа ќе биде еднакво висока за сите. Периодот на пресметка, пак, ќе остане 30 дена. Нов изглед од следниот месец ќе имаат и сметките за струја каде точно ќе биде наведено која е цената на струјата и колкава е цената за користење на мрежата. На ова регираа од ЕВН Хоум. Сметаат дека поради различните суми може да дојде до забуна кај потрошувачите. Новата цена на струјата ќе се знае во среда. Таа ќе зависи од тоа колкаво покачување на цената ќе побара ЕВН Хоум, откако ЕСМ понуди цена од 48 eвра за мегават час, а МЕПСО и електродистрибуција побараа зголемување од 60 до 80 отсто.

„Во времето кога Мицкоски беше советник и директор цената на струјата поевтини, додека со СДСМ досега поскапи за 32%“ (ДОКУМЕНТИ)

Магдалена Андонова — Sun, 09 Jan 2022 11:23:05 +0000

Опозициската ВМРО-ДПМНЕ испрати соопштение до јавноста во врска со цената на струја во времето кога Мицкоски беше советник и дирекот и цената на струјата во време на СДСМ кое во продолжение ви го пренесуваме интегрално: Денес повторно СДСМ продолжува со невистини и лаги да обвинува во режимски стил, дека Мицкоски ја покачил цената на струјата. А сега малку за вистината: - Христијан Мицкоски е именуван за советник на тогашниот премиер Никола Груевски, Април/2015 година . Цената на струјата за граѓаните беше 4,47 ден/kwh . - Христијан Мицкоски именуван за генерален директор на ЕЛЕМ со одлука на влада, Септември/ 2016 година. - Разрешен од генерален директор на влада, Август/2017 година. Цената на струјата за граѓаните беше 4,45 ден/kwh . - Цената на струјата за граѓаните согласно одлуката на регулаторна комисија за енергетика од 31/Декември/2021 година е 5,87 ден/kwh . ЗАКЛУЧОК: Откако Мицкоски е именуван за советник во Април/2015 година, до неговото разрешување како генерален директор на ЕЛЕМ во Август/2017 година, струјата за граѓаните поефтинува од 4,47 ден/kwh на 4,45 ден/kwh или околу 0,5%, а денес граѓаните плаќаат 5,87 ден/kwh или за околу 32% поскапа струја од времето кога Мицкоски беше разрешен од местото генерален директор на ЕЛЕМ. СДСМ мислат дека со методот, 100 пати повторена лага станува вистина, ќе го потценуваат народот дека има кратко помнење и така ќе ги сокријат криминалот и неспособноста. Зошто ли вака владеачката партија безочно лаже? Одговорот е едноставен. За да создадат димна завеса и не се збори за актуелното покачување на цената на струјата кое е над 15 проценти, плус последното зголемување на цената на струјата што се случи нешто повеќе од пред една година. На крајот кој за што се залага ќе се види следниот први во месецот кога граѓаните, над 2 милиони граѓани во своите домови ќе добијат покачена сметка за струја, како и огромен број на семејства покачена сметка за парното греење. И секој еден граѓанин треба да знае дека повисоката сметка за струја е само затоа што структурите на власта печеалеа криминално на грбот на народот кој сега треба да го плати цехот. А притоа никој од оние министри кои постојано говорат за наводна поддршка на владата, никој од нив не говори за инфлацијата, повисоките цени во маркетите, а ниските плати... со вакви економски резултати, тешко на напатениот народ кој едвај крпи до први во месецот. П.С. И денес половина главен град нема парно греење.

„Прва мерка на Ковачевски е покачена струја и парно, и поскапи сметки за граѓаните за 500 денари“

Магдалена Андонова — Thu, 06 Jan 2022 08:26:35 +0000

Прва мерка на Ковачевски е покачена струја и парно, и поскапи сметки за граѓаните за 500 денари. Поради неспособноста на СДСМ, и желбата за криминал и рекет, цело лето не се копаше јаглен во РЕК Битола, и комбинатот се остави без јаглен во сред грејна сезона. Акумулациите се испразнија, зошто се произведуваше струја додека беше евтина, а сега купуваме 10 пати поскапа струја, стои во соопштението на ВМРО-ДПМНЕ. Од партијата велат дека само за два месеци од парите на граѓаните се потрошија 86 милиони евра за купување скапа струја. Таа неспособност сега ќе се плаќа уште поскапо со по 500 денари поскапи сметки за струја. - Неспособноста на власта резултира и со поскапо парно. Некадарноста на СДСМ го јаде буџетот на народот. Граѓаните се се посиромашни. СДСМ не знае како да се справи со кризата. Со СДСМ само тонеме, се додава во партиското соопштение.

