посвојување – Kurir.mk

Верешчук ги повикa Русите да не посвојуваат деца „украдени“ од Украина

Тале Кристо — Wed, 29 Mar 2023 06:59:47 +0000

Украинската вицепремиерка Ирина Верешчук ги повика Русите да не посвојуваат деца за кои рече дека биле „украдени“ во Украина за време на војната и депортирани во Русија. Верешчук на својот канал на Телеграм изјави дека сирачињата биле „украдени во Украина“ и наводно биле дадени на посвојување во Русија. Таа додаде дека „силно им препорачува на руските граѓани да не посвојуваат украински сираци кои нелегално биле однесени од привремено окупираната територија на Украина“. - „Уште еднаш ги потсетувам сите руски таканаречени „посвоители“ и „старатели“: порано или подоцна ќе мора да одговарате, напиша Верешчук, која е задолжена за социјални прашања. Според украинското Министерство за интеграција на окупираните територии, 19.514 украински деца во моментов се сметаат за незаконски депортирани. Меѓународниот кривичен суд (МКС) кон средината на месецов издаде налог за апсење на рускиот претседател Владимир Путин и на рускиот омбудсман за правата на децата Марија Лвова Белова, обвинувајќи ги за наводно незаконско депортирање на деца од Украина во Русија.

Словенија усвои закон со кој им дозволува на истополовите партнери да посвојуваат деца

Магдалена Андонова — Fri, 08 Jul 2022 20:31:15 +0000

Уставниот суд на Словенија денеска ги оцени за неуставни законските одредби според кои само лица од различен пол можат да имаат деца, што, како што велат, претставува дискриминација на истополовите заедници. Според објавената пресуда на Уставниот суд, законодавецот доби рок од шест месеци да ја отстрани таа неуставност, односно да ги измени законските одредби поврзани со оваа тема. Според оваа одлука, брачна заедница се смета за животна заедница на две лица без разлика на полот, а истополовите партнери кои живеат во партнерство можат да посвојуваат деца под исти услови како и брачните парови од различен пол. - Беше најавено дека тоа не значи дека истополовите партнери ќе имаат „апсолутно право“ да посвојуваат дете во иднина, туку дека ќе им биде дозволено да бидат вклучени во листата на кандидати за посвојување, а изборот на најпогодни кандидати ќе продолжат да прават надлежните центри за социјална работа, рече таа.

ОН истражува наводи дека украински деца се посвојуваат во Русија

Магдалена Андонова — Wed, 15 Jun 2022 14:16:15 +0000

ОН истражува наводно испраќање на украински деца во Русија, каде наводно ќе им бидат понудени на посвојување на руски семејства, изјави денеска шефицата на Високиот комесаријат на ОН за човекови права. Говорејќи пред Советот за човекови права на ОН, на неговата 50-та седница во Женева, Мишел Башеле рече дека нејзините служби „ги истражуваат наводите за присилна депортација на деца од Украина во Руската Федерација“. Според тие обвинувања, некои деца наводно биле „киднапирани од сиропиталиште за да бидат понудени на посвојување во Русија“, рече таа. Високиот комесаријат за човекови права не може да ги потврди овие обвинувања ниту за колкав број на деца се работи, додаде таа. Во март, ОН го привлекоа вниманието на ризикот од насилно посвојување на украински деца. – Загрижени сме поради наводните намери на руските власти да дозволат преместување на деца од Украина во семејства кои живеат во Руската Федерација, што се чини дека не вклучува мерки за обединување на семејството или почитување на најдобриот интерес на детето, рече таа. – Ќе продолжиме внимателно да ја следиме ситуацијата, нагласи Башеле. (МИА)

