повредени војници – Kurir.mk

Во тек се прегледите на повредените војници на АРМ во сообраќајнатa несреќа

Магдалена Андонова — Tue, 29 Sep 2020 12:34:30 +0000

Шестнаесетмината припадници на Армијата и возачот на автобусот се уште не се сместени на одделенијата во штипската клиничка болница, бидјеќи во тек се прегледите снимањата на повредените од страна на хирузи и ортопеди. Портпаролот на Клиничката болница Марина Шуманска вели дека според лекарите ниту еден од нив не во животозагрозувчака состојба, а повредите се од типот на скршеници и набиеници. -Моментално се на иследување, снимања на абдомени, глави и граден кош за да се одреди точната дијангостика. Според мислењето на лекарите се со телесни повреди и се надовор од живтна опасност, вели Шуманска. Сообраќајната несреќа во која што се повредени 17 лица од кои 16 се припадници на АРМ, а еден е возачот на автобусот, се случи утринава пред седум часот на патот Штип-Радовиш кај местото викано Осми километар. Несреќата се случи при судир меѓу автобус и комбе, а надлежните треба да соопштат кои се причините откако ќе го завршат увидот на местото на настанот. Ова е втора ваква несреќа на патот Штип-Радовиш во која учествувале и се повредени припадници на АРМ. Пред неколку години, исто така, автобус со кои се превезуваа војници на АРМ учествуваше во сообраќајна несреќа кај местото викано Дваесет километри. Тогаш војниците се враќаа од своите работни места од касарните од Скопје и Штип кон Радовиш и Струмица. (MИА)

АРМ: Војниците од превртениот автобус со полесни повреди

Ивона Петрова — Tue, 29 Sep 2020 08:04:54 +0000

Во врска со сообраќајната незгода која се случи утринава во која странично се преврте автобус на магистралниот пат Струмица-Штип, информираме дека се работи за автобус кој превезува припадници на Армијата на Република Северна Македонија во рамки на организираниот превоз на релацијата Струмица-Радовиш- Штип-Петровец, се вели во соопштението од АРМ. Од Армијата информираат дека во сообраќајната незгода која според нивните и информациите од МВР се случила во 06.47 минути на осум километри пред Штип, се превезувале 16 (шеснаесет) припадници на Армијата до своите работни места во горенаведените гарнизони, при што според првичните сознанија кај дел од нив има полесни повреди и во моментот сите припадници се превезени во Болницата во Штип каде им се вршат лекарски прегледи со цел утврдување на нивната здравствена состојба. Увид на место на настанот е извршен од страна на јавен обвинител и МВР, а на лице место излезе и тим од воената полиција. -Припадниците на Армијата по извршените прегледи ќе постапуваат согласно со дадените препораки од лекарите. Автобусот од типот “Сетра” во сопственост на фирмата “Тритерол” од Струмица која го реализира организираниот транспорт на наведената релација, има потврда за исполнување на потребните технички услови за превоз на патници, информираат од АРМ.

Најмалку 12 повредени војници во Ерусалим во напад со автомобил

Ивона Петрова — Thu, 06 Feb 2020 06:34:15 +0000

Најмалку 12 војници се повредени, меѓу кои еден сериозно, во напад со автомобили во Ерусалим рано утрото, соопштија полицијата и медицински лица. Инцидентот се случи околу 2 часот по полноќ по локално време во Ерусалим, во близина на популарен центар за забава. Полицијата соопшти дека го застрелала возачот на возилото кој претходно побегнал од местото на нападот. Портпаролот Хидаи Зилберман рече дека трупите биле припадници на бригадата Голани кои биле во тој дел од градот рано утрото поради церемонија на положување заклетва. Спооред него, најверојатно се работи за терористички напад. Медицински лица изјавија дека еден од повредените „е во сериозна состојба“

ОЈО со детали за случајот со повредените војници

Ивона Петрова — Thu, 22 Mar 2018 14:40:25 +0000

Надлежен јавен обвинител од Основното јавно обвинителство Тетово изврши увид во хангарот на АРМ каде при чистење на оружје од воена вежба беа повредени двајца припадници на армијата. -Според првичните сознанија, настанот се случил кога двајца војници од тимот, по враќањето од воена вежба во Штип, го симнале митралезот тежок 35 килограми кој бил монтиран на хермелин. Во моментот на пренесување на митралезот во хангарот, тој испукал еден куршум кој повредил други двајца војници кои го чистеле оружјето. Надлежниот јавен обвинител разговарал со неколкумина војници кои биле очевидци на целиот настан и кои објасниле дека митралезот неколку пати заглавил и за време на воената вежба во Штип, се наведува во соопштението. За целосно расветлување на случајот, по наредба на надлежен јавен обвинител ќе биде извршено вештачење на митралезот и на чаурата пронајдена на лице место, а ќе биде прегледан и целокупниот протокол на изведената воена вежба во Штип. Дополнително, ќе биде прибавена и целосната медицинска документација за двајцата повредени војници, кои во моментов се во стабилна состојба и надвор од животна опасност. Настанот го испитува и Одделението за криминалистика при Воената полиција, кое исто така својот извештај ќе го достави до надлежниот јавен обвинител.

Повредените војници од тетовската касарна се надвор од животна опасност

Ивона Петрова — Thu, 22 Mar 2018 10:54:05 +0000

Генералштабот на Армијата на Република Македонија ја известува јавноста дека на денес околу 09.55 часот, во касарната „Кузман Јосифовски-Питу“ во Тетово дошле до повредување од огнено оружје на двајца професионални војници на АРМ. -Имено, според првичните информации, при чистење на оружје „митралез“ испукан е еден куршум при што со прострелни рани во надколеница и подколеница се повредени професионалните војници М.Ј и В.Ш. Веднаш по настанот истите се пренесени во Јавната здравствена установа во Тетово од каде се утврдени фрактури на коски и по првично санирање на повредите се префрлени на хируршка интервенција во Клиничкиот Центар „Мајка Тереза“ во Скопје, на КАРИЛ. Двајцата војници се во стабилна состојба, надвор од животна опасност, се наведува во соопштението на ГШ на АРМ. Оттаму додаваат дека надлежните органи од МВР и АРМ работат на целосно расчистување на случајот. За резултатите од истрагата јавноста дополнително ќе биде известена.