потрага – Kurir.mk

Полицијата трага по 27-годишна девојка од скопско Студеничани

Тале Кристо — Thu, 31 Aug 2023 21:01:44 +0000

На 30.08.2023 во 15.30 часот во Полициската станица Драчево, И.Д.(78) од с.Студеничани, скопско, пријавил дека од домот се оддалечила Н.Ф.(27) од с.Студеничани. Се преземаат мерки за пронаоѓање на лицето.

ФОТО: Нуркачи трагаат по исчезнатото лице од Теново

Ивона Петрова — Thu, 17 Aug 2023 11:40:56 +0000

Регионалниот ЦУК Тетово известува дека и денеска трае потрагата по исчезнатото лице од с.Теново, кое за исчезнато беше пријавено на 06.08.2023 година. -Се пребарува теренот покрај реката Вардар во атарот на селата Стенче, Теново и Радиовце. На терен се 23 полициски службеници заедно со командирот на ПС Жеровјане, 5 вработени во ДЗС, 5 вработени во ТППЕ Тетово од кои две специјализирани лица за нуркање, информира ЦУК. На терен, заедно до тимовите од институциите, е и раководителот на РЦУК Тетово, заедно со уште еден вработен од Регионалниот ЦУК. Раководителката Арлинда Мухареми информираше дека потрегата се координира согласно плановите и можностите на вклучените во потрагата.

Фрлени вреќи со облека во Вардар во облик на човечко тело за момент дадоа надеж дека исчезнатиот е пронајден

Ивона Петрова — Wed, 16 Aug 2023 06:11:20 +0000

Центарот за управување со кризи инфрормира дека и во текот на вчерашниот ден се одвивала потрагата по исчезнатото лице од село Теново, Општина Брвеница пријавено пред десет дена. Во координација на раководителот на РЦУК Тетово беа вклучени 25 полициски службеници кои ги пребаруваат нивите, а и коритото покрај реката Вардар. Припадници на Армијата со едно куче од армискиот Центар за обука и дресура за кучиња (ЦОДК) го пребаруваа планинскиот дел на село Теново од 09:00 до 12:10 часот, заедно со еден вработен од ДЗС Тетово и еден вработен од Општина Брвеница. -Фрлени вреќи со облека во облик на човечко тело во водата на Вардар за момент дадоа надеж дека исчезнатиот е пронајден. Конкретно, во 10 часот се препоставуваше дека исчезнатиот е пронајден во реката Вардар во с. Радиовце, но тоа беше лажна трага, бидејќи по влегувње на нуркачите од ТППЕ Тетово беше утврдено дека не е исчезнатиот, туку дека биле вреќи со алишта коишто во водата изгледале како човечко тело во облека, информира ЦУК. Исчезнатиот се уште не е пронајден, а се планира потрагата да продолжи и во наредните денови.

Трет ден трае потрагата по момчето во езерото Глажња

Катерина Бојаџиева — Tue, 01 Aug 2023 13:59:47 +0000

Трет ден трае потрагата по младиот жител на Никуштак кој влезе во водите на езерото Глажња во Липково и не излезе. Во потрагата се вклучени нуркачите од специјалната единица „Тигар“, Дирекција за заштита и спасување, а наскоро ќе се вклучат и нуркачи од армиските специјалци „Волци“. Директорот на Центарот за управување со кризи, Стојанче Ангелов го посети теренот и кажа дека стрмниот брег, длабочината на вештачкото езеро, матностa го отежнуваат пребарувањето. -Потрагата по 29 годишниот маж кој исчезна во водите на вештачкото езеро Глажња се одвива трет ден. Поради тешкиот терен за пребарување, многу косиот брег и голема длабочина која започнува веднаш по влегувањето во водата а на петнаесетина метри оддалеченост од брегот достигнува 40 метри, трет ден се ангажирани десет нуркачи од САЕ „Тигар“ кои се обучени да нуркаат до 40 метри длабочина, вели Ангелов. Во пребарувањето вклучен е и т им за спасување на ДЗС од Велес кој го пребаруваа брегот на езерото, СВР Куманово пак го обезбедува местото на несреќата. Вчера беше употребен и подводен дрон. - Во текот на денешната потрага повторно е употребен подводен дрон на здружението Еко Турист Охрид, со кој се пребарува езерското дно, а неколку можни места се бележени и потоа се пребаруваат од нуркачите на „Тигрите“. Во секој момент треба да пристигнат и осум нуркачи од армиските специјалци „Волци“ кои ќе се приклучат на потрагата, изјави Ангелов. Потрагата по исчезнатиот млад жител на липковското Никуштак трае од завчера кога тој во попладневните часови влегол во водите на Глажња и не излегол.

ФОТО: И нуркачи од армиските „Волци“ се вклучуваат во потрагата по исчезнатиот во езерото Глажња

Ивона Петрова — Tue, 01 Aug 2023 13:07:57 +0000

Потрагата по 29 годишниот маж кој исчезна во водите на вештачкото езеро Глажња трае трет ден. Поради тешкиот терен за пребарување, многу косиот брег и голема длабочина која започнува веднаш по влегувањето во водата, а на петнаесетина метри оддалеченост од брегот достигнува 40 метри, трет ден се ангажирани 10 нуркачи од САЕ Тигар кои се обучени да нуркаат до 40 метри длабочина, информира директорот на ЦУК, Стојанче Ангелов. Тим за спасување на ДЗС од Велес врши површинска потрага по брегот на езерото, а екипи на СВР Куманово го обезбедуваат местото на несреќата. Во текот на денешната потрага повторно е употребен подводен дрон на здружението Еко Турист Охрид, со кој се пребарува езерското дно, а неколку можни места се бележени и се пребаруваат од нуркачите на Тигрите. Во секој момент треба да пристигнат и 8 нуркачи од армиските специјалци Волци кои ќе се приклучат на потрагата.

