повреден полицаец – Kurir.mk

Полицаец и тројца Бугари повредени во сообраќајка на патот Радовиш-Струмица

Ивона Петрова — Sat, 15 Jul 2023 16:51:16 +0000

На 14.07.2023 околу 17.00 часот во СВР Струмица било пријавено дека на магистралниот пат Радовиш – Струмица се случила сообраќајна незгода помеѓу патничко возило „шкода октавија“ сопственост на МВР и патничко возило „хонда“ со бугарски национални ознаки, управувано од С.Р.С.(36) од Република Бугарија. Во незгодата со телесни повреди се здобиле еден полициски службеник и тројца сопатници во возилото „хонда“ од Република Бугарија, констатирани во Медицински центар Струмица. Увид извршила екипа на СВР Струмица.

Со „опел“ удрил полицаец кој сакал да го стопира – еве што следувало потоа среде пладне во Тафталиџе

Дарко Андоновски — Thu, 16 Jun 2022 13:45:57 +0000

На 15.06.2022 околу 14.45 часот на крстосница од улица „Митрополит Теодосиј Гологанов“ и ул.„Московска“, полициски службеници од СВР Скопје го лишиле од слобода Д.П.(41) од Скопје затоа што со патничко моторно возило „опел“ со скопски регистарски ознаки удрил полициски службеник кој извршувал службени дејствија. По документирање на случајот ќе следува соодветен поднесок.

УДРИЛ ПОЛИЦАЕЦ, ПА ИЗБЕГАЛ – драмата продолжила низ скопските булевари, бегале поради тоа што го криеле во автомобилот!

Дарко Андоновски — Thu, 30 Dec 2021 16:36:04 +0000

На 29.12.2021 околу 23.00 часот во Скопје, полициски службеници од СВР Скопје ги лишиле од слобода М.Д.(28) и Д.М., двајцата од Скопје. При контрола на патничко возило „форд“, со скопски регистарски ознаки, во с.Бразда, скопско, кое го управувал М.Д., а Д.М. бил сопатник, М.Д. го стартувал возилото и удрил полициски службеник, кој извршувал службени дејства. Набргу потоа, возилото било сопрено на ул.„Јадранска магистрала“ и при преглед кај двете лица била пронајдена прашкаста материја. Тие биле приведени во полициска станица и по целосно документирање на случајот против нив ќе биде поднесена соодветна пријава.

Повреден полицаец во сообраќајка кај Лагадин

Ивона Петрова — Sun, 02 Aug 2020 10:24:48 +0000

Полициски службеник е повреден во сообраќајка што се случила синоќа околу 19.55 часот на регионален пат во населба Лагадин,Охрид. Од МВР информираат дека сообраќајната незгода се случила помеѓу моторцикл сопственост на МВР, управуван од полициски службеник и патничко моторно возило „ауди“ со скопски регистарски ознаки, управувано од Г.С.(30) од Маврово. – Во незгодата полицискиот службеник се здобил со тешки телесни повреди и бил пренесен во болницата„Св.Еразмо“ за укажување на лекарска помош. Увид на местото на настанот извршила екипа од СВР Охрид, појаснуваат во соопштението денеска од МВР.

Карамбол кај патарина Миладиновци: Возач избегал по верижен судир, повреден полицаец

Ивона Петрова — Tue, 28 Jul 2020 09:06:57 +0000

На наплатна рампа „Миладиновци“ вчера во 6:44 часот се случила сообраќајна незгода во која повреден е полицаец. Во несреќата учествувале товарано возило „фолксваген транспортер“, со штипски регистарски ознаки, управувано од Д.И.(29) од Пробиштип, товарно возило „фолксваген транспортер“, со скопски регистарски ознаки, сопственост на МВР, управувано од полициски службеник и патничко возило „опел“, со штипски регистарски ознаки кои припаѓале на патничко возило „лада“, управувано од непознато лице, кое по незгодата го напуштило местото. -Во незгодата, со повреди се здобил полицискиот службеник и бил пренесен во Градската општа болница „Св. Наум Охридски“ за укажување на лекарска помош, велат од МВР. Увид на местото на незгодата извршила увидна екипа на СВР Скопје.

