Силните миризби на телото можен знак за сериозни здравствени проблеми

Ивона Петрова — Wed, 05 Apr 2023 10:13:57 +0000

Чудните мириси и миризби на телото се можен знак за потенцијални здравствени проблеми, а лекарите тврдат дека некои можат да бидат и знак за рак. Следат неколку примери. Силен и непријатен мирис на пот Ако не може да се ослободите од непријатниот мирис на пот ниту по туширање, тоа може да значи недостаток на магнезиум, според американскиот кардиолог Роберт Сегал од Универзитетот на Њујорк. Кога консумираме премногу кофеин, шеќер или преработена храна, тоа може значително да го намали нивото магнезиум. Сè тоа предизвикува и грчеви во мускулите, вкочанетост и пецкање, експертите препорачуваат дека би било добра идеја да го провериме магнезиумот во телото. - Магнезиумот е минерал којшто помага во чистењето на нашите внатрешни органи, а исто така и во ослободувањето од непријатниот мирис на телото, појасни кардиологот. Премногу интензивни миризби на телото При дигестивни нарушувања како Кронова болест или улцеративен колитис, може да се работи и за сериозен недостаток на цинк. Д-р Сегел истакнува дека цинкот му помага на човековото тело да управува со отпадните материи и токсините, а кога има дигестивно нарушување, телото може да не го апсорбира минералот како што треба. Како резултат на тоа, недостатокот на цинк може да резултира со силна миризба на телото, особено - лош здив. Здив што смрди на „расипани јајца“ - Ако не може да се ослободите од лошиот здив ниту со миење заби, веројатно имате здравствен проблем. А, ако тој лош мирис во вашата уста наликува на „расипани јајца“, може да се работи за бактериска инфекција, предупредува д-р Сегал. Имено, лошиот здив го предизвикува бактеријата „H. pylori“ којашто ја има во нашиот дигестивен систем. Кај некои луѓе тоа не предизвикува забележителни симптоми, а кај други може да доведе до чир на желудник, па дури и рак на желудникот. Непријатен мирис од увото Непријатниот мирис на телото може да потекнува и од увото, иако не е толку чест и вообичаен, смета лекарот. - Ако имате многу лош и непријатен мирис во вашите уши, најверојатно страдате од некаква инфекција, што е она што доведува до гореспоменатата остра арома. А, друг пример за ова се сраснати влакна или лојна циста, и кога таа иритација или инфекција ќе пукне, она однатре речиси секогаш има исклучително непријатен мирис, објасни д-р Сегал.

Оваа мала убавица преживува ужас: Алергична е на вода, кога плаче или се поти чувствува болка (ФОТО)

Ивана Ефремовски — Fri, 02 Mar 2018 16:39:14 +0000

На малата Ајви Енгрмен од Минесота минатиот октомври ѝ било дијагностицирано аквагенска уртикарија (aquagenic urticaria). Нејзините родители забележале дека нешто не е во ред кога виделе дека по бањањето добивала црвен осип на кожата. Прво претпоставувале дека е алергија на некој шампон или сапун. Но, направиле промена на козметичките средства и ситуацијата останала иста. Потоа, родителите ја однеле на доктор кој ѝ открил навистина ретка алергија, што ја имале само околу 50 луѓе во светот. Сфатиле дека нејзиниот живот ќе биде полн со забрани. Таа нема да може да ужива во капењето дома, во базен, во прскање со другарчињата или мавање со снежни топки, бидејќи на нејзината кожа ќе се јавува црвенило. Дури и дождот, плачењето и потењето ѝ предизвикуваат болка. Ситуацијата станала толку неподнослива, што Ајви почнувала да вреска по само 15 до 20 секунди бањање. Нејзините родители започнале да ѝ ја одржуваат хигиената со помош на влажни марамчиња. Сега ја капат еднаш неделно и велат дека им се кине срцето притоа. Потоа не можат да користат пешкир, затоа што ја боли премногу, и оставаат така да се исуши. Исто така, имаат огромна тешкотија како да ѝ наложат на својата ќерка да не плаче. Ајви прима лекарства за да се намалат симптомите на алергијата, но ѝ даваат само кога планираат да има допир со вода, а не секојдневно за да не стане имуна на нив. „Докторот на Ајви ми кажа дека на светот имало жена која била алергична дури и на пиење вода, па пиела само одреден тип на сок. Навистина ме плаши помислата дека Ајви може да дојде и до таа фаза.“, изјави мајката на девојчето за британските медиуми.

пот – Kurir.mk

Силните миризби на телото можен знак за сериозни здравствени проблеми

Оваа мала убавица преживува ужас: Алергична е на вода, кога плаче или се поти чувствува болка (ФОТО)