Кичевци протестираа со возила против поскапувањето на струјата

Магдалена Андонова — Sun, 27 Sep 2020 17:32:16 +0000

Група кичевци попладнево протестираа со возила против поскапувањето на електричната енергија. Граѓаните протестираа движејќи се во колона по магистралниот пат Скопје – Охрид во делот кој минува низ Кичево, односно од под село Другово до раскрсницата према РЕК „Осломеј” со двесеттина возила. Протестот помина без инциденти и траеше околу половина час. На протестот, граѓаните побараа да се повлече одлуката за зголемување на цената на електричната енергија, да се намали цената до 20 проценти, да се укине монополот на услугите на ЕВН, да се распушти Регулаторната комисија за енергетика и да се создаде независен арбитражен трибунал во служба на граѓаните кој ќе го проверува квалитетот на услугите од областа на енергетиката. Тие, исто така побараа и намалување на ДДВ-то за струјата и укинување на ставката за електрична моќност од 33 проценти. За време на протестот, сообраќајот по оваа делница, долга околу три километра, се одвиваше забавено и полицијата го регулираше минувањето на останатите возила.

Милошоски: Доколку власта и Регулаторна комисија не го слушне народот тогаш протестите во наредниот период ќе се интензивираат

Магдалена Андонова — Wed, 09 Sep 2020 16:53:58 +0000

Сметаме дека протестот е навремен, затоа што септември е последниот месец кога граѓаните ќе плаќаат нормална цена на струјата. Македонецот, Албанецот, Турчинот, Србинот, Ромите, Бошњакот, во Македонија, од октомври од своите примања во просек ќе ја плаќаат најскапата струја во Европа, и затоа ова го правиме сега за да може пред октомври да се донесе одлука за враќање на нормалната цена на струјата, вели пратеникот од ВМРО-ДПМНЕ Антонијо Милошоски во централниот дневник на Канал 5 телевизија. Милошоски ги повика сите здруженија на граѓани и граѓани да им се придружат на протестот кои што сметаат дека во Република Македонија не треба да се плаќа поскапа струја. Опозицијата за Обнова на Македонија заеднички сто на овој протест затоа што овој протест е и барање на народот и потреба на народот, а ние гледаме дека владината коалиција не може месец и пол во собрание да се договори за една комисија така што не би коментирал кој е фрагментиран, самото собрание ја покажува фрагментацијата на актуелната влас и секој колиционен партнер секое граѓанско здружение, поединци луѓе кои сметаат дека во Република Македонија треба да се плаќа нормална не поскапа цена на струјата е добредојден да ни се придружи, потенцираше тој. Милошоски потенцираше дека на протестите ќе се обрати претседател на политичката партија на Турците во Република Македонија, претставник на ромската заедница, укажувајќи дека доколку владата и Регулаторната комисија не го слушнат гласот на народот тогаш истите ќе се интензивираат бидејќи како што рече тој економски неоправдано ЕВН и државата на една агенција за обезбедување од Струмица да и дадат 21 милион евра, а граѓаните со поскапа струја да мора тоа да го плаќаат. Вечерва меѓу говорниците ќе имаме меѓу говорниците еден претставник на политичка партија на Турција во Македонија кој што ќе го изрази своето негодување кон оваа работа, исто така ќе имаме обраќање на ромската заедница во Република Македонија кои што исто така како сите граѓани се погодени од ова и обраќање на претседателот. Сметам дека протестите во иднина ќе продолжат, ќе дадеме можеби одреден рок од ден, два или три да видиме дали апелот стигнал до Регулаторната комисија дали го слушаат мислењето на народот, дали владата ќе размисли и околку не ќе продолжиме со интензитетот на овие протести, затоа што според нас е економски неоправдано ЕВН и државата на една агенција за обезбедување од Струмица да и дадат 21 милион евра, а граѓаните со поскапа струја да мора тоа да го плаќаат, изјави Милошоски.

