повредени пешаци – Kurir.mk

Тешка сообраќајка во Тетово: Прегазил двајца пешаци и избегал

Ивона Петрова — Thu, 19 Nov 2020 10:48:33 +0000

На улица „Благоја Тоска“ во Тетово, вчера попладне непознато возило кое веднаш го напуштило местото, удрило во двајца пешаци А.Д.(43) и Т.С.(45) од Гостивар, информира портпаролот на СВР Тетово, Марјан Јосифоски. Повредените пешаци се пренесени во тетовската Клиничка болница за укажување на лекарска помош. Извршен е увид и се преземаат мерки за пронаоѓање на возилото, учесник во оваа сообраќајна несреќа.

Деца прегазени во кичевско, со повреди пренесени во болница

Ивона Петрова — Mon, 21 Sep 2020 09:34:43 +0000

Сообраќајна несреќа во која повредени се двајца малолетници се случила вчера попладне на локалниот пат кај с.Челопеци во Кичево. Автомобил „фолксваген голф“ со охридски регистарски ознаки, управуван од М.Ѓ.(73) од Кичево, удрил во двајца пешаци- малолетници од с.Челопеци, кичевско. -По незгодата, тие биле пренесени во Медицински центар Кичево, при што кај едниот биле констатирани телесни повреди, а кај другиот тешки телесни повреди, посочуваат од МВР. Увид на местото на настанот извршила екипа од Полициската станица Кичево.

Изминатото деноноќие 13 сообраќајки во Скопје, двајца пешаци тешко повредени

Ивона Петрова — Thu, 26 Dec 2019 07:16:41 +0000

Двајца пешачи се здобиле со тешки телесни повреди, а четири лица со лесни телесни повреди во шест од вкупно 13 сообраќајни незгоди што се случиле изминатото деноноќие на подрачјето на Град Скопје. Во седум сообраќајни незгоди е причинета материјална штета. Според податоците од СВР Скопје полицијата од сообраќај исклучила еден возач кој управувал возило под дејство на алкохол и едно нерегистрирано возило. Со специјалното возило „пајак“ подигнати се 76 возила. Казнети се и осум пешаци кои поминале коловоз вон пешачки премин и еден возач кој поминал крстосница на црвено светло.

Во Скопје 12 сообраќајки за еден ден- пешак тешко повреден, 6 лица со полесни повреди

Катерина Бојаџиева — Fri, 27 Sep 2019 08:16:00 +0000

Пешак бил тешко повреден во една од вкупно 12 сообраќајни незгоди случени во текот на изминатиот ден на подрачјето на Град Скопје. Во шест сообраќајки со полесни повреди се здобиле шест лица, а во пет била причинета материјална штета. Од СВР Скопје информираат дека вчера сообраќајната полиција санкционирала 36 возачи кои возеле побрзо од дозволеното, а од сообраќај исклучила четворица возачи кои возеле под дејство на алкохол, 22 возачи пред да се стекнат со правото на управување моторно возило, како и две технички неисправни возила и 18 нерегистрирани возила. Санкционирани биле и девет возачи кои поминале на крстосница на црвено светло, четворица возачи кои не дале првенство на минување на пешаците на обележан пешачки премин, шест возачи за неправилно престројување, двајца возачи за неправилно престигнување, пет возачи за неносење сигурносен појас, како и девет возачи кои зборувале на мобилен телефон додека возеле. Вчера санкционирани биле и 13 пешаци кои поминале коловоз подалеку од пешачкиот премин и еден пешак кој поминал на црвено светло. Санкционирани се и двајца возачи на мотор, мотоцикл и мопед кои не носеле заштитен шлем. Затекнати биле 91 возило непрописно паркирани, а со помош на специјалното возило „пајак“, отстранети биле 82 возила.

Повредени двајца пешаци во сообраќајки во Тетово

Ивона Петрова — Tue, 27 Nov 2018 12:03:11 +0000

Двајца пешаци, возрасна жена и 11 – годишно момче, се здобиле со телесни повреди во две одвоени сообраќајни несреќи што вчера попладне се случиле во Тетово, информираат од СВР Тетово. Со потешки телесни повреди, скршеница на десната рака, поминала Б.В.(72) од Тетово откако околу 16:50 часот била удрена од автомобил „Ровер“ со гостиварски таблици што го управувал засега непознато лице и кое веднаш по сообраќајката избегало. Повредената тетовка веднаш била прфрлена во Клиничката болница во градот каде и била констатирана скршеница на десната рака и пружена соодветна лекарска помош. Увид на местото на несреќата извршила екипа на СВР Тетово. Се работи на откривање на идентитетот на возачот и негово пронаоѓање. Другата сообраќајна несреќа со повреден пешак се случила два часа подоца околу 18: 50 часот на крстосницата од улиците „Ѓоце Стојчески“ и ЈНА при што С.Х.(36) од Тетово управувајќи БМВ удрила во 11 – годишно дете од Сиричино. Поврденото дете било пренесено во тетовската клиничка болница и по укажаната лекарска помош било пуштено на домашно лекување. Полицијата по извршениот увид работи на расчистување на причините и другите поединости за сообраќајката. МИА

Тешко повредени двајца пешаци вчера во Скопје

Катерина Бојаџиева — Wed, 21 Mar 2018 07:39:41 +0000

Двајца пешаци се тешко повредени, а уште 12 лица се здобиле со полесни повреди во девет сообраќајки евидентирани на подарчејто на СВР Скопје во изминатите 24 часа. Регистрирани се и четири соообраќајки со материјална штета. За пречекорување на дозволената брзина на движење се санкционирани 14 возачи, 17 се исклучени од сообраќај, од кои еден за возење под дејство на алкохол, 12 пред да се стекнат со право на управување моторно возило и четворица возачи почетници. Исклучени се од сообраќај 13 возила, едно технички неисправно и 12 нерегистрирани, издадени се 86 мерки за непрописно паркирани возила, а „пајакот“ кренал 59 возила. Сообраќајната полиција евидентирала и 12 пешаци кои поминале коловоз вон пешачки премин и еден на црвено светло, двајца возачи кои не дале превнство на минување, и еден за неправилно престигнување. Одделението за превенција при СВР Скопје денеска ќе реализира едукативни работилници во ООУ „Димо Хаџи Димов“ во општина Карпош, со ученици од второ одделение, во рамки на сообраќајно воспитниот проект „Да ги заштитиме децата во сообраќајот“.