потешко повреден – Kurir.mk

27 годишен гостиварец со поло удрил во коњ – потешко повреден сопатникот, еве ги несекојдневните детали

Дарко Андоновски — Wed, 29 Dec 2021 15:11:23 +0000

Гостиварец се задобил со тешки повреди откако возилото со кое возел налетало на коњ, што слободно се движел по коловоз. Според СВР Тетово, ноќеска (29 декември), половина час по полноќ, во СВР Тетово пријавено е дека на магистралниот пат Гостивар-Кичево патничко моторно возило „фолксфаген поло“, со гостиварски регистарски ознаки, управувано од З.Н. (27) удрило во животно. Во несреќата, сопатникот во возилото, Г.М.(48) од Гостивар, се здобил со тешки телесни повреди. Помош му била прижена во гостиварската болница „Ферид Мурад“. Увид на местото на несреќата извршила екипа од Одделението за внатрешни работи Гостивар. Годинава, по гостиварските сообраќајници имало 16 несреќи предизвикани од животни. Од нив најмногу, десет биле со кучиња, две со коњи. Возачите имале и “блиски средби“ со дива свиња, јазовец, срна и една овца.

Три возила се судрија на автопатот Неготино –Кавадарци, едно лице тешко повредено, три други полесно повредени – ова се деталите

Дарко Андоновски — Fri, 12 Nov 2021 10:07:40 +0000

Во сообраќајна несреќа што се случила синоќа околу 20.30 часот, на регионалниот пат Неготино – Кавадарци, едно лице се здобило со потешки телесни повреди, додека три други лица се полесно повредени. Сообраќајката се случила помеѓу патничко возило „ауди“, управувано од Д.П.(28), патничко возило „фолксваген голф“, управувано од М.П.(32) и патничко возило „ауди“, управувано од М.Р.(22), сите со неготински регистарски ознаки. – Во несреќата со тешки телесни повреди се здобил возачот М.П., а нејзиниот сопатник С.П.(30), возачот М.Р. и сопатничката Т.М.(25), се здобиле со телесни повреди, констатирани во болницата во Неготино. Бил извршен увид на местото на незгодата, информираше денеска Верољуб Додевски, портпарол на СВР Велес.

Изгубила контрола над возилото и излетала од патот – тешко повредено е едно младо лице

Магдалена Андонова — Sun, 06 Jun 2021 10:37:24 +0000

На 05.06.2021 во 17.59 во СВР Битола било пријавено дека на патот с.Бучин – с.Вашарејца, во близина на крстосницата со патот Битола-Прилеп. А.Б.(32) с.Горно Оризари, велешко, управувајќи патничко возило „ауди“ со велешки регистарски ознаки, изгубила контрола и излетала од патот.

Во незгодата, со тешки телесни повреди се здобила А.В., додека со телесни повреди се здобила И.М.(58) од с.Горно Оризари, констатирани во болницата во Битола. Увид на местото извршила екипа од СВР Битола.

Мотоциклист потешко, а осум лица полесно повредени во 10 сообраќајки во Скопје

Дарко Андоновски — Wed, 25 Apr 2018 07:15:28 +0000

Возач на мотоцикл e потешко повреден во една од 10. сообраќајки случени во текот на вчерашниот ден на подрачјето на СВР Скопје. Во пет сообраќајки полесно биле повредени осум лица, а во четири била причинета само материјална штета. Од МВР информираат дека вчера сообраќајната полиција открила и санкционирала поголем број прекршоци. Седумнаесет возачи се движеле со брзина поголема од дозволената, 11 возачи поминале на крстосница на црвено светло, пет возачи не дале првенство на минување на пешаци на обележан пешачки премин. Пет возачи биле санкционирани за неправилно престројување, тројца возачи за неправилно престигнување, а 11 за не користење заштитен шлем. Од сообраќај биле исклучени четворица возачи кои го управувале возилото под дејство на алкохол, 34 возачи пред да се стекнат со право на управување на моторно возило и 13 возачи почетници, како и пет технички неисправни возила, 44 нерегистрирани возила и две возила за претовар. Санкционирани биле и 11 пешаци кои поминале коловоз вон пешачки премин и двајца пешаци кои поминале коловоз на црвено светло. Затекнати биле 188 непрописно паркирани возила. Со помош на специјалното возило пајак, отстранети биле 80 возила. Денеска Одделението за превенција при СВР Скопје во рамките на сообраќајно воспитниот проект „Сообраќајна култура на децата во предучилишните установи“ ќе реализира едукативна работилница со децата од средна и голема група во детската градинка „Литл Ми Интернешнл Прискул Скопје“, која се наоѓа во општина Кисела Вода.