посвојување дете – Kurir.mk

Во Унгарија само брачните двојки ќе можат да посвојуваат деца

Дарко Андоновски — Tue, 15 Dec 2020 15:21:44 +0000

Унгарскиот Парламент денеска усвои Закон, со кој на истополовите двојки практично им се забранува да посвојат деца.

Со Законот, предложен од Владата на премиерот Виктор Орбан, се дозволува само брачните двојки да можат да посвојат деца, додека на самците тоа ќе им биде овозможено само со посебна дозвола од министерот за семејство. Во Унгарија не се дозволени истополови бракови. Унгарскиот Парламент исто така го измени и Уставот, спортед кој семејството се дефинира како заедница помеѓу татко, кој е маж и мајка, која е жена. Хомосексуалците досега можеа да посвојуваат деца, ако еден од партнерите аплицираше за посвојување на дете како самец.

Орбан предлага нов закон: На геј паровите да им биде забрането посвојувањето, воспитување на децата „во склад со христијанството“

Магдалена Андонова — Wed, 11 Nov 2020 12:37:10 +0000

Унгарската влада подготвува нацрт закон со кој на истополовите бракови би им се забранило да посвојуваат деца. Организациите за заштита на човековите права предупредија дека тоа е напад на ЛГБТ заедницата во моментите кога поради пандемијата на коронавирусот се забранети собири и протести. Истовремено, владата на премиерот Виктор Обран предлага уставен амандман кој налага децата да се воспитуваат во склад со христијанското учење за родовите улоги. Со новиот закон, посвојувањето на деца во Унгарија ќе им биде дозволено само на венчаните хетеросексуални парови. Извор: Точка.ком.мк

Обвинителството истражува случај на поткуп при посвојување деца

Ивона Петрова — Fri, 27 Jul 2018 12:42:06 +0000

Постапувајќи по допрен глас, по објавите во медиумите за случај на наводен поткуп во постапка за посвојување на деца, надлежен јавен обвинител од ОЈО Скопје презеде многубројни дејствија за утврдување на фактите во предметот. Како што информираат денеска од Обвинителството, прибрана е целокупната документација од Јавната установа – Меѓу општинскиот центар за социјална работа Скопје, а во врска со водењето постапка за посвојување на дете од страна на лицето кое како оштетена го објави случајот преку телевизиски настап. При тоа, оштетената објави наводни незаконитости во процесот на посвојување, според кои, откако како на потенцијален иден законски застапник на детето и бил побаран поткуп и истиот не бил даден, таа била експресно обвинета и осудена за семејно насилство. - Обвинителството ја прибра и релевантната документација од Министерството за труд и социјална политика и од Јавната здравствена установа Геронтолошкиот завод „13 ноември“ Скопје. Беа сослушани 11 лица во својство на сведоци. Меѓу повиканите беа и претставници на Меѓуопштинскиот центар за социјални работи Скопје, Геронтолошкиот завод, поранешен министер за труд и социјална политика, како и вработена од детска градинка во која престојувало детето, се наведува во соопштението од Обвинителството. Оттаму посочуваат дека по повеќемесечно интензивно постапување во предметот и прибирање на материјалните и вербални докази, како и нивно разгледување и анализа, надлежниот обвинител цени дека во моментов не се создадени услови за финално донесување на јавно обвинителска одлука. - Но поради сериозноста на податоците до кои дојде јавниот обвинител, има потреба од натамошно проучување и испитување на сомнежите за евентуално сторено кривично дело и утврдување на евентуална кривична одговорност на сторителите, додаваат од Обвинителството. Постапувањето на јавниот обвинител во предметот, како што посочуваат од Обвинителството, ќе продолжи во континуитет, се до целосно утврдување на фактите и донесување на јавно обвинителска одлука.