потпиша – Kurir.mk

Емери потпиша тригодишен договор со Виљареал

Магдалена Андонова — Thu, 23 Jul 2020 11:39:55 +0000

Шпанскиот фудбалски стручњак Унаи Емери од денес и официјално е нов тренер на Виљареал. Според прес-службата на клубот, потпишан е тригодишен договор со Емери. Емери веќе има работено со клубови од Ла Лига. Тој ги водеше Валенсија и Севиља, со кои трипати ја освои Лигата на Европа. Четириесет и осумгодишниот тренер работеше и во Спартак Москва, ПСЖ и Арсенал. Досегашниот тренер на шпанскиот клуб, Хавиер Каљехо го предводеше клубот до 5. место во Ла Лига и обезбеди влез во групната фаза од Лига Европа. (МИА)

Путин ги потпиша уставните измени

Тале Кристо — Sat, 14 Mar 2020 12:49:31 +0000

Рускиот претседател Владимир Путин го потпиша денеска законот за уставни измени, по што документот ќе му биде предаден на разгледување на Уставниот суд, соопшти неговиот кабинет. Како што е наведено, Уставниот суд ќе има рок од седум дена да потврди дали законот е согласно рускиот Устав, а потоа ќе биде распишан референдум. Планирано е гласањето да се одржи на 22 април, а својот глас можат да го дадат сите државјани на Руската Федерација постари од 18 години. Доколку половина од излезените граѓани на гласање се изјаснат позитивно за уставните реформи, тогаш тој ќе стапи во сила. Претходно сите уставни измени ги одобри руската Државна дума, а потоа и Советот на Федерацијата. Измените во Уставот подразбираат, меѓу другото, нови социјални гаранции, како и гаранции за зачувување на територијалниот интегритет и рускиот јазик, а, исто така, и голем број измени во државното уредување кога станува збор за владата, државните функционери, како и претседателот. Со реформите му се овозможува на актуелниот претседател Владимир Путин повторно да се кандидира на претседателските избори во 2024 година.

Кралицата Елизабета го потпиша законот за излез на Велика Британија од ЕУ

Тале Кристо — Thu, 23 Jan 2020 16:02:23 +0000

Кралицата Елизабета Втора го потпиша предлог законот за излез на Велика Британија од ЕУ, кој е подготвен од Владата на премиерот Борис Џонсон, со што тој доби статус на закон. Потпретседателот на Претставничкиот дом, Нејџел Еванс денеска ги информира пратениците за тој акт. Британскиот Парламент вчера го усвои предлог законот за условите по Брегзит. Велика Британија ќе ја напушти ЕУ во 23 часот на 31 јануари. Потоа започнува преоден период, во кој Брисел и Лондон ќе ги договорат идните трговски односи. Претходно, британското Министерство за финансии соопшти дека министерот Саџид Џавид планира на 11 март пред Парламентот да го презентира предлог буџетот, кој содржи „амбициозни планови“ за развој на економијата по Брегзит.