поспаност – Kurir.mk

Можни причини за „хроничната“ поспаност

Катерина Бојаџиева — Mon, 09 May 2022 09:06:26 +0000

Кај луѓето одвреме-навреме се случува мала поспаност во текот на денот, но ако тоа е премногу често и чувството дека треба повеќе сон од препорачаните 7-8 часа, е преголемо, тоа може да биде причина за загриженост. Следува дел од причините за прекумерна поспаност… „Долг“ во спиење Доколку одреден период секоја вечер не спие онолку колку што му треба, се вели дека човекот „должи“ сон. Тоа се насобира со текот на времето, па ако периодот трае, недостаток на сон може да се појави дури и поради една ноќ недоволно спиење. А, може да минат неколку дена додека „целосно закрепнете“, вели психијатарот и специјалист за медицината на спиењето, Алекс Димитриу. Кафе и алкохол – Квалитетот на сонот е исто толку важен како и количината на спиење. Важно е мозокот да мине низ правилните фази на спиење во текот на ноќта, а многу супстанции може да го нарушат тоа. На пр., два вообичаени виновници за нарушувања на спиењето се кофеинот и алкохолот, вели Димитриу. Кофеинот може да доведе до подолго време за заспивање, со што сонот е со покревок и пократок во целина. Едно истражување посочува дека кофеинот го намалува вкупното време на спиење за повеќе од еден час во една ноќ. Алкохолот ја скусува и фазата на РЕМ-спиење. Лекови Лекарствата, исто така може да предизвикаат прекумерна поспаност, смета Димитриу. – Може да ги забележите овие несакани последици, особено кога првпат земате некој лек. Примери на лекови коишто предизвикуваат поспаност се: оние против алергија, против анксиозност, антидепресиви, антипсихотици, антиконвулзиви, лекови за висок крвен притисок, мускулни релаксанти, лекови против болки, вели стручњакот. Апнеја при спиење Апнејата во сон се случува кај 25 отсто од мажите и 10 отсто од жените. Тоа е состојба на привремен прекин во дишењето, што резултира со нарушувања на спиењето и кревок сон, вели д-р Мејр Кригер, овластен пулмолог и стручњак за медицина на спиењето при Универзитетот Јејл. Нарколепсија – Ако некој е екстремно уморен во текот на денот – до тој степен што ненадејно заспивате каде и да сте, можеби има нарколепсија. Состојбата е релативно невообичаена, а зафаќа само еден од 2.000 луѓе во САД и Западна Европа, вели Кригер. Нарколепсијата е состојба во којашто мозокот има проблем да ги контролира циклусите на спиење и будење. Синдром на „немирни нозе“ Главниот симптом на оваа појава е невообичаена и „неодолива желба“ човекот да ги движи нозете ноќе. Кригер вели дека ова обично се влошува при одмор и дење, и/или ноќе, што може да доведе до проблеми во спиењето.

Го однеле детето во болница бидејќи било многу поспано, кога докторите му ја снимија главата ја дознаа страшната вистина

Ивана Ефремовски — Wed, 05 Aug 2020 10:50:02 +0000

Докторите од Ерусалим биле шокирани кога ја откриле причината за ненадејната поспаност кај деветгодишно момче, кое било донесено во болницата од загрижените родители. Родителите пристигнале во медицинскиот центар Хадаса со момчето од Палестина затоа што 9-годишникот бил премногу поспан и постојано му се спиело. Лекарите веднаш го прегледале и на неговата глава открија рана и крв во косата. Веднаш му направиле снимање и магнетна, по што откриле дека момчето има куршум во главата. Куршумот поминал низ черепот и застанал во мозокот на момчето. Неврохирургот Гај Елор, кој го отстрани куршумот од главата на момчето, вели дека родителите не знаеле дека нивниот син е застрелан. -Ако куршумот отишол во друга насока, тоа би можело да предизвика многу поголема штета, рече лекарот и додаде дека момчето добро се опоравува и разговара со семејството.

Избегнувајте ги: Две вкусни намирници предизвикуваат поспаност после ручекот

Ивана Ефремовски — Tue, 28 May 2019 12:35:01 +0000

Колку пати се случило после ручекот да чувствувате замор и да ви ”паѓа” главата затоа што одеднаш сте почувствувале поспаност? Треба да знаете дека постојат одредени видови храна кои лошо влијаат на нивото на енергија во телото. Помфрит Пржените компири се преполни со масло и станува збор за едноставни јаглени хидрати кои треба да се избегнуваат. Имено, брзо го зголемуваат нивото на шеќер во крвта, но и нагло го намалуваат. Значи, ако консумирате помфрит за ручек, веројатно ќе почувствувате ненадеен пад на енергијата, летаргија и поспаност. Кравјо млеко Кравјото млеко е здраво и може да биде дел од урамнотежена исхрана, но исто така може негативно да влијае на нивото на енергија во телото. Зошто е тоа така? Кравјото млеко потешко се вари, лошо влијае на варењето на кое му е потребна помош за поголема количина на крв која влегува во цревата, а остатокот од телото мора да функционира со намален проток на крв. Како резултат на тоа, доаѓа до поспаност и летаргија.