повредено дете – Kurir.mk

Момчето рането од Коста е подобро, но сепак има еден голем проблем во неговата здравствена состојба

Ивана Ефремовски — Wed, 17 May 2023 11:59:10 +0000

Состојбата на ученикот В.П. ранет во масакрот во ОУ „Владислав Рибникар“ е многу подобра, но тој се уште не ги чувствува долните екстремитети. Момчето В.П., кое беше рането во средата на 3-ти мај кога во ОУ „Владислав Рибникар“ беше рането од малолетникот Коста К., се здобило со тешки телесни повреди во пределот на градниот кош, вратот и кичмата, но како што неофицијално се дознава, неговата состојба е значително подобра. -Состојбата на момчето од „Рибникар“ е значително подобра во однос на онаа во која се наоѓаше кога беше хоспитализиран. Тој е свесен, ги движи главата и рацете и нормално комуницира со лекарите и медицинскиот персонал. Се опоравува, но уште не ги чувствува долните екстремитети, вели извор на Информер од Универзитетскиот клинички центар на Србија. Да потсетиме, седмоодделенецот Коста К.(13) уби девет деца и чувар во ОУ „Владислав Рибникар“ во Врачар. Во овој грозоморен напад тој тешко рани неколку негови врсници, како и наставник по историја.

ПОВРЕДЕНОТО ДЕТЕ ОД ВЕЛЕС НА НИШТО НЕ СЕ СЕЌАВА, НИТУ НЕШТО КАЖУВА – еве што му било пронајдено во неговата крв!

Дарко Андоновски — Tue, 14 Feb 2023 15:38:48 +0000

Дванаесетгодишното дете пронајдено повредено на улица во Велес, на Детската клиника во Скопје е примено со фрактура на мандибулата или долната вилица, на ништо не се сеќава и не кажува никаква информација, изјави за МИА директорката на клиниката, Стојка Фуштиќ. - Од токсиколошката анализа, само дијазепам му е најдено во крвта. Уште истиот ден свеста се воспоставила, а други лекови не се најдени во крвта. Веројатно било без свест, првично е примено во Велес, а потоа, завчера, е донесено кај нас, појасни таа. Во саботата околу 13 часот е пријавено дека во велешката Општа болница, со тешки телесни повреди, бил донесен малолетник, кој бил пронајден нa улицата „Алексо Демниевски“, информираше портпаролот на СВР Велес, Ристе Самарџиев. Тој додаде дека полицијата презема мерки за расчистување на случајот. Портпаролката Елена Левкова Ќулумова, за МИА рече дека на Детското одделение во велешката болница во саботата било донесено дете, кое со тешки повреди било испратено на понатамошно лекување на скопските клиники.

Тешко повреден малолетник, татко му го однел на клиника и раскажал што се случило

Ивана Ефремовски — Wed, 19 Oct 2022 14:51:14 +0000

На 18.10.2022 во 17:30 часот во СВР Скопје било пријавено дека во Комплекс клиники „Мајка Тереза“ со тешки телесни повреди бил донесен 13-годишник од Скопје. Според пријавеното, малолетникот бил донесен во присуство на неговиот татко А.Ц.(42), а, според пријавеното, се здобил со повредите во сообраќајна несреќа која се случила на ул.„Втора македонска бригада“ во Скопје. Се преземаат мерки за расчистување на случајот.

ТЕШКО ПОВРЕДЕНО ДЕТЕ: Mетална врата од фудбалско игралиште во Скопје паднала врз него

Катерина Бојаџиева — Thu, 30 Jun 2022 15:32:03 +0000

На 29.06.2022 во 19.00 часот во Полициската станица Аеродром, Р.Ж.(65) од Скопје пријавила дека на 28.06.2022 околу 20.30 часот на фудбалското игралиште на ул.„Бојмија“ на нејзиниот малолетен внук паднала метална врата. Малолетникот бил пренесен на Детска хирургија при Комплексот клиники „Мајка Тереза“, каде му биле констатирани тешки телесни повреди. Се работи на расчистување на случајот.

