повредени полицајци – Kurir.mk

Се судрија полициско комбе и автомобил- повредени деветмина полицајци

Дарко Андоновски — Wed, 30 Dec 2020 07:55:10 +0000

Деветмина полицајци се повредени вчера во 08.20 часот во близина на с.Белановце, Липковско, откако се судриле комби и автомобил . До несреќата дошло при судир помеѓу комбе „рено“, со скопски регистарски ознаки, сопственост на МВР, во кое се превезувале девет полициски службеници и патничко возило „фолксваген пасат“, со кумановски регистарски ознаки, управувано од Б.Ш.(48) од Куманово. По незгодата, на полициските службеници им била укажана помош во Општата болница Куманово, каде им биле констатирани телесни повреди. Увид на местото на незгодата извршила екипа од СВР Куманово, Јавен обвинител и Оддел за внатрешна контрола, криминалистички истраги и професионални стандарди.

ФОТО: Нападната полициска станица во Атина – повредени четворица полицајци

Ивона Петрова — Tue, 16 Oct 2018 08:27:48 +0000

Група од околу 50 маскирани лица, синоќа со молотови коктели, камења и разни предмети ја нападна полициската станица Омонија во центарот на Атина, а полесно беа повредени четворица полицајци. Според грчките медиуми, групата, прво фрлила молотов на паркирано полициско комбе, а потоа и на полициската станица, по што исчезнале во непознат правец. Двајца полицајци имале проблеми со дишењето, други двајца биле лесно повредени од скршените прозорци, а сите четворица биле пренесени во болница. Од нападот е предизвикана сериозна материјална штета на пет автомобили и на три службени возила. Грчката полиција работи на расчистување на случајот. Како што јави дописничката на МИА од Атина, од Сојузот на полициски службеници, велат дека станува збор за обид за убиство, бидејќи групата маскирани лица сакала мртов полицаец, додека пак за денеска напладне од Сојузот, повикаа на протест пред полициската станица што беше вчера нападната. МИА

Сообраќајка во Ѓорче, повредени полицајци

Ивона Петрова — Fri, 13 Jul 2018 09:21:51 +0000

Возач на возило сопственост на МВР и двајца полицајци се повредени во сообраќајна несреќа која се случила вчера утрината во 09:45 часот на улицата „Ѓорче Петров“. Од полицијата информираат дека во сообраќајнаta незгода учествувале товарно моторно возило „Фолксваген транспортер“ (сопственост на МВР на РМ) управувано од Б.С.(31) и патничко моторно возило „Голф“ со скопски регистерски таблици управувано од А.С.(18) од с.Сарај-скопско. -Во сообраќајната незгода со повреди се здобиле Б.С. и уште двајца полициски службеници, информираат од МВР. Извршен бил увид и се работи на целосно расчистување на случајот.

МВР со детали за пукањето во Арачиново

Ивона Петрова — Mon, 25 Jun 2018 20:09:44 +0000

Полициски службеници денес околу 17 часот во село Арачиново, на улица 1 запреле возило „Голф“ во кое се превезувале две лица О.М. (33) и Г.М. (20), кои се бараат со потерница за издржување на затворска казна.

-Во моментот кога полициски службеник се доближил до возилото, возачот О.М. го стартувал возилото „Голф“ наназад и го удрил полицискиот службеник. Потоа полициските службеници испукале неколку предупредувачки куршуми во воздух, но возачот на возилото „Голф“ не застанал туку удрил во друг полициски службеник, по што избегал од местото на настанот, соопштуваат вечерва од МВР.

Се преземаат мерки за пронаоѓање на О.М. и Г.М..

На двајцата полициски службеници им е укажана помош во Градската општа болница „Наум Охридски“ и се пуштени на домашно лекување.

Филипче ги посети повредените војници

Ивона Петрова — Thu, 22 Mar 2018 12:56:35 +0000

Министерот за здравство Венко Филипче попладнево ги посети двајцата повредени војници од касарната „Кузман Јосифовски-Питу“ во Тетово, кои се хоспитализирани на Клиниката за трауматологија, ортопедски болести, анестезија, реанимација и интензивно лекување и ургентен центар (ТОАРИЛУЦ). - Едниот војник е на 28, а другиот е на 37-годишна возраст. И двајцата се со склопетарни повреди, прострелни повреди на левата натколеница, се наоѓаат во стабилна состојба и не се во животно загрозувачка состојба. И кај двајцата ќе се направи интервенција во текот на попладневните часови, изјави Филипче по посетата. Додаде дека засега не се забележува некој сериозен дефицит во движењето на ногата и кај двајцата пациенти.