посна – Kurir.mk

ПОСНА САЛАТА СО МАКАРОНИ: Одлична како предјадење или комплетен оброк, а толку брзо се спрема што ќе ја правите постојано!

Ристе Здравков — Wed, 07 Dec 2022 08:48:32 +0000

Посна салата со макарони е одличен прилог со друго јадење, а може да биде и комплетен оброк кој брзо се подготвува и ќе ве држи сити долго време. Може да биде одлично предјадење и за празничната трпеза, а рецептот е повеќе од едноставен. Состојки: половина праз 200 гр печурки 200 гр посни макарони 300 гр посен мајонез 1/2 лажичка оригано сол бибер Подготовка: Сварете ги макароните 6-7 минути во зовриена вода со малку сол. На умерена температура во 2-3 лажици масло се динста ситно сечканиот праз. Додека тој се динста, исчистете ги печурките и исечете ги на помали парчиња. По околу 10 минути динстање на празот, додадете ги печурките, 1/4 лажичка сол, оригано и биберот и динстајте уште 10-15 минути додека да испари водата што ја испуштаат печурките. Во исцедените макарони додадете ја смесата, измешајте и поклопете и оставете целосно да се изладат. Протресувајте ја тавата на секои 15 минути за да не се залепат макароните. Ако го правите тоа со лажица, постои шанса макароните малку да се издробени. Во изладените макарони додајте го мајонезот и нежно измешајте за да биде рамномерно распореден, па префрлете во садот во кој ќе ја чувате салатата.

Посна бајадера (РЕЦЕПТ)

Ристе Здравков — Fri, 17 Dec 2021 16:43:26 +0000

СОСТОЈКИ: 200 гр мелени посни бисквити 100 ГР мелени ореви сок од портокал 100 гр посно чоколадо 100 гр шеќер во прав 100 гр посен маргарин ПРЕЛИВ: 100 гр посно чоколадо 2-3 лажици масло ПОДГОТОВКА: Сомелете ги бисквитите и оревите и измешајте. Додадете растопен маргарин и шеќер во прав и малку сок. Добро измесете со рацете. Поделете на половина. Во едниот дел додадете го стопеното чоколадо и измешајте. Чоколадниот дел ставете го во плех и убаво распоредете го со шпатула. Ставете го светлосниот дел и порамнете го. Посипете со растопено чоколадо во кое сте додале малку масло. Оставете убаво да се стегне во фрижидер. Се сече целосно изладено.

Рецепт за посна руска салата: Вака е поубава и од мрсната

Ристе Здравков — Thu, 16 Dec 2021 14:15:44 +0000

Оваа салата е една од омилените на славските трпези Оваа празнична салата е претежно позната како мрсна, но подеднакво е вкусна и во посна варијанта. Рецептот за посна руска салата кој ви го пренесуваме е тестиран. СОСТОЈКИ: 200гр грашок 200гр компири 200гр морков 5 кисели краставички 200-300гр посен мајонез Сол ПОДГОТОВКА: Излупете ги и сварете ги компирите и морковите. Згответе ги грашокот и морковот. Процедете го целиот зеленчук за да се отстрани вишокот вода, а потоа исечете ги компирите и морковите на ситни коцки, како и краставиците. Во поголем сад измешајте го целиот сварен зеленчук. Посипете по вкус и додадете мајонез, па внимателно измешајте и оставете да се излади. Сервирајте во помали чинии и по желба украсете со магдонос.

Брза и лесна: Посна салата со компири, моркови и кисели краставички

Ристе Здравков — Thu, 22 Nov 2018 11:34:17 +0000

Сочна и едноставна салата од компир која ќе ја обожавате! Состојки: 1 кг компир 150 гр целер 1 главица кромид 500 гр моркови 250 гр посен мајонез 200 гр кисели краставички 1 лажица сенф малку бибер неколку лажици оцет од тегла од краставиците Начин на подготовка: Зеленчукот добро измијте го и сè згответе во лушпа. Оставете да се излади, па излупете. Изрендајте ситно краставици, измешајте со мајонез, сенф, посолете и побиберете. Додајте и оцет. Компирите исечете ги на тенок помфрит. Филувајте на чинија на која ќе ставите калап. Ред компири, намаз, изрендан морков и целер, повторно ред компири и така наизменично. Оставете ја салатата во фрижидер да стегне и вкусовите да се спојат. Тргнете го калапот и декорирајте. Салатата можете да ја измешате и во чинија.

Ова е рецептот за најубавата здрава и посна пица

Ристе Здравков — Fri, 19 Oct 2018 07:59:27 +0000

Ако сте од оние личности кои се грижат за тоа што го јадат, ќе ја обожавате оваа пица. Ова е здрав рецепт за пица која е здрава и посна и во која има многу зеленчук. Состојки: 1 праз 1 домат 1 пиперка 200 гр. шампињони Оригано Кечап Малку посен кашкавал Начин на подготовка: Замесете тесто за пица со сол, квасец и малку масло и брашно. Оставете го малку да порасне. На масло испржете го празот, додајте ја сецканата пиперка и шампињоните, убаво исецкани. Доколку сакате лута пица, можете да додадете и лута пиперка и/или малку кромид. Можете по желба да додадете и маслинки. Развијте го тестото, а потоа ставете го во тавче кое претходно ќе го подмачкате. Ставете ги испржените состојки, а потоа додадете парчиња домати и малку кашкавал и оригано. Печете на 200 степени околу 15-20 минути.

Ова е рецептот за најубавата здрава и посна пица

Ристе Здравков — Wed, 12 Sep 2018 15:15:34 +0000