повредени рудари – Kurir.mk

Словенија: Повредени 12 рудари при уривање на окното во рудник

Магдалена Андонова — Tue, 26 Jul 2022 13:22:31 +0000

Дванаесет рудари се повредени при уривање на окното во рудникот за јаглен Велење во Словенија, соопшти денеска компанијата Премоговник Велење. Според извршниот директор на компанијата Јанез Рошер, ниту еден од повредените рудари нема потреба од болничка нега по вчерашната несреќа, пренесе агенцијата СТА. Инспекторатот го посетил местото на настанот и извршен е увид. Во последниот сличен настан, во септември 2019 година, беа повредени 11 рудари. Единствениот словенечки рудник за јаглен, Велење, треба да биде затворен до 2033 година како дел од стратегијата за постепено исклучување, но со оглед на актуелната енергетска криза предизвикана од војната во Украина, тие планови може да бидат одложени.

Повредени двајца рудари во Пробиштип

Дарко Андоновски — Mon, 11 Apr 2022 12:39:17 +0000

Двајца рудари се повредени додека биле на своите работните места во рудник во Пробиштип. Портпаролот на СВР-Штип, Гордана Панајотова во соопштение информира дека синоќа во 20.10 и во 20.40 часот во Полициската станица Пробиштип, од Итната медицинска помош Пробиштип било пријавено дека кај нив за укажување на лекарска помош биле донесени 54 годишниот Б.П. од Пробиштип и 49 годишниот О.В. од село Ратавица, пробиштипско, кои се повредиле за време на работа во рудник во Пробиштип. Портпаролот на Клиничка болница-Штип, Марина Шуманска за МИА вели дека само еден од рударите е хоспитализиран синоќа во Клиничка болница-Штип, направени се прегледи од страна на ортопед и хирург, по што рударот бил пуштен на домашно лекување.