Родила син а потоа ја дала својата ќерка на посвојување: Причината е ужасна

Магдалена Андонова — Thu, 01 Apr 2021 14:19:35 +0000

Една жена открила како нејзината сестра ја оставила двегодишната ќерка на посвојување откако родила син, бидејќи „не можела да се грижи за две деца“. Анонимна жена изјавила дека дознала за одлуката на нејзината сестра од семејството, и дека тоа се случило затоа што таа „не сакала ќерка“. И, по целиот настан, несреќната тетка сега се бори за старателство над девојчето. Имено, за време на пандемијата, анонимна жена родила момче, а семејството организирало повик преку апликацијата „Зум“ со цел да се сретне со новит член на семејството. Кога среќната тетка побара да ја види и девојката, одеднаш завладеа тишина. - Сестра ми многу тивко рече дека не е таму затоа што ја даде својата ќерка на посвојување на почетокот на јануари затоа што не може да се грижи за своите две деца - сподели жената на Редит. Ова шокантно откритие особено ја вознемири бидејќи знаела дека би била најдобриот старател на ќерката на нејзината сестра. - Во моментов сум бремена, поседувам дом и имам средства да го воспитам тоа дете - објасни таа и изјави дека тоа воопшто не требало да се случи. Анонимната жена рече дека всушност го започнала процесот на посвојување пред неколку години откако направила неколку абортуси, па, како што истакнува нејзината сестра можела да и ја довери и грижата за девојчето. - Ја познавам сестра ми и длабоко во себе знам дека таа едноставно не сакаше ќерка - тврди таа. Таа била во депресија кога дознала дека носи девојче, но кога слушнала дека е бремена со момче била воодушевена во текот на целата бременост, рече жената. - Сестра ми секогаш велеше дека сака да биде мајка на момче, па затоа се откажа од својата ќерка со цел да се фокусира на тоа. Пред целото нивно пошироко семејство, несреќната жена ги изгуби нервите и ја нарече „нарцисоидна кретен“. - Ја прашав дали ќе и здосади своето ново дете, дали и од него ќе се ослободи. Ја нареков чудовиште кое се откажа од сопственото невино дете. Откако дознала за целата ситуација, жената што ја дала девојката на посвојување едноставно го прекинала секој контакт со нејзиното семејство, а несреќната тетка решила да контактира адвокат, како и Детската служба и локалните судови да се обидат да ја посвојат нејзината внука . - Ќе се борам против сестра ми за старателство над нејзините деца - таа беше решена и призна дека нејзината сестра има не толку големо минато во кое е вклучена употреба на дрога. Им се заблагодарила на сите на социјалната мрежа за совети и информации за тоа како да се бори за старателство над двегодишната внука.

ЖИВОТОТ ПИШУВА РОМАНИ: После цели 22 години, посвоено момче открило дека работи во иста продавница со неговата мајка (ВИДЕО)

Ивана Ефремовски — Mon, 25 Jan 2021 09:05:14 +0000

Приказната за Кристин е малку постара, но веруваме дека го заслужува вашето внимание. Кристин Талади роди дете во октомври 1985 година. Беше во многу тешка финансиска состојба и никогаш не можеше да се грижи за своето дете. Затоа, таа донесе болна одлука да го даде детето на посвојување. Според неа, ова беше единствениот начин малото дете да има шанса за подобра иднина. Оваа одлука, се разбира, не ја направи среќна, но таа никогаш не се жалела. Тоа го покажува и фактот дека таа секогаш ги држела на располагање документите за посвојување, за да може нејзиниот син да ги најде ако сака еден ден. Кога го посвоиле, момчето го добило името Стив. Кога имал 18 години, започнал да ја бара својата биолошка мајка. Потрагата првично беше неуспешна. Но, Стив не се предаде. По некое време, Стив откри дека Кристин живее недалеку. Во тоа време, момчето работеше како курир во продавница во Гранд Рапидс, Мичиген. Бидејќи ова беше една од најголемите продавници во околината, Стив доби идеја да го праша својот шеф дали случајно ја познавал Кристин Талади. Неверојатно, се покажа дека не само што ја познаваше, туку и дека Кристин работеше во таа продавница. Кој знае колку пати Стив ја сретнал мајка му без да знае која е таа всушност. Мајката и синот конечно беа повторно заедно. Поминаа 22 години и имаше неколку пречки, но кога ќе ги погледнете околностите, се чини дека тие двајца секогаш биле поврзани со невидлива врска. Стив покажа дека е подобар човек од неа, затоа што и прости што го остави.

Хуманоста на оваа Британка е ретка – Посвоила 14 деца од Африка за да ги спаси од улица

Магдалена Андонова — Thu, 22 Oct 2020 11:44:03 +0000

Млада Британка пред осум години отишла како доброволна помош во африканската земја Танзанија, па одлучила да посвои 14 деца оттаму, за „да ги спаси од улица“, како што вели самата. Лети Мекмастер помислила да ги посвои децата, кога видела како персоналот во домот се однесува со нив. Луѓето ги земале парите што децата ги добивале од донации, ги хранеле еднаш дневно, физички и психички ги малтретирале… Наместо предвидениот еден месец, таа минала три години во Африка, сѐ дури домот за сирачиња не бил затворен. Тогаш, таа сфатила дека повеќето деца така остануваат на улица, па повела постапка за посвојување. Првично ѝ припаднале девет деца – и девојчиња и момчиња, а годините потоа кај неа вселила уште пет деца. Сите денес живеат во гратчето Тунбриџ Велс во округот Кент, југоисточна Англија. – Некои од нив ме сметаат за мајка, а други ме гледаат како постара сестра. Јас сум посветена на нивното воспитание, најдобро што можам и многу сум среќна што имам две семејства, изјави Мекмастер за „Сан“. Момчињата и девојчињата што ги посвоила, денес тренираат фудбал, свират на музички инструменти и редовно одат на училиште. Освен што посвои 14-мина, Мекмастер во меѓувреме отворила и прифатилиште каде што деца од улица секоја недела се хранат и добиваат нова облека од донации. (МИА)