ВМРО-ДПМНЕ: Тотална лага е дека Мицкоски ја поскапел струјата за сто посто и СДСМ ќе заработи тужба за клевета, протестот е против поскапата струја со која Заев сака да го сокрие грабежот на народот

Магдалена Андонова — Mon, 07 Sep 2020 14:41:40 +0000

-СДСМ се служи со груби клевети и лаги за да се тргне вниманието од ограбувањето на народот. Тотална Лага е дека Христијан Мицкоски ја покачил цената на струјата за 100 проценти, и поради таквото груба клевета на портпаролката, Богданка Кузеска пратена од Зоран Заев ќе заработи тужба за клевета доколку јавно не се извини, стои во соопштението на ВМРО-ДПМНЕ. Што се однесува до втората лага дека протестите биле против Европската иднина, видовме како СДСМ и Заев ја разбираат европската иднина, а таа оди преку контраверзниот бизнисмен со руски врски Дака Давидовиќ кому Заев му овозможи измена на ДУП првиот ден од новата влада за бизнис вреден 200 милиони евра. Додека го ограбува народот Заев е во тесни бизнис врски со контраверзен бизнисмен за кого постојат написи и сомневања дека пере пари од источни земји, појаснуваат тие. -И сосема на крај, протестот е поради тоа што мафијата на Заев го ограбува народот со скапи сметки за струја. Затоа што во исто време кога министрите и директорите уживаат привилегии и раскош народот живее на вересија. Заев додека вели дека блескаме, над сто илјади луѓе живеат со помалку од 50 денари дневно, заклулучуваат од ВМРО-ДПМНЕ.

„Фактор“: Еве за колку поскапува струјата

Магдалена Андонова — Fri, 31 Jul 2020 09:46:43 +0000

Остануваат скапата и евтината тарифа, но цената на струјата за домаќинствата се зголемува за 7,5 отсто. Ова го покажува споредбата на официјалните податоци од предлог-одлуките за новите и постоечките цени, сите достапни на веб страницата на Регулаторната комисија за енергетика. Цената на електричната енергија за домаќинствата поскапува за 7,5 отсто, а остануваат за користење ниска и висока тарифа односно евтината и скапа струја и понатаму. Ова го содржи предлог – одлуката на Регулаторната комисија за енергетика – регулаторното тело што ја утврдува тарифата на ЕВН Хоме, компанијата која е снабдувач на струја на домаќинствата. Предлог- одлуката е јавно достапен документ што може да се најде на веб страницата на Регулаторната комисија за енергетика и денеска нејзиниот претседател Марко Бислимоски ќе соопшти дали цените на скапата и евтината струја се зголемуваат за 7,5 отсто или ќе прифати некоја од поплаките на енергетските компании кои бараат и поголемо зголемување на цената заради раст на нивните трошоци. Според јавно достапните податоци цената за ЕВН Хоме се определува на просечен износ од 4,92 денари за еден киловатчас електрична енергија. Високата тарифа т.е. „скапата струја“ во иднина ќе чини 5,95 денари за еден киловат час и тоа е поскапо за 7,4 отсто од досегашната цена која изнесува 5,54 денари за киловат час. „Евтината струја“ односно ниската тарифа по ново ќе изнесува 2,99 денари и тоа е покачување за 7,5 отсто во однос на тоа што досега го плаќаа граѓаните кога користеа евтина струја која чинеше 2,78 денари за еден киловат час. Денеска ќе ги дознаеме официјално прифатените причини за зголемените цени за електрична енергија за домаќинствата. Од компаниите од енергетиката од чии трошоци зависат цените, неофицијално, барале поголеми зголемувања заради раст на трошоците. Производната државна компанија ЕСМ лани годината ја завршила со добивка од 3,15 милиони евра. Преносната компанија МЕПСО 2019 година ја завршила со добивка од 7,25 милиони евра, а ЕВН Македонија (фирма мајка на ЕВН Хоме) ланската година ја завршила со профит од 34 милиони евра. Електродистрибиција (најголемиот оператор на дистрибутивниот систем и фирма ќерка на ЕВН Македонија) лани годината ја завршила со загуба од 7 милиони евра.