потпишување – Kurir.mk

Османи утре оди за Софија, ќе се потпишува протоколот со Бугарија

Магдалена Андонова — Sat, 16 Jul 2022 19:04:18 +0000

Министерот за надворешни работи Бујар Османи утре ќе отпатува за Софија каде ќе го потпише билатералниот протокол меѓу Република Македонија и Република Бугарија. Потпишувањето ќе биде во 10 часот по бугарско време, а претходно ќе се одржи состанок на меѓувладината комисија. Ова следува по денешното усвојување на заклучоците за францускиот предлог во македонското Собрание по што Владата на седница одлучи да го прифати предлогот на француското Претседателство. Премиерот Димитар Ковачевски попладнево на прес-конференција соопшти дека Владата го задолжила министерот за надворешни работи да ја информира Бугарија за заклучоците што ги изгласа Собранието. Првата меѓувладина конференција, како што денеска најави премиерот Димитар Ковачевски, ќе се одржи во вторник во Брисел. /МИА

Ѓорѓиевски: Потпишав 113 решенија за ваучери за новороденчиња, ќе им бидат доставени дома

Магдалена Андонова — Thu, 11 Nov 2021 14:06:56 +0000

Градоначалникот Орце Ѓорѓиевски денес потпиша 113 решенија за доделување средства за новородените деца од овој дел на градот. Семејствата со принова, од денес па во наредните неколку дена, од страна на општинските служби, во својот дом ќе добијат ваучер од Општината во износ од 6000 денари. -Доѓањето на новиот член во семејсвото е, и треба да биде најголема радост. Се надевам дека овие парични средства ќе им бидат од корист на родителите за првите потреби кои доаѓаат со новороденчето. Притоа, не е важно дали се работи за првородено, второродено, трето дете итн. Еднократна парична помош ќе има за сите новородени жители на општина Кисела Вода. Им посакувам да се живи и здрави и ветувам дека ќе им обезбедиме најдобри можни услови за нивен раст и развој- порача градоначалникот Орце Ѓорѓиевски. Општина Кисела Вода ги повикува сите нови родители кои ги исполнуваат критериумите да ја поднесат потребната документација за паричната помош. Процедурата е многу едноставна, а деталите ги има на општинската веб страница на следниот линк: https://www.kiselavoda.gov.mk/index.php/naslovna/novosti/170-dokumentacija-za-paricna-pomos-za-novorodence

Трамп го потпиша Законот за сузбивање пандемиски измами

Магдалена Андонова — Wed, 06 Jan 2021 09:20:19 +0000

Претседателот на САД, Доналд Трамп го потпиша Законот за борба против пандемиски измами во 2020 година, соопшти Белата куќа на својата официјална веб-страница. Со Законот за сузбивање пандемиски измами од 2020 година се бара од Федералната комисија за трговија да открие и да објави информации во врска со измами поврзани со пандемијата. Трамп потпиша уште три закони: Закон за заштита на семејствата на убиените припадници на воената служба, Закон за годишнината на монетите од 1921 година и Закон за иницијативи за војници и ветерани од 2020 година, додаде Белата куќа. (МИА)

Реина може да потпише двегодишен договор со Лацио

Магдалена Андонова — Sun, 23 Aug 2020 15:33:42 +0000

Голманот Пепе Реина наскоро ќе стане играч на Лацио, тврди „Скај Спорт Италија“. Голманот, кој на 31 август наполни 38 години, ќе потпише двегодишен договор со римјаните во понеделник или вторник. Реина е член на Милан, а неговиот договор со „росонерите“ е со важност до летото 2021 година. Изминатата сезона Реина ја мина на позајмица во Астон Вила. (MИА)

Еве што следува по потпишувањето на договорот меѓу Македонија и Грција

Ивона Петрова — Sun, 17 Jun 2018 08:24:01 +0000

На почетокот на следната недела, како што информираат од Владата, на владина седница треба да се усвои законот за ратификација на договорот, по што треба да биде испратен во Собранието, каде треба да биде ратификуван. По ратификацијата следува негово потпишување од страна на претседателот на државата Ѓорге Иванов, кој најави дека нема да го поддржи. Откако ќе биде доставен до Собранието пратениците треба да гласаат и да го усвојат со обично мнозинство, односно со мнозинство од присутните пратеници. Минимален кворум за работата на законодавниот дом е 61 пратеник, што значи дека 31 треба да гласаат „за“, за договорот биде ратификуван. Потоа следува негово испраќање до претседателот Иванов, кој има рок од седум дена да го потпише. Доколку Иванов го употреби правото на вето, договорот повторно оди во собраниска процедура, но тогаш ќе мора да биде изгласан со апсолутно мнозинство, 61 пратеник треба да гласа „за“. Договорот во тој случај повторно се испраќа до претседателот, кој според Уставот е обврзан да го потпише. Имплементацијата на договорот ќе се случува етапно. Ќе стапи во сила откако двете страни ќе го прифатат согласно внатрешни процедури, но доколку која било од страните не го прифати договорот согласно внатрешните процедури тоа ќе значи дека договорот не важи. За договореното, конечниот збор ќе го имаат македонските граѓани на референдумот, кој треба да се одржи во септември или октомври.