Девојче чекало на суд за да биде посвоено, а кога некој ја отвори вратата следуваше изненадување кое долго ќе го памети (ВИДЕО)

Ивана Ефремовски — Fri, 07 Aug 2020 08:20:36 +0000

Девојче по име Даниел било згрижено во хранителско семејство. Сега, на своја 5-годишна возраст, го дочекала моментот на посвојување, кога ќе добие ново семејство. Овој ден бил посебен за девојчето и нејзиното ново семејство, но веднаш станал уше помагичен кога новото семејство седело со Даниел во судницата, а некој влегол на врата. Тоа била Снежана од Дизниевиот цртан филм. А, девојчето останало без текст. Судијата рекол дека ова не е „обично посвојување, туку прием за принцези“. После Снежана влегле и други ликови од цртаните, а Даниел блескала од радост. Својот прв ден од животот во новото семејство, ова девојче нема никогаш да го заборави. Погледнете како изгледало:

Беа сиромашни, но посвоија дете и му дадоа љубов: Кога момчето порасна им овозможи живот од соништата (ФОТО)

Ивана Ефремовски — Wed, 29 Jan 2020 21:32:41 +0000

Кога Џејви Лазаро Бадиле бил дете, тој бил посвоен од страна на прилично сиромашен пар од Филипини. Немал богато детство, но бил благодарен што имал љубов бидејќи тие му дале прилика да живее среќен живот. Кога пораснал, Лазаро постојано учел и напорно работел, по што станал успешен бизнисмен. Поради тоа одлучил на своите родители да им обезбеди сè што им е потребно. Тој на своите родители неодамна им ја купил куќата од соништата, а својата животна приказна ја споделил на Фејсбук. “Кога ме посвоија, животот не беше лесен. Мајка ми е продавачка, а татко ми е портир. Сега кога ми се пружи шанса да им се оддолжам, ќе се погрижам да го живеат својот сон подобро отколку што можат да замислат”.

ЕМОТИВНО: Ги покани сите другарчиња од градинка во судница да го гледаат неговото посвојување (ВИДЕО)

Ивана Ефремовски — Fri, 06 Dec 2019 21:07:05 +0000

Едно петгодишно момче од Мичиген ги поканило сите другарчиња од градинката да присуствуваат на процесот на неговото посвојување. Детето по име Мајкл синоќа формално му се придружи на своето ново семејство со одлука на судот во округот Кент. Додека судијката ја соопштуваше конечната одлука за посвојувањето на 5-годишниот Мајкл, зад среќното детенце седеа сите негови другарчиња од градинка со рачно изработени срца во рацете. Две од дечињата изјавија „Го сакам Мајкл“ и „Мајкл е мојот најдобар другар“ пред Андреа и Дејв да му станат родители засекогаш на саканото дете.

Родителите го оставиле своето новороденче, па медицинската сестра направила нешто НЕВЕРОЈАТНО! (ВИДЕО)

Ивана Ефремовски — Sun, 22 Sep 2019 07:40:19 +0000

Една медицинска сестра која работи на педијатрија одлучила да посвои бебе за кое се грижела во болницата и да стане самохрана мајка. Клер секој ден работи по 12 часа во одделот за детска интензивна нега во една болница во Тексас. Нејзиниот живот се сменил целосно кога го запознала малиот Џексон. Тоа е бебе кое е родено 5 недели порано и тежело само 1,5 килограми. -Веднаш се чувствував поврзано со него, рекла Клер. Мајката на бебето одела на царски рез и Џексон останал 5 недели на нега во инкубатор, а за него се грижела Клер. Таа станала многу блиску со бебето и неговата мајка. Била скршена кога мајката и бебето ја напуштиле болницата и повикала социјален работник задолжен за семејството. Мајката на Џексон сакала нов дом и мајка за своето бебе, бидејќи не можела да му обезбеди добар живот. Затоа, таа контактирала со Клер и ја замолила да се обиде да го усвои. Клер го видела тоа како знак на Бога и била возбудена поради посвојувањето. Клер се јавила на мајка и и’ ја прашала дали може да посвои бебе и да стане самохрана мајка. Мајка и била воодушевена, а тие имале и лулка во куќата што ја добиле. Клер го започнала процесот на посвојување и во јуни го донела Џексон дома. Не било лесно да се префрли од безгрижен живот во живот на самохрана мајка. -Првата недела беше полна со плачење. Чувствував како да плачам секој ден, рекла таа. Па си направила распоред за неа, а нејзината мајка ја поддржувала. Додека Клер работела 12-часовни смени, Џексон останувал со својата баба. Клер го посетувала секој ден пред работа и останувала 3 дена во неделата со него.