потпис – Kurir.mk

Објавена „бомба“ со Арсовска, се даваат пари за потпис во нејзината нова партија

Тале Кристо — Sat, 16 Sep 2023 12:39:20 +0000

На социјалните мрежи е објавена аудиоснимка, во која се слуша глас кој дава инструкции како да се добијат пари за зачленување во новата партија на скопската градоначалничка Данела Арсовска, наречена Правда:

Пендаровски со својот правен тим ќе ги разгледува измените на законите за коридорите 8 и 10д пред да ги потпише указите

Тале Кристо — Sat, 27 May 2023 13:12:09 +0000

Претседателот на државата Стево Пендаровски со својот правен тим ќе ги разгледа измените на законите поврзани со коридорите 8 и 10д донесени вчера од Собранието, посочуваат од МИА од Кабинетот на претседателот наведувајќи дека бидејќи станува збор за повеќе закони за тоа ќе бидат потребни неколку дена. Дури потоа претседателот Пендаровски ќе излезе со став и ќе каже дали и кои укази ќе бидат потпишани. -Вчера попладне во Кабинетот на претседателот се пристигнати законите. Во следните денови ќе бидат разгледани од претседателот и ќе биде донесена одлука дали и кои укази ќе бидат потпишани. Бидејќи се повеќе закони ќе треба неколку дена претседателот да ги разгледа со својот правен тим, истакнуваат за МИА од Кабинетот на претседателот. Собранието вчера на продолжението на 115. седница ги донесе измените и дополнувањата на петте закони поврзани со реализација на Договорот со „Бехтел и Енка“ за изградба на четири автопатски делници на коридорите 8 и 10д. Со 60 гласа „за“ и 43 „против“ беше донесен Законот за изменување и дополнување на Законот за работните односи, со 62 гласа „за“ и 43 „против“ Законот за изменување и дополнување на Законот за експропријација, со 63 „за“ и 43 „против“ Законот за изменување и дополнување на Законот за градење, со 62 „за“ и 44 „против“ Законот за изменување и дополнување на Законот за урбанистичко планирање, а со 63 „за“ и 43 „против“ Законот за изменување и дополнување на Законот за утврдување на јавен интерес и номинирање на стратешки партнер за имплементација на проектот за изградба на инфраструктурниот Коридор 8 (делница: Тетово – Гостивар – Букојчани и проектот за автопатот Требеништа – Струга – Ќафасан) и Коридорот 10д (делница на автопатот Прилеп– Битола) во Република Македонија, сите по скратена постапка.

Кејт Мидлтон одби да им даде автограм на деца, па им објасни: Не смеам да се потпишувам

Ивона Петрова — Fri, 26 May 2023 07:54:21 +0000

Принцезата од Велс Кејт Мидлтон ги изненади луѓето кога одби да даде автограми на собир во Лондон. Имено, Кејт Мидлтон неодамна присуствуваше на Цветниот саем на Челзи во Лондон, каде имаше пикник со присутните деца. Љубопитните деца побарале автограм, но таа морала да ги одбие нивните желби.

View this post on Instagram

A post shared by Simon Perry (@sperrypeoplemag)

Принцезата од Велс е позната по својата пристојност, па овој потег изненади многумина. Сепак, членовите на кралското семејство не смеат да потпишуваат автограми за да се спречи ризикот од фалсификат. -Моето име е Кетрин. Не смеам да се потпишам, тоа е само едно од тие правила. Не можам да си го напишам името, но можам да цртам, им објаснила на децата кога од неа побарале автограм. Иако на кралското семејство не му е дозволено да потпишува автограми, кралот Чарлс еднаш го прекрши протоколот во 2010 година, кога потпиша за жртва од поплавите, пишувајќи „Чарлс 2010“.

Уште 2 шпански екипи тргнаа по потписот на Енис Барди

Ристе Здравков — Wed, 25 Jan 2023 09:40:50 +0000

Македонскиот репрезентативец Енис Барди многу веројатно ќе го напушти Трабзонспор оваа зима, а сѐ поголем е бројот на клубови кои се заинтересирани за негов ангажман. Рајо Валјекано, тимот на Столе Димитриевски, одеднаш избива во преден план за да го купи Енис Барди, а во трката е и Кадиз. Претходно, и Бетис појави интерес за него. Барди од Леванте минатото лето се пресели во Турција и стана член на Трабзонспор.

Салиу: Ни мртов не би го повлекол потписот за рушење на криминалната Влада на СДСМ и ДУИ

Ивана Ефремовски — Sun, 07 Nov 2021 20:22:37 +0000

Ни мртов не би го повлекол потписот за рушење на криминалната Влада на СДСМ и ДУИ, вели во изјава за Алмакос, Абдула Салиу, пратеник од Алијанса на Албанците. „Јас, Абдула Салиу, уште од влегувањето во политичка партија, а уште повеќе кога станав пратеник, кажав дека секогаш ќе бидам на страната на народот и неговиот глас. Затоа, сметам дека е разумно да го појаснам мислењето и активистите на опозициската коалиција дека – ниту мртов не го повлекувам потписот за рушење на оваа криминална и тендерска власт ДУИ-СДСМ!“ – нагласи заменикот Салиу за Алмакос.