Повреден полицаец, го прегазил стружанец кој бил сопрен за контрола

Ивона Петрова — Sun, 21 Jun 2020 12:25:11 +0000

На 20.06.2020 околу 15,00 часот во Полициска станица Струга било пријавено дека на ул.„П. бригади“ во Струга полициски службеник при вршење работа од безбедноста сопрел патничко моторно возило “Форд“ со струшки регистарски ознаки управувано од К.И.(49) од с.Октиси, струшко, поради сторен сообраќаен прекршок, информираат од МВР. Од полицијата информираат дека при обид за легитимирање на возачот, истиот одбил, го стартувал возилото и со возилото го удрил полицискиот службеник по што го напуштил местото на настанот. Полицискиот службеник е пренесен во Медицински центар Струга за укажување на лекарска помош. За настанот е известен јавен обвинител, увид на местото на настанот извршила екипа од Полициска станица Струга и се преземаат мерки за расчистување на случајот.

Полицаец повреден во сообраќајка во скопско

Ивона Петрова — Sat, 18 Apr 2020 09:52:01 +0000

На 17.04.2020 во 15.54 часот на ул.„1“ во с.Ново Село, скопско, се случила сообраќајна незгода помеѓу патничко возило „фиат пунто“, со скопски регистарски ознаки, управувано од полициски службеници од СВР Скопје и патничко возило „форд“, со скопски регистарски ознаки, управувано од Е.Г.(36) од Скопје, кој го напуштил местото на незгодата, информир МВР. По сообраќајната незгода, еден полициски службеник бил пренесен во Градската општа болница „Св. Наум Охридски“, каде му биле констатирани телесни повреди. Увид на местото на настанот извршила увидна екипа на СВР Скопје.

ФОТО: Диполоматско возило удри во полицаец пред Влада

Катерина Бојаџиева — Fri, 27 Dec 2019 14:43:40 +0000

Возило со дипломатски таблички денеска околу 15.20 минути удрило во еден од полицајците кои се распоредени пред зградата на Владата на Македонија, пренесува Слободен печат. Според првичните информации, на повредениот полицаец прва помош му е дадена од неговите колеги. Полицаецот со возило на Итна помош е пренесен на прегледи во комплексот „Мајка Тереза“.

Пукање во Скопје попладнево: Повреден полицаец заврши во болница- еве ги деталите

Катерина Бојаџиева — Sun, 08 Dec 2019 19:41:38 +0000

Во СВР Скопје денеска е пријавено дека во 17:00 часот на улицата „Методија Митевски“ пред продажен објект, полицискиот службеник Ј.Ј., кој во моментот не бил на работа, се обидел да запре две лица за кои се посомневал дека ќе извршат кривично дело во објектот. Како што потврдија за МИА од МВР, кон полицаецот бил испукан проектил од огнено оружје, при што тој се здобил со повреда во раката и бил префрлен во здравствена установа за укажување на лекарска помош.

Нови детали за повредениот полицаец во Шуто Оризари

Катерина Бојаџиева — Tue, 29 Jan 2019 13:39:30 +0000

Од ГОБ „8 Септември“ информираа дека повредениот полицаец е во стабилна здравствена состојба и е ставен на апарат за дишење. Едниот од двајцата полициски службеници од Полициската станица Чаир кои вчера беа повредени откако биле нападнати од група граѓани во населбата Шуто Оризари, кој се здобил со полесни повреди беше донесен во Ургентниот центар, по што беше пуштен на домашно лекување, изјави за МИА раководителот на Ургентниот центар Алберт Леши. Посочи дека кај нив бил донесено уште едно лице со посериозни повреди односно со нагмечување во пределот на главата, со контузија и потрес на мозокот. -Полицаецот имаше речиси незабележителни повреди. Цивилот мислам дека е сместен на Клиниката за неврохирургија, додека другиот полицаец кој бил посериозно повреден бил однесен во Градската општа болница „8 Септември“, додаде Леши. По синоќешниот инцидент на распит во полиција се повикани повеќе лица и во моментов се работи на расчистување на случајот.