посвоено дете – Kurir.mk

ЦЕЛИОТ СВЕТ САКАШЕ, НО ЕВЕ КОЈ ГО ПОСВОИ БЕБЕТО – нејзиното име доживотно ќе ја потсетува на судбината која ја има (ФОТО)

Дарко Андоновски — Fri, 10 Feb 2023 07:16:43 +0000

Сириското штотуку родено девојче чија мајка умре откако се породи под рушевините по земјотресот сакаше да ја посвои целиот свет, но сепак тоа го направи нејзин близок роднина. Девојчето ќе се вика Аја што на арапски има неколку значења, а меѓу другото и „Чудо“ и „дар од Бога“. За жал и домот на нејзиниот роднина е уништен во земјотресот, па во моментов тој и негово 11 члено семејство живее во шатор. -По земјотресот никој не може да живее во својата куќа или зграда. Само десет проценти од зградите овде се сигурни за живот, вели тој. Спасувачките екипи ја пронашле Аја во понеделникот вечерта, повеќе од 10 часа по земјотресот додека копале под рушевините во кои живееле нејзините родители. Нејзината мајка Абу Хадије најверојатно ја родила ќерката, а потоа починала, а како што вели докрот Хани Мароуф таа починала неколку часа откако се породила. -Ја крстивме Аја за да престанеме да го викаме бебето новороденче, вели докторот. Тој додава дека нејзините родители загинале под урнатините, а девојчето е во стабилна состојба и нема скршеници на карлицата како што првично се мислеше.

Ќе ве облеат силни емоции: Моментот кога сираче дознава дека ќе биде посвоено од семејство со четири деца (ВИДЕО)

Ивана Ефремовски — Wed, 17 Oct 2018 16:08:15 +0000

11-годишниот Себастијан од Колумбија, кој е сираче, не може да си ги задржи солзите кога семејството кое претходно го имаше згрижено ќе му соопшти дека сака да го посвои. Имено, Себастијан неколку месеци живеел со Аманда и Џобен Барки и нивните четири мали деца во Калифорнија. Парот многу се поврзал со малото момче, што одлучил официјално да го направи дел од нивното семејство. Преку видео повик, четирите дечиња го прашуваат Себастијан дали сака да им биде братче, а потоа Аманда и Џобен го прашуваат дали сака тие да му станат мајка и татко. Емотивното момче без размислување кима со главата. Солзите на Себастијан и радоста на семејството нема да ве остават рамнодушни.

Го посвоиле бебето кое било оставено во картонска кутија: Таа денес е чудо од дете, а тие горди на неа (ВИДЕО)

Катерина Бојаџиева — Tue, 07 Aug 2018 12:15:05 +0000

Мекензи Вокер е едно од децата кои успеваат да преживее многу тежок почеток. Кога имала само месец дена, Мекензи во картонска кутија била оставена на железничката станица во Кина. За среќа, пронајдена е на време и одведена во сиропатилиште. Таму поминала година дена, а во 2003 година била посвоена од едно семејство во Тексес. Нејзиното ново семејство, откако Мекензи била мала сфатиле дека нивната ќерка има неверојатен талент за музика. Само што научила да зборува, ги паметила текстовите на песните напамет и пеела песни од почеток до крај. Сакале да го негува нејзиниот талент и кога наполнила 5 години ја носеле на часови по пеење, а дури и вработиле менаџер. Девет години откако ја посвоиле, во 2012 година, Мекензи доживеала неверојатен момент со кој сите ги шокираше, во позитвна смисла, како нејзините родители. Таа година пеела химна за Безбол лигата каде ја забележал Марк Кармен. Кармен е успешен продуцент и понудил на младата Мекензи која тогаш имала само 10 години договор како би изгледал нејзиниот албум. Нејзините родители се многу горди на неа, а со толку малку години, не ги заборавила децата од домот, па таа постојано им помага. Погледнете ја видео снимката и воедно ќе ја видите и бескрајната љубов во ова среќно семејство, каде родителите едвај ги воздржуваат солзите додека зборуваат за своето дете и неговите успеси и дела.

ВИДЕО: Посвоила момче кое никој не го сакал, 28 години подоцна се случи чудо

Ивана Ефремовски — Sat, 03 Feb 2018 15:18:25 +0000

Постојат добри луѓе како што е Ингеборг која на едно мало бебе му пружила подобар живот. Таа им помогнала на многу момчиња и девојчиња, но никој не се истакнувал како Џордан. Од првиот момент кога го видела, знаела дека сака да го посвои. 20 години подоцна Ингеборг добила поразувачки вести. И дијагностицирале тешка болест на бубрезите и доколку сакала да преживее и бил потребен нов бубрег. Кога Џордан ја слушнал таа вест, знаел дека мора нешто да направи за да помогне. Се тестирал и дознал дека одговара како донор на бубрег. Без размислување се согласил да и подари бубрег на жената која го одгледала. Џордан ја направил најголемата жртва за својата мајка и на крај сè поминало најдобро. Ингеборг и Џордан брзо се опоравиле од операцијата. Ингеборг направила сè за Џордан, а на крај тој го направил истото за неа.