Карен Донфрид посредник во спорот меѓу Украина и Русија

Тале Кристо — Sun, 12 Dec 2021 08:52:34 +0000

Американскиот помошник државен секретар за европски прашања, Карен Донфрид, следната недела ќе ги посети Украина и Русија за да разговара за воените тензии на границата меѓу двете земји, соопшти вечерва американското Министерство за одбрана. Донфрид од понеделник до среда ќе престојува во Киев и Москва, а со претставниците на земјите домаќини ќе разговара за посветеноста на САД на суверенитетот, независноста и територијалниот интегритет на Украина, се наведува во соопштението на Пентагон. Таа ќе „инсистира на можностите да се постигне дипломатски напредок за да заврши конфликтот во Донбас, во источна Украина, со спроведување на мировниот договор усвоен во 2015 година во Минск“. САД, НАТО, ЕУ и Украина веќе неколку недели ја обвинуваат Русија дека трупа свои војници на границата со Украина со цел да се подготви за напад. Кремљ тоа во неколку наврати го демантираше. По Киев и Москва, Донфрид ќе замине за Брисел каде ќе има консултации со европските и НАТО сојузниците.

Москва се нуди за посредник меѓу Грција и Турција

Магдалена Андонова — Tue, 08 Sep 2020 13:37:36 +0000

Рускиот министер за надворешни работи Сергеј Лавров при денешната посета на Кипар изјави дека Москва е подготвена да помогне во посредување во разговорите со Турција околу истражување на гас и нафта во источниот дел на Средоземното Море. – Што се однесува до вашите односи со Турција, ние сме подготвени да промовираме дијалог, прагматично заснован на меѓусебни интереси и во потрага по одлуки кои ќе бидат правични и засновани на меѓународното право, рече Лавров на средбата со кипарскиот претседател Никос Анастасиадис. – Русија ги смета за неприфатливи сите чекори што можат да доведат до натамошна ескалација на напнатоста на истокот на Медитеранот, додаде Лавров на прес-конференцијата во Никозија. (МИА)

посредник – Kurir.mk

Карен Донфрид посредник во спорот меѓу Украина и Русија

Москва се нуди за посредник меѓу Грција и Турција