повисоки цени – Kurir.mk

НАПОЛНЕТЕ СИ ГО ПАРИЧНИКОТ ОВОЈ ВИКЕНД – доколку планирате да одите на споен викенд во Грција овие НОВИ цени мора да ги имате на ум!

Дарко Андоновски — Thu, 01 Jun 2023 19:31:03 +0000

Цените во Грција го следат трендот од другите европски земји и оваа година се незначително зголемени во однос на претходните години. „Грција инфо“ објави дека цените на храната и останатите производи се разликуваат од едно до друго место. Додека на северот на Грција може да се купи една топка сладолед за едно евро, на Миконос таа може да ве чини неколку пати повеќе. Во продолжение „Грција Инфо“ ги објави цените на дел од основните производи кои важат од 28 мај. Лебот чини од 1,10 до 1,90 евра, млекото чини од 1,00 до 2,50 евра, 12 јајца чинат од 2,20 до 4,00 евра. Тестенини може да се купат од 1 до 2 евра, маслото за готвење чини од 2,00 до 2,50 евра. Гирото ќе ве чини од 3,50 до 4,50 евра, пицата од 6 до 12 евра, а скарата од 6 до 14 евра, додека рибата чини од 6 до 60 евра. Домашно пиво може да се купи од 4 до 5 евра, а соковите чинат од 3 до 5,5 евра. Свежа риба може да се набави по цена од 5,5 до 15 евра, додека мелено месо од 6,57 до 7,50 евра. „Грција инфо“ објави дека може да изнајмите лежалка за цена од 4,50 до 7 евра, чадори од 7 до 12 евра, душек на дување од 6 до 30 евра и пешкири од 5 до 15 евра.

Поради глобалната криза со испораките, производителите на играчки најавуваат повисоки цени

Магдалена Андонова — Mon, 30 Aug 2021 10:59:32 +0000

Производителите на едни од најпопуларните детски играчки предупредуваат дека поради глобалната криза со испораката и недостигот на работна рака, оваа божикна сезона подароците за децата ќе бидат поскапи. Две од водечките компании во САД во тој сектор, ги советуваат родителите да размислат да купат порано играчки за децата бидејќи испораките ќе им одземат многу повеќе време од вообичаеното. – Ќе има огромен недостиг на продуктите оваа година. Има побарувачка, но тешко е да одговориме на тие барања, изјави Ајзак Ларијан од MGA Entertainment за Си-ен-Ен Бизнис. Тој додаде дека главната причина за очекуваните повисоки цени се и зголемените цени за транспорт, и го споменува гигантот Maersk како пример. – Минатата година испораката на еден контејнер беше 3.200 долари. Сега цената е 22.000 долари. Во меѓувреме цените за суровини и труд растат експоненцијално. Само за производство во Кина расходите ни се зголемени за 23 отсто. Тоа ќе се одрази на повисоки продажни цени, нагласува тој. (МИА)

Повисоки цените на производителите на индустриски производи на домашниот пазар

Дарко Андоновски — Tue, 28 Jul 2020 11:35:34 +0000

Продажните цени на производителите на индустриски производи на домашниот пазар во јуни годинава се повисоки за 0,1 отсто на месечно ниво и за 0,2 отсто на годишно ниво, објави Државниот завод за статистика. Во јуни 2020, во споредба со мај 2020 година, продажните цени на производителите на индустриски производи на домашниот пазар се повисоки во групите енергија за 2,1 отсто и трајни производи за широка потрошувачка за 1,1 отсто. Во јуни 2020, во споредба со јуни 2019 година, продажните цени на производителите на индустриски производи на домашниот пазар се повисоки во групите енергија за 0,6 отсто, трајни производи за широка потроошувачка за четири отсто и нетрајни производи за широка потрошувачка за еден отсто.

Повисоки цените на индустриските производи на домашниот пазар на годишно ниво

Дарко Андоновски — Mon, 28 Oct 2019 14:29:43 +0000

Продажните цени на производителите на индустриски производи на домашниот пазар во септември се пониски за 0,1 процент на месечно ниво и повисоки за 1,2 проценти на годишно ниво, објави денеска Државниот завод за статистика. Во септември во споредба со август годинава продажните цени на производителите на индустриски производи на домашниот пазар се пониски во групата „интермедијарни производи, освен енергија“ за 0,5 проценти. Во септември годинава во споредба со септември лани продажните цени на производителите на индустриски производи на домашниот пазар се повисоки во групите: „нетрајни производи за широка потрошувачка“ за 1,8 проценти, „капитални производи“ за 1,4 проценти, „енергија“ за 1,5 проценти и „трајни производи за широка потрошувачка“ за 0,7 проценти.