Мицкоски: Потребно е да се испита потеклото на имот на политичарите, влегуваат во политика голтари излегуваат милијардери, да се искористат постојните законски решенија и чекор по чекор ќе се види кој ја крадел Македонија

Катерина Бојаџиева — Mon, 19 Jun 2023 11:08:50 +0000

Јас сум го кажал мојот став поврзан со тоа. Во политиката имаме многу политичари кои што влегуваат голтари, излегуваа милијардери и ценам дека имотот на голем дел од тие политичари и нивните потесен круг семејства, би рекол во прв ред, изнесува веќе во милијарди и тоа би рекол неколку милијарди. Така што, пред да влеземе во тој ветинг на судството, кој што е памфлет од барање, јас предлагам да се искористат постојните законски надлежности кои што ги има и Управата за јавни приходи и останатите институции во Македонија и да направиме ветинг на политичарите, вели претседателот на ВМРО-ДПМНЕ, Христијан Мицкоски запрашан за став во врска со ветингот во судството кој што се споменува во јавноста. Од теренската активност за посета на реализирани проекти во Општина Аеродром во рамките на акцијата „Ова е Македонија за сите“, Мицкоски истакна дека нуди тој и неговото најтесно семејство да биде прв пример врз кој би се спровел ветингот или потеклото на имот врз политичарите. Мицкоски додаде дека во Македонија многу е лесно да се испита стекнатиот имот и доволно е да се видат луксузно изградените недвижности и луксузни автомобили кои се возат по македонските патишта, на чии сопственици ако им се побараа потеклото на стекнатиот имот ќе се види дека пријавен им е само еден процент од тоа што поседуваат. „Еве, јас сум го кажал тоа, нека почнат од мене и од моето семејство како прв пример. Еве јас лично, се ќе ставам на увид, нека тргнат од мене и ќе покажам потекло на имот. Многу едноставно можете во Македонија да го го видите потеклото на луѓето, без разлика дали се политичари или луѓе кои што се активни во општествениот живот, или блиски до политиката, само доволно е да видите колку имаме луксузни недвижности изградено во последните години, да видите колку луксузни автомобили се возат низ скопските и низ македонските улици и ќе видите кои се тие луѓе, побарајте им го потеклото на имотот ќе видите дека имаат пријавено ниту еден процент од тоа кое што го поседуваат“, рече Мицкоски. Мицкоски смета дека не се потребни импровизации и дека според постоечките македонски закони, може да се провери и да се види кои политичари и нивните семејства, кои стекнале огромни богатства, изминатите три децении ја краделе Македонија. „Многу едноставно, тоа можете според постоечкиот закон, не ни требаат циркуски атракции и да ја спуштаме дебатата на ниво на естрада. Едноставно треба чекор по чекор да ги искористиме постојните законски можности и да го провериме имотот на политичарите и на нивните семејства и ќе ви стане јасно кој и како ја крадел и пљачкал Македонија изминативе повеќе од три децении.

Зошто Заев се плаши од предлогот на Мицкоски за испитување на имот на политичари?

Ивона Петрова — Mon, 16 Dec 2019 10:37:39 +0000

Минаа месеци од предлогот, недели од повикот, а премиерот Зоран Заев се уште не се изјаснува по прашањето за испитување на потеклото на имотот на политичарите и нивните семејства. Ваквото однесување на Заев остана простор за сомнеж дека претседателот на Владата се плаши од испитување на потеклото на имотот на бизнис империјата кој ја поседува тој и неговото семејство. -Да донесеме закон за испитување на потекло на имот на политичарите и нивните семејства, и сите оние кои се збогатиле неосновано на грбот на народот да бидат санкционирани, да прифатиме измени со кои ќе се знае кој ќе биде кандидат мандатар, а оној кој нема да ја добие довербата да се збогува со политиката во Македонија политика. Воедно еве прилика да се излезе од голиот популизам и власта нека ги прифати амандманите на законот за употреба на јазиците, со кој ќе се направи законот уставен, применлив и нема да биде дискриминаторски кон останатите етнички заедници во Македонија. Заев делумно прифаќа испитуање на имот на судии, но не и на политичари, по повика претседателот на ВМРО-ДПМНЕ Христијан Мицкоски, премиерот Заев. Стравот во неприфаќањето на овој предлог, најверојатно е поврзан со јавниот или сокриен удел кој Заев го има во најмалку 12 семејни компании кои се занимаваат од бизнис со производство на ајвар па се до транспорт и бизнис со марихуана. Дека ваков удел постои пред извесно време потврдија од ВМРО-ДПМНЕ. -Бараме и очекуваме, Зоран Заев како лидер на СДСМ и премиер на Република Македонија суштински да се оттргне и да се отуѓи за почеток од: Фарма Медика, Тргопродукт, Мамас Фуд, Омни Градба, Центроштепед, Тотал електроник, Еленица, Пеон, Сара Јавор, Тотал Инженеринг, Сара Инженеринг, Дравас Инженеринг, Електро Инженеринг. Ова се само дел од компаниите во сопственост на кланот Заеви, а имајќи го предвид имотниот лист и изјавите на Заев дека живеат во заедница со братот и родителите, неговото учество и удел во бизнисот додека е избран функционер е и повеќе од суштинско, посочија од ВМРО-ДПМНЕ. Во анкетниот лист на Заев нема удели на негово име Во анкетниот лист на Заев, нема удели на негово име, но на име на родителите пријавил акции. Иако во анкетниот лист Заев не пријавил на свое име ниту недвижен имот ниту автомобил, фактите се сосема поинакви. Мицкоски често го повикува Заев да се огласи по дадените предлози, но одговоор нема. Според Мицкоски добро е премиерот да одговори од што се плаши и зошто молчи за предлозите. Претседателот на ВМРО-ДПМНЕ причина за страв и неизјаснување гледа во несразмерно зголемување на имотот на Заев.

потекло на имот – Kurir.mk

Зошто Заев се плаши од предлогот на Мицкоски за испитување на имот на политичари?