потонат брод – Kurir.mk

Потона брод во близина на Анталија, се трага по исчезнати

Дарко Андоновски — Wed, 05 Apr 2023 12:39:04 +0000

Турската крајбрежна стража трага по деветте исчезнати членови на екипажот на комерцијален брод што пловел кон Украина и потонал во близина на јужната турска провинција Анталија. Бродот под знамето на Гвинеја Бисао испловил од турското пристаниште Искендерун и се упатил кон украинското пристаниште Измаил, соопшти крајбрежната стража. Петмина членови на екипажот се спасени со хеликоптери и други бродови кои минувале покрај областа, се наведува во соопштението.

Се зголемува бројот на загинати од потонатиот брод кај грчкиот остров Евија, пронајдени безживотните тела на 22 лица

Дарко Андоновски — Thu, 03 Nov 2022 09:04:01 +0000

Телата на 11 мажи, шест жени и пет деца, односно на вкупно 22 лица досега се пронајдени и извлечени во близина на грчкиот остров Евија во спасувачката акција на крајбрежната служба на Грција, откако во вторникот потона едрилица со мигранти, јави дописничката на МИА од Атина. Од крајбрежната служба соопштија дека во операцијата за потрага и спасување што започна во раните утрински часови на 1 ноември, спасени се вкупно 12 мажи, а извлечени се 22 тела. Според тврдењата на спасените на едрилицата имало 68 мигранти, што значи дека 34 лица сè уште се исчезнати.

НЕМА ЖРТВИ: Потона холандски брод при судир со друг брод

Магдалена Андонова — Fri, 09 Sep 2022 08:56:50 +0000

Холандски брод потона денеска во Северното Море во близина на Данска по судир со друг брод, соопшти данската морнарица, наведувајќи дека нема жртви. Седум членови на екипажот на бродот „Хелге“ скокнале во морето и биле спасени со хеликоптер. Не се познати деталите за судирот на бродот „Хелге“ долг 89 метри и поголемиот брод „Дивиот Космос“, кој плови под бахамското знаме. Судирот бил на 37 километри од западниот брег на полуостровот Јитланд. Нема извештаи за штета на поголемиот брод. Данската морнарица испрати неколку бродови и два хеликоптера на местото на настанот. Спасените членови на екипажот на холандскиот брод се префрлени во болница. (МИА)

13 години од потонувањето на бродот „Илинден“ во Охридското Езеро

Дарко Андоновски — Mon, 05 Sep 2022 08:56:38 +0000

Денеска се навршуваат тринаесет години од трагедијата на Охридското Езеро кога при потонувањето на бродот „Илинден“ животот го загубија 15 туристи од соседна Бугарија. Несреќата се случи на 5 септември 2009 година, во 10:30 часот. Тоа саботно утро времето беше исклучително топло, езерото мирно и ништо не навестуваше дека ќе се случи најголемата бродска несреќа во историјата на пловидбата на Охридското Езеро. Бродот „Илинден“ кој превезуваше 57 патници од Охрид за Свети Наум, како последица на механички дефект, претовареност и паника, се преврте и потона на околу 250 метри оддалеченост од брегот на езерото, кај автокампот „Елешец“.

Најмалку една жртва во потонување на туристички брод во Аланија

Дарко Андоновски — Tue, 03 Nov 2020 12:42:06 +0000

Вкупно 37 патници се спасени од брод кој потона во близина на турскиот медитерански град Аланија, соопшти Командата на Турската крајбрежна стража, јави агенцијата Анадолија. Од туристичкиот брод кој потона извлечено е едно тело. Градоначалникот на Аланија, Адем Мурат Јуџел изјави дека жртвата е 37-годишен странски државјанин, кој не успеал да се спаси бидејќи се наоѓал во многу тесен простор. Пловилото потонало на околу метри од брегот, а причината за бродоломот сè уште не е позната. Спасувачките тимови на Турската крајбрежна стража се на местото на несреќата.

Потона брод во Турција со околу 60 мигранти

Магдалена Андонова — Wed, 01 Jul 2020 09:54:27 +0000

Брод кој потона во езерото Ван во источниот дел на Турција превезувал меѓу 55 и 60 мигранти, изјави денеска турскиот министер за внатрешни работи Сулејман Сојлу, додавајќи дека досега се извлечени шест тела и во тек е истрага. Во пребарувањето на теренот се вклучени хеликоптери и чамци. Причина за потонувањето на бродот било силното невреме. Медиумите објавија дека мигрантите најверојатно се по потекло од Пакистан, Авганистан и Иран. Езерото Ван, во истоимената турска провинција, се наоѓа во близина на границата со Иран и преку него мигрантите обично преминуваат во Турција. (МИА)

Капетанот уапсен поради несреќата во Дунав и претходно предизвикал судар

Дарко Андоновски — Fri, 07 Jun 2019 07:33:30 +0000

Украинскиот капетан на крузерот, кој се судри со помал брод со туристи на Дунав минатата недела, бил капетан на брод во Холандија кој предизвикал несреќа во таа земја во април, соопшти унгарското Обвинителство. Во соопштението се наведува дека е утврдено дека капетанот „ги избришал податоците од својот телефон“ по сударот во Будимпешта. Адвокатите на уапсениот капетан велат дека „тој е длабоко потресен од тоа што се случи“, меѓутоа додаваат дека не направил никаква грешка. Унгарската полиција соопшти дека се извлечени уште тела од Дунав, со што бројот на загинати во судирот на туристички брод и крузер во Будимпешта се зголеми на 19 лица. Осум јужнокорејски туристи и еден член на екипажот и натаму се водат како исчезнати. Само седум туристи ја преживеаја несреќата, што се случи на 29 мај. Локалните медиуми јавија дека туристичкиот брод во наредните денови би можел да биде извлечен од водата со голема дигалка.

Први инсерти од потонатиот брод на дното на Дунав (ВИДЕО)

Предраг Кукиќ — Fri, 31 May 2019 14:08:16 +0000

Судир на бродови во Будимпешта во која настрадаа седум лица, туристи од Јужна Кореја, а дваесет се водат за исчезнати го шокираат светот. Медиумите веќе објавија како се случила несреќата, а сега објавени се и првите фотографии на кои се гледа потонатиот туристички брод. Фотографиите се снимени на дното на Дунав, а се наоѓа на 7,5 метри длабочина. Фотографија од бродот може да се видиу на 2:42 минути од снимката.

Најмалку две жртви во потонатиот брод во Црно море

Ивона Петрова — Mon, 07 Jan 2019 12:49:41 +0000

Најмалку двајца членови на екипажот го загубија животот во потонатиот брод во Црно море, во близина на градот Самсун. Од потонатиот брод, кој пловел под панамско знаме, спасени се седуммина членови на екипажот, а се бараат уште четворица. На бродот, кој превезувал јаглен од руското пристаниште Азов, имало вкупно 13 членови на екипажот. Во спасувачката операција, која беше покрената откако бродот испратил сигнал за помош, учествуваа три хеликоптери, два чамца и еден авион. Причината за потонувањето и натаму не е позната, а турските медиуми јавуваат дека бродот се преполовил. МИА