Марино: Прегазил малолетник, па избегал – детето тешко повредено

Ивона Петрова — Sun, 03 Apr 2022 10:37:02 +0000

На 02.04.2022 во 22,25 часот било пријавено дека во с.Марино-скопско патничко моторно возило удрило во малолетен пешак од н.Илинден, по што го напуштило местото на настанот, информира МВР. Во несреќата пешакот се здобил со тешки телесни повреди констатирани во Градската општа болница “8 ми Септември“. Извршен бил увид од увидна екипа од СВР Скопје и се работи на расчистување на случајот.

Дете прегазено во Штип

Ивона Петрова — Sun, 03 Jan 2021 11:36:42 +0000

На 02.01.2021 во 18.00 часот било пријавено дека во Штип, на ул.„Косовска“ патничко возило „опел омега“, со кумановски регистарски ознаки, управувано од Е.М.(22) од Штип, удрило во малолетен пешак од Штип, информира МВР. Во незгодата пешакот се здобил со тешки телесни повреди, констатирани во Клиничката болница Штип. Извршен бил увид на местото на настанот од увидна екипа од СВР Штип.

Детали за трагедијата кај Страцин: Познат идентитетот на загинатиот, повредено и 1 годишно дете

Ивона Петрова — Tue, 25 Aug 2020 09:03:49 +0000

Министерстото за внатрешни работи информира дека вчера во 15.05 часот било пријавено дека во с.Страцин, кратовско, се случила сообраќајна незгода помеѓу патничко моторно возило „голф“ со регистарски таблици од Македонска Каменица, управувано од С.Ѓ.(23) од с.Саса-Македонска Каменица и патничко моторно возило „бмв“ со тетовски регистарски ознаки, управувано од К.П.(47) од с.Мала Речица, тетовско. -Во незгодата, на местото на настанот починал совозачот во возилото „голф“, В.Ј. (53) од с.Костин Дол-Македонска Каменица, а додека со телесни повреди се здобиле С.Ѓ. и сопатниците од истото возило В.Ј.(50), Н.Ј.(20) и едногодишно дете, констатирани во Медицинскиот центар Куманово, велат од МВР. Возачот К.П. бил пренесен во Здравствениот дом Кратово за укажување на лекарска помош. Извршен увид од Јавен обвинител и увидна екипа од Полициската станица Кратово.

Дете тешко повредено, удрено од автомобил на паркинг

Ивона Петрова — Wed, 05 Aug 2020 09:34:36 +0000

На паркинг простор на бул.„Октомвриска револуција“, патничко возило „шкода“, со кумановски регистарски ознаки, управувано од Б.Ц.(34) од Куманово удрило во велосипед, управуван од 15-годишник од Куманово и во патничко возило „опел астра“, со кумановски регистарски ознаки, паркирано од Н.С.(30) од Куманово. Несреќата информираат од МВР се случила вчера во 17:25 часот. -Во незгодата, велосипедистот се здобил со тешки телесни повреди, констатирани во Клиничката болница Куманово, каде што бил пренесен за укажување на лекарска помош, велат од МВР. Извршен бил увид на местото на незгодата од увидна екипа од СВР Куманово.

Несреќа во скопско: Пред двор со автомобил удрил во малолетниот внук

Ивона Петрова — Sat, 01 Aug 2020 12:10:14 +0000

На 31.07.2020 во 12.30 часот било пријавено дека пред дворно место на ул.„3“ во с.Батинци,скопско, Р.Б.(27) од с.Цветово, скопско управувајќи патничко моторно возило „пасат“ удрил во негов малолетен внук од с.Цветово. По незгодата, малолетникот бил пренесен од возачот во Комплекс клиники „Мајка Тереза“, каде од доктор му биле констатирани тешки телесни повреди. Увид на местото на настанот извршила увидна екипа на СВР Скопје.

Тешка сообраќајка на патот Куманово-Свети Николе, удрено 6 годишно девојче

Ивона Петрова — Fri, 31 Jul 2020 09:43:40 +0000

На регионалниот пат Куманово – Свети Николе, патничко возило „хјундаи аксент“, со скопски регистарски ознаки, управувано од Д.П.(61) од с.Петровец, удрило во 6-годишен пешак од с.Колицко, кумановско. Несреќата, информираат од МВР, се случила вчера околу 10:20 часот. -По незгодата, малолетничката била пренесена во Општата болница Куманово за укажување на лекарска помош, велат од МВР. Увид на местото на незгодата извршила увидна екипа на СВР Куманово.