повредени малолетници – Kurir.mk

Повредени малолетници кои се возеле на тротинет- во нив удрило „бмв“

Катерина Бојаџиева — Thu, 13 Jul 2023 10:42:36 +0000

На 12.07.2023 во 16.20 часот во СВР Скопје било пријавено дека на крстосницата од ул.„Архиепископ Доситеј“ и ул.„Струмичка“, патничко возило „бмв“ со скопски регистарски ознаки, управувано од З.К.(29) од с.Арачиново, скопско, удрило во тротинет, управуван од малолетник од Скопје. Во несреќата со тешки телесни повреди се здобил малолетникот, а со телесни повреди се здобил малолетен сопатник на тротинетот, констатирани во Комплексот клиники „Мајка Тереза“. Извршен бил увид од увидна екипа од СВР Скопје.

МВР со детали за тешката сообраќајка во Кисела Вода

Ивона Петрова — Mon, 22 May 2023 07:04:12 +0000

Двајца малолетници се повредени во сообраќајна несреќа која синоќа околу 22:25 часот се случила во Кисела Вода. Од МВР информираат дека во несреќата случена на крстосница од ул.„Борис Трајковски“ со ул.„Есенинова“ и ул.„Иван Козаров“, учествувале мопед со скопски регистарски ознаки, управуван од малолетник од Скопје и автомобил „рено меган“ со скопски регистарски ознаки, управувано од Ј.Т.(33) од Скопје. -Во несреќата, малолетен сопатник на мопедот се здобил со тешки телесни повреди, констатирани во Градската општа болница „Св.Наум Охридски“, додека возачот на мопедот се здобил со телесни повреди констатирани во Комплексот клиники „Мајка Тереза“, информира МВР. Увид на местото извршила екипа од СВР Скопје.

ПОВРЕДЕНИ ДВЕ МАЛОЛЕТНИ ЛИЦА: Тешка сообраќајка кај Врбјани, ова се деталите

Магдалена Андонова — Sun, 06 Nov 2022 16:58:07 +0000

На 05.11.2022 во 09.40 часот било пријавено дека на магистралниот пат Охрид-Кичево, кај с.Врбјани, патничко возило „опел корса“ со кичевски регистарски ознаки, управувано од Б.К.(42) од Кичево, излетало надвор од коловозот. Во несреќата со тешки телесни повреди се здобил сопатникот Д.К.(42) од Кичево, а Б.К. и уште двајца малолетни сопатници се здобиле со телесни повреди, констатирани во Специјалната болница „Св.Еразмо“ во Охрид. Извршен бил увид од увидна екипа од СВР Охрид.

Тројца малолетници повредени во сообраќајна несреќа на патот Битола-Прилеп

Ивона Петрова — Tue, 27 Sep 2022 10:31:38 +0000

На 26.09.2022 во 19.00 часот во Полициската станица Битола било пријавено дека на патот Битола-Прилеп се случила сообраќајна несреќа во која учествувале запрежно возило управувано од 15 - годишник од Битола, патничко возило „опел астра“, со битолски регистарски ознаки, управувано од Г.Ј.(50) од Битола и товарно возило „цитроен“ со прилепски регистарски ознаки, управувано од Т.Р.(60) од с.Беровци, прилепско. Во несреќата малолетникот кој го управувал запрежното возило и неговиот малолетен сопатник се здобиле со тешки телесни повреди, додека другиот малолетен сопатник се здобил со телесни повреди, констатирани во Клиничката болница Битола. Увид на местото на настанот извршила екипа од СВР Битола.

Двајца малолетници тешко повредени во сообраќајни незгоди

Катерина Бојаџиева — Sat, 10 Sep 2022 12:27:58 +0000

Вчера на улицата „Ќемал Сејфула“ во Скопје, патничко возило „ауди“, со скопски регистарски ознаки, управувано од Р.Ф.(21) од селото Љуботен, скопско, удрило во велосипед управуван од малолетник од Скопје. Како што информираат од МВР во несреќата младиот скопјанец се здобил со тешки телесни повреди, констатирани во Комплексот клиники „Мајка Тереза“. Извршен бил увид од увидна екипа од СВР Скопје. Воедно, вчера во 19 часот било пријавено дека во Битола, на крстосницата од улица „Методија Андонов Ченто“ и улица „Васил Главинов“, се случила сообраќајна несреќа помеѓу патничко возило „шкода кодијак“, со битолски регистарски ознаки, управувано од Ј.С.(42) од Битола и мопед „јамаха“, без регистарски таблички, управуван од малолетник од Битола. Во несреќата возачот на мопедот се здобил со тешки телесни повреди, констатирани во Клиничката болница во Битола. Извршен бил увид од увидна екипа од СВР Битола.