Скопјани од БЕГ добија двојно поголеми сметки од предвидените 14% покачување

Тале Кристо — Wed, 31 Aug 2022 20:57:44 +0000

За над 100 отсто повисоки сметки за парно добија скопјани за месец август. Граѓаните кои се јавија во редакцијата на СДК се пожалија дека од БЕГ им стигнале сметките за парно, иако месецот не е завршен. Регулаторната комисија за енергетика (РКЕ) на 29 јули донесе одлука цената на парното да се зголеми за 14%, што е многу помалку од зголемувањето на сметките кои сега ги добиваат граѓаните. -Првпат се случува да добиеме сметки пред да заврши месецот. Ај што стигнаа порано, туку се повисоки за 100%. Зошто стигаат волку високи сметки кога поскапувањето требаше да биде само 14%“, прашува еден од граѓаните. Повеќе прочитајте ТУКА

СКАНДАЛ: Економијата во 2022 на колена со новите пет пати повисоки цени за струја за правните лица

Дарко Андоновски — Tue, 21 Dec 2021 14:34:47 +0000

Цените за струја за правните лица од 1 јануари се за пет и пол пат поскапи во споредба со овој месец или само претходниот ден од старата година 31.12.2021 година, доколку се анализираат бројките. Имено фирмите во земјава кои трошат електрична енергија во текот на денот и за време на ноќта според новиот пакет Ден и Ноќ Фикс тие треба да плаќаат цена од 23,164 денари за KWh. За споредба со овие бројки годинава сопствениците на бизниси во земјава плаќаат се уште пет пати помала сума од таа што следува за десетина дена, или во бројки тоа се 4,150 денари за KWh. Не многу одамна граѓаните беа „почастени“ со поскапување на електричната енергија кое предизвика големо незадоволство кај граѓаните по што беа организирани и неколку протести. За следното поскапување за да не се крева револт од страна на граѓаните на кои веќе им е преку глава од товарот кој им се става на грб, Владата предложи да се намали ДДВ-то на сметките со што на граѓаните барем нема директно да го почуствуваат последното поскапување од 12%. Но, ваквото подмачкување има рок, по што постепено ќе се врати на стапката од 18% за две години. Според најавите струјата која ја користат домаќинствата ќе поскапи за 50%, и ова би бил огромен шок за граѓаните кои и така се соочуваат со финансиски последици кои дојдоа како резултат на пандемијата, губење на работните места итн. Првиот регулатор, Марко Бислимовски не сака да каже јавно колку би изнесувала струјата за домаќинствата по 1 јануари сè додека во Регулаторната комисија не ги довршат анализите за трошоците. Министерот за економија Крешник Бектеши изјави исто така дека останува на ставот дека поскапувањето на струјата ќе биде најмногу до 10 отсто. -Јас останувам на тоа што сум го кажал и ќе чекаме до крајот на месецот да видиме каква ќе биде одлуката на РКЕ. Ние сме ги направиле сите анализи, и не само јас како министер за економија и другите институции биле вклучени – енергетските компании како што се ЕСМ, ЕВН, МЕПСО и согласно нашите анализи останувам на ставот што сум го кажал. Нема да има зголемување повеќе од 10 отсто, рече Бектеши во одговор на новинарско прашање на прес-конференцијата по завршната конференција „15 години ја олеснуваме трговијата“ по повод едногодишното претсеадвање на земјата со ЦЕФТА. На брифинг со новинари лидерот на ВМРО-ДПМНЕ, Христијан Мицкоски прогнозираше дека од 30 до 40 проценти ќе биде зголемувањето на цената на струјата. Тој смета дека далеку од вистината е она што деновиве беше пласирано од властите дека цената на електричната енергија нема да се зголеми повеќе од 10 проценти.

повисоки сметки – Kurir.mk

Скопјани од БЕГ добија двојно поголеми сметки од предвидените 14% покачување

СКАНДАЛ: Економијата во 2022 на колена со новите пет пати повисоки цени за струја за правните лица