повредени патници – Kurir.mk

Седум лица повредени во авион поради силни турбуленции

Катерина Бојаџиева — Tue, 04 Jul 2023 08:33:22 +0000

Седум лица се повредени во авион поради силни турбуленции за време на летот на „Хаваи ерлајнс“ од Хонолулу до Сиднеј. „Авионот во четвртокот превезуваше 163 патници и 12 членови на екипажот кога „наиде на неочекувани силни турбуленции околу петтиот час од летот“, се вели во соопштението на авиокомпанијата. Се додава дека лекарите на аеродромот укажале помош на тројца повредени патници кога авионот слетал во Сиднеј. Еден патник и три стјуардеси се испратени во болница на дополнителни прегледи, по што стјуардесите се отпуштени од болничко лекување. Минатата година во тешки турбуленции беа повредени 25 лица на летот на „Хаваи ерлајнс“.

Повредените 12 патници во несреќата во Велес се надвор од животна опасност

Катерина Бојаџиева — Thu, 05 Jan 2023 15:36:35 +0000

Дванаесетте повредени во несреќата што се случи попладнево кај велешка „Порцеланка“, при која возило моторна дрезина на ЈП „ЖРСМ Инфраструктура“ удри во комбе со патници, се однесени во велешката болница и се надвор од животна опасност, информира за МИА д-р Елена Левкова Ќулумова, портпарол на ЈЗУ Општа болница – Велес. – Сите се задржани на испитување и опсервација. Досега се снимани половината од патниците и скршеници кај нив не се констатирани. Но, сѐ уште се вршат испитувања кај останатите половина од повредените. Целосната информација ќе ја имам по 16 часот, изјави д-р Левкова Ќулумова. Таа информира дека меѓу повредените има две деца на возраст од три и пет години и една 19-годишна девојка. Останатите повредени лица се на возраст од 30 до 60 години. Информацијата дека сите повредени се надвор од животна опасност и дека на нив се вршат рентген и други испитувања ја потврди и д-р Љупчо Леов, ортопед, кој ги прегледал повредените. Тој потврди дека засега нема констатирано скршеници кај никој од повредените, но тие сепак се оставени на опсервација, а неговиот колега, д-р Ванчо Граматов ги прегледува останатите повредени. Денеска во 12:01 часот во СВР Велес било пријавено дека на железничкиот премин кај фабриката „Порцеланка“ во Велес се случила незгода помеѓу железничко возило и комбе „мерцедес“ со велешки регистарски ознаки, сопственост на такси компанија од Чашка, управувано од 52-годишниот Д.Ј. од Чашка.

Преживеаните патници по ден-два ќе бидат префрлени во Скопје

Ивона Петрова — Tue, 23 Nov 2021 08:49:37 +0000

Министерот за надворешни работи Бујар Османи изрази благодарност за брзата реакција на бугарските здравствени власти. Како што изјави Османи по посетата на болницата Пирогов во Софија, сите седум хоспитализирани кои ја преживеаја автобуската се навреме згрижени и стабилизирани. Се очекува по еден ден или два да бидат префрлени во Скопје. -Имаше брза реакција од страна на бугарските здравствени власти. Сите пациенти се навреме згрижени, дадена е прва медицинска помош, сите се стабилизирани. Очекуваме да останат ден-два за да можеме да ги префрлиме после во Скопје, рече Османи. Тој е во Софија по трагичната несреќа што се случи ноќеска заедно со премиерот Зоран Заев и министерот за здравство Венко Филипче.

Две патнички повредени откако возач на ЈСП нагло прикочил за да избегне сообраќајка

Ивона Петрова — Tue, 13 Nov 2018 10:17:07 +0000

Двце жени се здобиле со повреди, од кои едната потешки, откако вчера возач на ЈСП нагло прикочил. Инцидентот се случил околу 15,20 часот во Скопје на крстосница од улица „Водњанска“ и „50-та Дивизија“, кога автобус на ЈСП бр. 50 управуван од М.М.(53) од Скопје нагло прикочил за да не удри во друго возило кое излегло пред него. Со повреди се здобиле патниците во автобусот, В.А.(60) и К.С. (52) двете од Скопје. -Со возило на Итна медицинска помош повредените биле пренесени во Градска општа болница „Св. Наум Охридски“ каде по укажана лекарска помош на К.С. и биле констатирани телесни повреди и истата била пуштена на домашно лекување, а на В.А. и биле констатирани тешки телесни повреди, информираат од МВР.