Потрагата по преживеани во земјотресот што ја погоди Турција завршува вечерва

Тале Кристо — Sun, 19 Feb 2023 12:07:45 +0000

Шефот на турската Агенција за управување со катастрофи и вонредни состојби (АФАД), Јунус Сезер, изјави дека потрагата и спасувањето ќе заврши денеска навечер. Досега се регистрирани повеќе од 46.000 жртви од разорните земјотреси во Турција и Сирија. Бројот на жртвите се очекува да се зголеми бидејќи многумина сè уште се водат за исчезнати. Ниту Турција ниту Сирија сè уште не соопштија колку луѓе се водат за исчезнати.

Потрагата по жената што се фрли во Вардар кај Велес продолжува утре

Тале Кристо — Sun, 01 Jan 2023 17:02:17 +0000

Телото на 55-годишната жена од велешкото село Сојаклари се уште не е пронајдено. Втор ден се трагаше по неа низводно по реката Вардар до сливот на реката Бабуна. Портпаролот на СВР Велес, Ристе Самарџиев за МИА изјави дека потрагата продолжува утре изутрина. Најави дека освен полицијата, пожарникарите од Велес и кајакари, според првичните најави, од утре истрагата ќе биде засилена и со екипа од Единицата за специјални задачи при МВР, а има најави и за вклучување на екипи од Дирекцијата за заштита и спасување. -Истрагата продолжува утре наутро и ќе биде засилена со полициска екипа на Единицата за специјални задачи ЕСЗ, изјави Самарџиев. Педесет и петгодишната жена на 31 декември во 35 минути по полноќ се фрли од Малото Мовче во реката Вардар во Велес. Во 2 часот по полноќ, 62-годишниот Д.М од Скопје пријавил во СВР Велес дека од домот се оддалечила неговата 55-годишна сестра М.К од велешкото село Сојаклари.

Жена се фрлила во Вардар во Велес, потрагата неуспешна поради магла – потребна е помош

Ивана Ефремовски — Sun, 01 Jan 2023 12:26:27 +0000

Жена од Велес на 55-годишна возраст завчера, половина час по полноќ, се фрлила во реката Вардар во Велес. Исчезнувањето на жената со иницијали М.К. од велешкото село Сојаклари, го пријавил нејзиниот брат Д.М (61), а подоцна е утврдено дека жената скокнала во реката од тн. Мало Мовче. По неа или по нејзиното тело сè уште се трага. Во потрагата учествуваат полицајци, пожарникари и граѓани, а ја координира Регионалниот Центар за управување со кризи. Поради временските услови, конкретно намалена видливост и зголемен водостој на р. Вардар, било утврдено дека условите денеска не дозволуваат друга поголема акција. Потрага по лицето се планира да продолжи во текот на утрешниот ден (02.01.2023 година), при што е побарано од страна на СВР Велес да бидат вклучени ДСЗ со својот тим за заштита и спасување на вода, а според одѕивот и можностите да се вклучат и доброволни друштва и кајакари“ – информира ЦУК.

Осми ден потрага по исчезнатото лице од крушевско

Ивона Петрова — Wed, 28 Dec 2022 06:35:26 +0000

Од 9 часот утринава ќе продолжи потрагата по исчезнатото лице во Крушевско. Како што информира Центарот за управување со кризи се планира потрагата да продолжи потрагата кон шумските појаси. -Регионалниот ЦУК Крушево е во координација со сите екипи од институциите и редовно добива информации, велат од ЦУК. Потрагата по исчезнатото лице од Крушево трае во континуитет од самото пријавување во МВР во четвртокот, на 22.12.2022 година, но исчезнатото лице се уште не е пронајдено. -Вовчерашната потрага учествуваа 15 полициски службеници од ОВР Крушево, 14 војници од АРМ со 1 куче трагач, 7 пожарникари од ТППЕ Крушево, Регионалниот РЦУК Крушево со 4 лица вработени, ПО ДЗС со 3 вработени, екипа од Шумска полиција 2 со 1 возило и околу 20-тина граѓани доброволци. Повторно се пребаруваа сите околни места, шумските појаси, низинските места и селските населени места (колиби, напуштени куќи, штали). Екипите од МВР и ТППЕ Крушево се повлекоа во 15:30 часот, а Армијата се повлече во 17:00 часот, информираа вчера од ЦУК.

Потрагата по исчезнатото лице во крушевско продолжува и денеска, вклучени околу 70 луѓе

Ивона Петрова — Tue, 27 Dec 2022 09:44:32 +0000

Потрагата по исчезнатото лице во Крушевско продолжи и денеска. -Во текот на денешниот ден во потрагата учествуваат 15 полициски службеници од ОВР Крушево, 14 војници од АРМ со 1 куче трагач, 7 вработените од ТППЕ Крушево, ПО РЦУК Крушево со 4 лица вработени, ПО ДЗС со 3 вработени, екипа од Шумска полиција 2 со 1 возило и околу 20-тина граѓани доброволци, информира ЦУК. Повторно ќе се пребаруваат сите околни места, шумските појаси, низинските места и селските населени места. Регионалниот ЦУК Крушево е во координација со сите екипи од институциите и редовно добива информации.