поврат – Kurir.mk

Повратот на ДДВ од фискални сметки ќе се зголеми на 2.100 денари

Ивона Петрова — Tue, 10 Jan 2023 06:37:28 +0000

Од оваа година повратот на данокот на додадена вредност од фискалните сметки наместо 1.800 денари ќе се зголеми на 2.100 денари. Предлог-законското решение е во собраниска процедура и ставено е како шеста точка на денешната 99. пленарна седница. Законот се носи по скратена постапка. Правото на враќање на ДДВ се остварува за секое календарско тримесечје во кое е издадена фискалната сметка. На предлог на Министерството за финансии, Владата на 27 декември 2022 година го утврди текстот на Предлог-законот со кој се зголемува максималниот износ на поврат на ДДВ што може да го добие едно физичко лице со скенирање на фискални сметки за едно тримесечје.

УЈП со „новите пресметки“ најави доцнење на пари за граѓаните во „Мој ДДВ“?

Љупчо Цветаноски — Wed, 22 Jul 2020 10:13:04 +0000

Дали УЈП најде начин како да задоцни со исплататана парите за граѓаните во проектот „Мој ДДВ“? На ова алармираат познавачите, кои вака ја сфатија пораката на УЈП на Лукареска дека Управата за јавни приходи од 12 јуни годинава ќе прави нова пресметка на повратот на ДДВ кај граѓаните, за второто тримесечје, поради измената, кај македонските производи да се врши поврат од 20 отсто, а кај странските од 10 отсто. Наводсно заради тоа, појаснуваат од УЈП, износот на повратот на ДДВ кај физичките лица за второто тримесечје можел да претрпи промена. Во превод, поради „новите пресметки“ најверојатно ќе се доцни со исплатата,а изговорот ќе биде времето потребно тие да се извршат и стокмат. – Со Уредба со законска сила за изменување и дополнување на Уредбата со законска сила за примена на законот за враќање на дел од данокот на додадена вредност на физички лица за време на вонредна состојба (,,Службен Весник на РСМ бр.156/2020 од 12.06.2020”) е регулирано – враќањето на делот од данокот на додадена вредност пресметан на прометот на македонски добра и услуги се врши во висина од 20 отсто, а за останати добра и услуги се врши во висина од 10 отсто, од пресметаниот данок на додадена вредност искажан во поединечна фискална сметка. Оваа пресметка се врши oд денот на влегувањето во сила на Уредбата со законска сила и не подоцна од 31 декември 2020 година, наведуваат од УЈП. Додаваат дека со цел имплементација на мерката преку која се поттикнувала потрошувачката на македонските добра и услуги, Управата за јавни приходи брзо и ефикасно ја приспособи апликацијата МојДДВ преку која на граѓаните кои скенираат фискални сметки за купените македонски добра и услуги ќе им се изврши поврат во висина од 20 отсто, а за останатите добра и услуги во висина од 10 отсто од пресметаниот данок искажан во фискалната сметка. – Со овие приспособувања за скенираните сметки од 12 јуни 2020 година, повторно ќе се изврши пресметка, според раздвојувањето на македонски добра и услуги со 20 отсто и останати добра и услуги со 10 отсто, наместо досегашните 15 отсто поврат на ДДВ. Поради оваа повторна пресметка износот на повратот на ДДВ кај физичките лица за второто тримесчје може да претрпи промена, појаснуваат од УЈП. Дали ова е јасна најава граѓаните да се подготват на доцнење на повратот на парите од МОј ДДВ?

УЈП со важна информација за граѓаните кои скенираат сметки – Очекувајте промени во пресметката за второто тримесечје

