повредени деца – Kurir.mk

Повредни 10 деца кои биле на екскурзија: Се судрија автобус и автомобил во Шабац

Катерина Бојаџиева — Sat, 03 Jun 2023 11:17:09 +0000

Најмалку 10 деца се полесно повредени во српскиот град Шабац при судир на автомобил и автобус кој превезувал деца од Нови Сад на екскурзија. Десет деца со полесни повреди побарале лекарска помош додека со потешки повреди е водичот на екскурзијата. Според српски медиуми, приведен е возачот на автомобилот кој непрописно преминувал сообраќајна лента кога на него налетал автопбусот во кој биле децата.

Повредени од несреќата со автобусот во Бугарија ќе бидат префрлени до границата со Србија, возачот на автобусот останува во притвор

Ивона Петрова — Fri, 19 Aug 2022 06:19:52 +0000

Повредени од несреќата со српски автобус во Бугарија на автопатот Тракија, денеска со две екипи на Центарот за итна медицинска помош од Стара Загора ќе бидат пренесени до граничниот премин Калотина. Тоа го соопшти бугарското Министерство за здравство. Пациентите кои ќе бидат транспортирани се во подобрена општа состојба. Организирано е тие да бидат преземени од српски медицински тимови по преминувањето на границата. Во болницата во Стара Загорје останува еден возрасен, а се очекува за неколку дена да биде префрлен во Србија. Во притвор останува возачот на автобусот што излета од патот. Против него е поднесена кривична пријава за прекршување на правилата на патниот сообраќај и ненамерно предизвикување сообраќајна незгода додека возел автобус на 14 август на автопатот Тракија во околината на Стара Загора. Со ова возачот нанел телесна повреда на 12 деца на возраст од шест до 16 години и на 40-годишен маж, како и тешка телесна повреда на 42-годишен маж, соопштија од судот во Стара Загора.

Децата повредени во Бугарија пристигнаа во Србија

Магдалена Андонова — Mon, 15 Aug 2022 14:30:45 +0000

Децата кои вчера беа повредени во сообраќајна несреќа во Бугарија пристигнаа во Србија на понатамошно лекување. Тие штотуку ја минаа бугарската граница и влегоа во Србија. Како што напиша Телеграф, децата со амбулантно возило директно ќе бидат пренесени во Белград, а ќе бидат згрижени на Универзитетската детска клиника во Тиршов.

Украина: 135 деца се убиени од почетокот на инвазијата, тинејџери биле разнесени од мина

Ивона Петрова — Fri, 25 Mar 2022 08:26:39 +0000

Украинското обвинителство соопшти дека 135 деца се убиени, а 184 се ранети од почетокот на руската инвазија на Украина. Во ажурираните податоци за неодамнешните жртви, властите посочуваат дека две деца биле убиени за време на жестоки борби во градот Рубижне, регионот Луганск, пренесува Би-Би-Си. И вчера, две деца на возраст од шест и 13 години беа повредени во Новомихаиливка, регионот Доњецк, по руското гранатирање. Обвинителите додадоа дека тројца тинејџери – на возраст од 13, 14 и 15 години – биле разнесени од мина во Обилне во регионот Запорожје. Тие се пренесени во болницата Мелитопол каде еден е во критична состојба на одделот за интензивна нега. Би-Би-Си посочува дека не е можно да се потврдат информациите од независен извор.

ФОТО: Повредени 19 деца откако автомобил влетал во предучилишна установа

Ивона Петрова — Fri, 04 Mar 2022 09:28:06 +0000

Деветнаесет деца се повредenи откако возило влетало во дневен престој за деца во северна Калифорнија. -Тие се пренесени во болница, како и еден вработен во установата, но нивните повреди не се опасни по живот, соопшти локалната полиција. Теренско возило се залетало низ ѕид на христијанската предучилишна установа „Голема авантура“ вчера попладне. Властите информираат дека смртен случај нема, ниту се очекува. Возачот е жена од Андерсон и таа соработувала со властит, не била под дејство на алкохол или опојни дроги. По дадената изјава во полиција била пуштена, а истрагата продолжува.

Тешка сообраќајка во Маврово: Повредени шест лица, меѓу нив 2 деца

Ивона Петрова — Tue, 25 Aug 2020 09:14:45 +0000

Шест лица се повредени од кои едно потешко во сообраќајна несреќа која вчера во 14:50 часот се случила на регионалниот пат Гостивар-Маврови Анови, во близина на Мавровска крстосница. Според информациите од МВР во несреќата учествувале автомобил „опел корса“ со штипски регистарски ознаки, управуван од В.М.(50) од Свети Николе и автомобил „ровер“ со тетовски регистарски ознаки, управувано од И.Р.(47) од Тетово. -Во незгодата со тешки телесни повреди се здобил возачот В.М., а со телесни повреди се здобиле сопатниците од истото возило Л.М.(37) и две деца на возраст од пет и три години, потоа возачот И.Р. и сопатничката од истото возило Р.Р.(43), констатирани во Медицинскиот центар Гостивар, истакнуваат од МВР. Извршен бил увид на местото на настанот од увидна екипа од Полициската станица Гостивар.

Деца повредени во скопско Горно Свиларе

Ивона Петрова — Tue, 23 Jun 2020 08:19:24 +0000

На 22.06.2020 во 14,00 часот било пријавено дека во с.Горно Свиларе-скопско велосипед управуван од 13 годишник удрил во 11 годишен пешак двајцата од с.Горно Свиларе. -Во незгодата со повреди се здобиле двете деца, по што биле пренесени во Комплексот клиники “Мајка Тереза“ за укажување на лекарска помош. Извршен бил увид на местото на настанот од увидна екипа од СВР Скопје, информираат од МВР.

Три дечиња повредени во Скопје, врз нив се срушил ѕид

Ивана Ефремовски — Sat, 21 Mar 2020 13:21:28 +0000

На 20.03.2020 во 17:41 часот во СВР Скопје било пријавено дека на ул.“Ѓуро Ѓоновиќ“ три деца на возраст од 13,10 и осум години биле повредени по пад на ѕид, од објект во изградба. Тие биле пренесени во Градската општа болница “Св.Наум Охридски“ за укажување на лекарска помош и од страна на лекар констатирани им биле телесни повреди. Извршен бил увид на местото на настанот од увидна екипа од СВР Скопје.