повредена девојка – Kurir.mk

Девојка заврши со тешки повреди на Клинички откако претходно паднала од мотор

Магдалена Андонова — Fri, 15 Jul 2022 10:58:43 +0000

На 15.07.2022 во 00.30 часот во СВР Скопје било пријавено дека на бул.„Јане Сандански“, Т.Д.(23) од Скопје, превезувајќи се како сопатник на мотоцикл „јамаха“ со скопски регистарски ознаки, управуван од Ф.Р.(24) од Скопје, паднала од мотоциклот. Во несреќата, таа се здобила со тешки телесни повреди констатирани во Комплексот клиники „Мајка Тереза“. Извршен бил увид од увидна екипа од СВР Скопје.

Автомобил излета од патот Градско-Прилеп, тешко повредена девојка (18)

Ивона Петрова — Fri, 27 Aug 2021 09:51:32 +0000

Тинејџерка е тешко повредена во сообраќајна несреќа која се случила околу половина час по полноќ на магистралниот пат Градско – Прилеп. -Патничко моторно возило „фолксваген поло“ со кавадаречки регистарски ознаки, управувано од Д.М.(23) од Росоман, излетало од патот, информира МВР. Во незгодата со тешки телесни повреди се здобила сопатничката во возилото З.Б.(18) од с.Трстеник, констатирани во болницата во Кавадарци. Бил извршен увид на местото на настанот.

Тинејџерка повредена откако ја удрил автомобил

Ивона Петрова — Thu, 21 Jan 2021 10:11:44 +0000

Девојка е повредена откако вчера во неа удрил автомобил. Несреќата, информира портпаролот на СВР Тетово Марјан Јосифоски, се случила околу 14 часот и 45 минути на крстосницата на улиците „Страшо Пинѓур“ и „Тодор Циповски-Мерџан“ во Тетово. -Патничко моторно возило „шкода рапид“ со тетовски регистарски ознаки, управувано од 48-годишниот А.Д. од тетовска Шипковица, удрило во 17-годишна тетовка (пешак). Таа била пренесена во тетовската Клиничка болница за укажување на лекарска помош, информира Јосифоски.

Млада девојка тешко повредена, со автомобил излетале од булевар „Србија“

Ивона Петрова — Thu, 20 Aug 2020 08:14:45 +0000

На 20.08.2020 во 00.30 часот било пријавено дека на бул.„Србија“ во Скопје, патничко возило „мерцедес 124“, со скопски регистарски ознаки, управувано од В.Л.(23) од Скопје, излетало од коловозот. -Во незгодата, со тешки телесни повреди се здобила сопатничката М.Л.(20) од Скопје, констатирани во Комплексот клиники „Мајка Тереза“, информираат од МВР. Извршен бил увид на местото на незгодата од увидна екипа од СВР Скопје.

Тешка сообраќајка во Нерези, прегазена тинејџерка

Ивона Петрова — Mon, 12 Aug 2019 08:40:15 +0000

Осумнаесет годишна девојка е тешко повредена откако била удрена од автомобил. ОД МВР информираат дека несреќата се случила синоќа во 23 часот на крстосницата од улицата “Војвода Васил Чакаларов“ и улицата “Козле-6“ кога “Пежо 106“ со скопски регистарски ознаки управувано од Ѓ.З.(61) од Скопје удрило во И.Д.(18) од Скопје. -Во незгодата со тешки телесни повреди се здобила И.Д., која била пренесена во Комплекс клиники “Мајка Тереза“ за укажување на лекарска помош, информираат од МВР. Увид на местото на настанот извршиле увидна екипа од СВР Скопје.

Повредената Македонка во сообраќајката во Солун е во критична состојба

Ивона Петрова — Mon, 12 Feb 2018 13:55:26 +0000

Девојката која во саботата беше повредена во сообраќајна несреќа во Солун е приклучена на машини и е во критична состојба, додека пак на повредениот маж утре ќе му биде извршена операција на бутната коска, јави дописникот на МИА од Атина повикувајќи се на информации од болницата. Двајцата македонски државјани беа повредени во сообраќајка што се случи во Солун во саботата попладне во близина на ИКЕА, додека стоеле на островче, кога во нив удрило возило кое изгубило контрола, веројатно поради голема брзина и излетало од коловозот. Како што јавува дописникот на МИА од Атина, двајцата Македонци, 27 годишна девојка и 38 годишен маж и возачот веднаш биле пренесени во болница. Семејствата на повредените, веднаш по несреќата биле известени од Конзулатот на Република Македонија во Солун, а македонското ДКП е во постојан контакт и со докторите од двете грчки болници во кои се пренесени повредените и со родителите на двајцата македонски државјани.

Девојка тешко повредена во сообраќајка, со „БМВ“ излетале од пат и се удриле во дрва

Ивона Петрова — Sat, 06 Jan 2018 09:02:45 +0000

Дваесетгодишна девојка се здобила со тешки телесни повреди во сообраќајна несреќа што се случила рано утринава во 3 часот и 55 минути на регионалниот пат Штип – Радовиш кај чешмата во непосредна близина на винарската визба „Имако“. Станува збор за М.Д. од Штип, која се здобила со фрактура на втор вратен пршлен и поради сериозноста на повредите веднаш била пренесена во Штипската болница, а потоа хоспитализирана во Клинички центар во Скопје. Портпаролот на СВР Штип Гордана Панајотова вели дека во возилото БМВ со штипски таблички кое се движело во правец од Радовиш кон Штип, се превезувале четири девојки на возраст од 20 до 21 година и едно момче Д.З. (22), кое го управувало возилото. Автомобилот од непознати причини излетал од коловозот, удрил во две дрвја кои се скршиле. Едното од дрвјата паднало врз возило „Пежо 206“ со кумановски таблички кое уредно било паркирано на паркингот, а во него имало две лица, возачот кој бил од Струмица и сопатничката од Куманово. Според првичните информации, сите патниците од БМВ се задржани во Штипската болница со цел проверка на нивната здравствена состојба. На местото на сообраќајката е излезен обвинител и екипи на крим техника. Сообраќајот на патот Штип – Радовиш е нормализиран и во двата правца.