Тале Кристо — Wed, 22 Jul 2020 09:50:39 +0000

Управата за јавни приходи од 12 јуни годинава ќе прави нова пресметка на повратот на ДДВ кај граѓаните, за второто тримесечје, поради измената, кај македонските производи да се врши поврат од 20 отсто, а кај странските од 10 отсто. Заради тоа, појаснуваат од УЈП, износот на повратот на ДДВ кај физичките лица за второто тримесечје може да претрпи промена. – Со Уредба со законска сила за изменување и дополнување на Уредбата со законска сила за примена на законот за враќање на дел од данокот на додадена вредност на физички лица за време на вонредна состојба (,,Службен Весник на РСМ бр.156/2020 од 12.06.2020”) е регулирано – враќањето на делот од данокот на додадена вредност пресметан на прометот на македонски добра и услуги се врши во висина од 20 отсто, а за останати добра и услуги се врши во висина од 10 отсто, од пресметаниот данок на додадена вредност искажан во поединечна фискална сметка. Оваа пресметка се врши oд денот на влегувањето во сила на Уредбата со законска сила и не подоцна од 31 декември 2020 година, наведуваат од УЈП. Додаваат дека со цел имплементација на мерката преку која се поттикнува потрошувачката на македонските добра и услуги, Управата за јавни приходи брзо и ефикасно ја приспособи апликацијата МојДДВ преку која на граѓаните кои скенираат фискални сметки за купените македонски добра и услуги ќе им се изврши поврат во висина од 20 отсто, а за останатите добра и услуги во висина од 10 отсто од пресметаниот данок искажан во фискалната сметка. – Со овие приспособувања за скенираните сметки од 12 јуни 2020 година, повторно ќе се изврши пресметка, според раздвојувањето на македонски добра и услуги со 20 отсто и останати добра и услуги со 10 отсто, наместо досегашните 15 отсто поврат на ДДВ. Поради оваа повторна пресметка износот на повратот на ДДВ кај физичките лица за второто тримесчје може да претрпи промена, појаснуваат од УЈП. Според Управата за јавни приходи со оваа нова функционалност, МојДДВ освен враќање назад пари кај граѓаните и борба против неформалната економија ќе придонесе и кон ревитализирањето на домашната економија, а Управата за јавни приходи уште еднаш се докажа дека е партнер на македонското стопанството во надминување на последиците од здравствено економската криза и поддржувач на домашната економија.

Има ли неправилности кај петте струмички фирми, кои добија 5 милиони евра поврат на ДДВ?

Тале Кристо — Mon, 22 Jun 2020 15:25:13 +0000

Управата за јавни приходи утврдила неправилности во работењето на 5те струмички фирми за кои вчера ВМРО-ДПМНЕ обвини дека во првите 4 месеци годинава оствариле поврат на ДДВ од над 5 мислиони евра или до 5 пати повеќе од повратот кој го оставиле за цела измината година. Директорката на УЈП сепак вели дека овие пари не се легнати на сметките на компаниите, објави телевизија Сител. Од Царинската управа пак велат дека според нивната евиденција посочените фирми при увозот во Република Северна Македонија редовно го пресметувале и плаќале данокот на додадена вредност. Во писмената реакција сепак не одговараат на прашањето на опозицијата дали овие фирми успеале за 4 месеци да увезат роба во вредност од над 25 милиони евра и колку данок е платен по овој основ. ВМРО-ДПМНЕ вчера обвини за милионски суми кои се извлекуваат од државниот буџет по основ поврат на ДДВ. Според опозицијата струмичкуте компании Арена метал, Џокс премиум, Нетком плус, Винас Текстил и Сакаов транс во првите 4 месеци годинава во услови на пандемија, без извоз и намалени работни активности оствариле поврат на ДДВ од над 5 милиони евра, многу повеќе од голем број успешни странски и домашни компании.

За 24 часа над 1.500 граѓани го донирале остварениот поврат на средства преку “МојДДВ”

Тале Кристо — Sun, 26 Apr 2020 07:59:12 +0000

За 24 часа над 1500 лица одговориле позитивно и го донирале повратот на ДДВ, од скенираните фискални сметки, во државниот буџет со цел справување со последиците од КОВИД-19. Бројот на граѓани кои го враќаат назад во буџетот повратот од ДДВ расте во секој момент, а цифрите се покажуваат директно во апликацијата “МојДДВ”. На оваа апликацијата, покрај опцијата за донирање на повратот од ДДВ стои и објаснувањето за владината уредба со законска сила која беше донесена вчера. Со цел подобро справување со последиците од корона вирусот, помагање на граѓаните и на компаниите кои беа погодени од кризата, Владата отвори фонд за солидарност каде компании и приватни лица веќе донираат на различни суми. Од вчера Владата создаде можност за донации на сумата од повратот на ДДВ. „Акцијата за донирање на сумата од првите три месеци од годината е отворена до 5 мај. Граѓаните кои до тогаш нема да го донираат, износот ќе им биде исплатен на трансакциска сметка“, стои во уредбата од Владата.