Се продава првиот потпис на Меси, цената од ден на ден расте (ФОТО)

Ристе Здравков — Fri, 08 Oct 2021 07:10:33 +0000

Компанијата Goldin Auctions на аукција ја постави првата легитимација на Лионел меси, од 1995 година во тимот на Њуелс Олд Бојс. Почетната цена за неа беше 10 илјади долари, но за само два дена порасна на 36 илјади. Со оглед на тоа што аукцијата трае до 23 октомври, се очекува цифрата дополнително да расте, па можеби да достигне и шестцифрена бројка. Меси играше во Њуелс Олд Бојс до 2000 година кога се пресели во Барселона, а потоа стана најдобар фудбалер на сите времиња.

Мицкоски: Имаме над 80.000 потписи за помалку од една недела за стопирање на фалсификат пописот

Ивона Петрова — Fri, 26 Feb 2021 09:27:07 +0000

Повеќе од 80.000 досега имаме собрaно. Таргетот ни е шестоцифрена бројка. Се надевам на повеќе од 100.000 потписи за стопирање на фалсификат пописот, рече претседателот на ВМРО-ДПМНЕ, Христијан Мицкоски во гостување во „Радио Лидер“. Мицкоски додаде дека со собирањето на потписи за поништување на Законот за попис се докажа дека власта ја нема поддршката од граѓаните. А, најголем доказ за тоа беше што изминатиов викенд, за два дена на 300 локации се собраа над 45.000 потписи. Поголем доказ од ова нема дека власта сигурно паѓа и ја губи довербата од граѓаните на Република Македонија. -До 100.000 потписи ние ќе стопираме, бидејќи ние докажавме со собирање на овие потписи дека власта ја нема поддршката од граѓаните за спроведување на овој штетен попис кој што е политичка, а не статистичка операција, појасни Мицкоски.

Три европски гиганти влегуваат во сериозна битка за Пјаниќ

Тале Кристо — Sat, 16 May 2020 09:36:51 +0000

Тимот на Пари Сен Жермен ќе се натпреварува со Барселона и Челси за играчот од средниот ред на Јувентус, тврди „РМЦ Спорт“. Иднината на играчот од средниот ред е под знак прашалник, а босанскиот репрезентативец е силно поврзан со трансфер кај Каталонците. Францускиот шампион ќе се обиде да го засили средниот ред, по што се очекува да се раздели со Андер Ерера. Се шпекулира дека Пјаниќ може да стане дел од размената со Артур Мело од Барселона. Англиските медиуми исто така тврдат дека Челси ќе се обиде да го привлече, бидејќи „бјанконерите“ сакаат да го земат Жоржино, кој важи за миленик на тренерот Маурисио Сари. Според „РМЦ Спорт“, доколку ПСЖ не успее со Пјаниќ, тој ќе биде префрлен во Усем Ауар од Лион и Тиемуе Бакајоко

Најки патиките со потпис на Коби, се враќаат на пазарот

Ивона Петрова — Fri, 08 May 2020 09:30:03 +0000

Патиките на Најки со потписот на Коби Брајант се враќаат на светскиот пазар следната 2021 година, и тоа, како што говорат гласините – со надградена технологија. Компанијата во јануари годинава, веднаш по неговата смрт, ги повлече патиките и другите реквизити со потписот на Брајант, заради спречување незаконско размножување на самата линија производи. Повлекувањето беше најавено како привремена мерка, поради преосмислување на натамошната маркетинг-стратегија на брендот. Патиките на Брајант се меѓу најпопуларните на Најки, а особено се претпочитани меѓу кошаркарите на НБА. Легендарниот кошаркар активно учествувал во самото дизајнирање на патиките со негов потпис од 2010 година, кога тој првпат ги претстави како дел од Лос Анџелес лејкерс во натпревар против неговиот Најки „соперник“ Леброн Џејмс и неговите Мајами хит. Оригиналниот дизајн во зелени нијанси, на пазарот за препродажба достигнува понуди од 1.500 до 3.600 долари.

Американците ќе добијат државни чекови од 1.200 долари со печат и потпис на Трамп

Тале Кристо — Wed, 15 Apr 2020 19:25:33 +0000

Министерството за финансии на САД денеска почна со исплата на 1.200 долари за Американците кои добиваат минимална и просечна плата. Тоа се пари што ќе ги добијат во рамките на мерките за стимулација на економијата, а ќе бидат со печат и потпис на претседателот Доналд Трамп. Според „Вашингтон пост“ Министерството дало наредба на левиот дел од чекот да стои „претседател Доналд Трамп“ и негов потпис. Три извори за весникот утврдуваат дека шефот на државата лично му ја дал оваа идеја на министерот за финансии Стивен Мнучин. – Уште еден обид на претседателот Трамп проблемот со пандемијата од коронавирус да го решава со политички средства, наведува американскиот весник. Според Министерството за финансии, околу 80 милиони Американци ќе добијат еднократни исплати во висина од 1.200 долари за секој даночен обврзник. Најголем дел од трансакциите ќе биде извршен денеска.