Тевдовски: Фирмите добија над 120 милиони евра поврат на ДДВ

Дарко Андоновски — Sat, 19 May 2018 07:11:56 +0000

Подобрена е наплатата на приходите кај скоро сите ставки во буџетот и зголемен е повратот на ДДВ во првите четири месеци годинава, истакнува министерот за финансии Драган Тевдовски во интервју за МИА. - Кај вкупните приходи имаме годишен раст од 4,6 отсто. Даночните приходи се повисоки за 7,2 отсто, додека придонесите за шест отсто - споредбено првите четири месеца 2018 во однос на истот период 2017. Ова укажува на зголемена економска активност, како и на раст на личниот доход, согласно растот на придонесите и на наплата на персоналниот данок на доход за 6,1 отсто, вели Тевдовски. Министерот посочува дека повратот на ДДВ кон фирмите е за 40 отсто повисок во однос на минатата година. - Првите четири месеци извршен е поврат на 7,5 милијарди денари или 121 милион евра, што е за 40 проценти повеќе во однос на лани. Повратот на ДДВ кон фирмите се прави навремено и неселективно, што е значаен импулс за поддршка на нивните редовни активности и инвестиции, истакнува Тевдовски. Тој во интервјуто посочува дека досега скоро секоја година имало ребаланс на буџет и притоа најголем број од ребалансите биле поради потфрлање на приходи, но оти сега нема таков проблем. - Ние немаме таков проблем. Сега повеќе треба да се делува од страна на институциите за подобра реализација на капиталните расходи. Буџетскиот дефицит заклучно април е помал во однос на лани. Ако лани изнесувал -0,6 отсто, оваа година е -0,4 отсто од проектираниот БДП. Со оглед на тоа дека имаме добра наплата на приходите, имаме расположиви средства во буџетот, може да се размислува во текот на годината за нивна прераспределба во ставки каде очекуваме подобра реализација, вели Тевдовски. Во однос на обвинувањата на опозицијата за презадолженост, Тевдовски одговара дека јавниот долг е намален. - Да потсетиме дека овие обвинувања доаѓаат од партија која кога беше на власт го зголеми јавниот долг за 3,2 милијарди евра или од 23 отсто на 48,5 отсто од БДП меѓу 2008 и 2016 година. Парите отидоа на жални врби, палми, споменици, панорамско тркало. Во 2017 првпат после осум години имаме намалување на јавниот долг на годишна основа. Во првиот квартал од 2018 повторно има намалување на јавниот долг за 0,3 процентни поени од БДП. Истовремено, траспарентноста за трошењето на јавните пари е зголемена, додека помалку продуктивните трошоци се значајно намалени, вели Тевдовски. Според него, и структурата на долгот е подобрена. Наведува дека ако во април 2012 година соодносот на краткорочни и долгорочни запишани домашни државни хартии од вредност била 93 отсто наспроти седум отсто во интерес на краткорочните, сега соодносот е 60 отсто долгорочни во однос на 40 отсто краткорочни. - Ваквиот сооднос обезбедува намалување на ризикот за рефинансирање на долгот, вели Тевдовски. Во однос на очекувањата за економски раст, министерот истакнува дека Владата останува на проекцијата за 3,2 отсто раст, што е во согласност со ревидираната проекција на Европската комисија и Народната банка. Додава дека ризиците во однос на домашното окружување се значително намалени во услови на стабилизирање на домашната политичка состојба. - Растот се очекува да биде придвижен од приватната потрошувачка, инвестициите, како и засилената извозна активност. Очекувањата за раст на приватната потрошувачка се поврзуваат со очекуваниот раст на вработеноста и платите во приватниот сектор, подигнувањето на минималната плата, растот на платите во здравството, образованието и одбраната. Приватната потрошувачка се очекува да биде поддржана и од предвидениот раст на кредитирањето на населението. Позитивен придонес врз економскиот раст се очекува да имаат планираните инвестиции на јавниот сектор и поддршката на инвестициската активност на домашните и странските претпријатија, посочува Тевдовски. Министерот истакнува дека предвидениот раст на економската активност се очекува да биде придружен со раст на вработеноста, кој ќе биде поттикнат и преку активните мерки и програми за вработување, како и поддршката на домашните и странските претпријатија за отворање нови работни места.(МИА)