повредено девојче – Kurir.mk

Малолетно девојче тешко повредено во сообраќајка во Дебар

Катерина Бојаџиева — Sat, 28 Jan 2023 13:45:52 +0000

Малолетно девојче е тешко повредено во сообраќајна несреќа што се случила вчера околу 18.45 часот, на ул.„Амди Леши“ во Дебар, при судир помеѓу патничко возило „цитроен“, управувано од В.Ц.(38) од Дебар и патничко возило „опел“, управувано од С.М.(54) од Дебар, двете со дебарски регистарски ознаки. -Во несреќата со тешки телесни повреди се здобила малолетната сопатничка од возилото „опел“, констатирани во болницата „Св.Еразмо“ во Охрид. Известен е Јавен обвинител, а увид на местото извршила увидна екипа од Полициска станица Дебар, наведуваат од МВР.

Тинејџер со автомобил удрил девојче во Кавадарци

Ивона Петрова — Mon, 02 Sep 2019 09:49:50 +0000

Девојче се здобило со повреди откако вчера околу 18:30 часот било удрено од автомобил. Од полицијата информираат дека несреќата се случила на ул.„9 Бригада“ во Кавадарци кога „Пежо“ со кавадаречки регистарски ознаки, управувано од Т.М.(19)од Кавадарци, удрило во девојче од Кавадарци. -Девојчето се здобило со повреди и било пренесено во болницата во Кавадарци. Увид на местото извршила екипа од Полициската станица Кавадарци, информираат од полицијата.

Трагедија кај Свети Николе: Загина 19 годишно момче, малолетничка тешко повредена

Ивона Петрова — Sat, 20 Oct 2018 08:37:57 +0000

Едно лице го загуби животот, а друго е повредено во тешка сообраќајна несреќа која околу 01,20 часот синоќа се случила на регионалниот пат с.Горобинци-Свети Николе. Од полицијата информираат дека патничко моторно возило “Ауди“ со бугарски национални ознаки управувано од С.С.(19) од Свети Николе изгубилo контрола и удрилo во дрво. -Во незгодата на местото на настанот починал С.С., а со тешки телесни повреди се здобила 16- годишна сопатничка од Свети Николе која по укажаната лекарска помош во Клиничката болница во Штип била пренесена во Комплексот клиники “Мајка Тереза“ во Скопје, информираат од МВР. Извршен бил увид од страна на Јавен обвинител и увидна екипа од Полициската станица Свети Николе. По наредба на Јавен обвинител телото на починатиот е предадено на обдукција. Се работи на целосно расчистување на случајот.

Автомобил удри 16- годишно девојче, со тешки повреди итно пренесено на скопска Клиника

Катерина Бојаџиева — Wed, 19 Sep 2018 09:20:47 +0000

Во Секторот за внатрешни работи Скопје вчера околу 12 часот било пријавено дека на булевар „Александар Македонски“ патничко моторно возило „Фиат Браво“ со прилепски регистерски ознаки управувано од И.К.(62) од Прилеп удрило во 16- годишно женско лице од село Миравци, гевгелиско, кое со возило на Итна медицинска помош било пренесено во комплекс клиники „Мајка Тереза“, каде биле констатирани тешки телесни повреди. Извршен е увид на местото на настанот.

Автомобил удри малолетна велосипедистка, девојчето со тешки повреди задржано во болница

Ивона Петрова — Tue, 19 Jun 2018 08:42:53 +0000

Околу половина час по полноќ, на крстосницата од булеварите „Србија“, „Видое Смилевски -Бато“ и „Јане Сандански“, патничко возило „Пежо“ со скопски регистарски ознаки, управувано од Т.К. (24) од Скопје, удрило во 15-годишна девојка која управувала велосипед. -Од ударот со тешки телесни повреди се здобила велосипедистката која со возило на Итна медицинска помош била пренесена во комплексот клиники „Мајка Тереза“, каде и била укажана лекарска помош и била задржана на понатамошно лекување, информираат од МВР. Увид на местото на настанот извршила екипа од СВР Скопје.

Ученичка заврши со скршено рамо, врз неа паднал прозорец додека била на час

Ивона Петрова — Sun, 18 Mar 2018 13:08:09 +0000

Единаесет годишно девојче е повредено додека била на час во основно училиште. Нејзиниот татко случајот го пријавил вчера во полициската станица Карпош. Имено, во четвртокот додека неговата 11- годишна ќерка била на час во основно училиште при обид од страна на наставничката да го отвори прозорецот од училницата, истиот се откачил и паднал врз неговата ќерка, која седела до прозорецот и притоа ја удрил во левото рамо. По завршувањето на часовите, кога дошла дома се пожалила на болки во левото рамо и по прегледот во Градската општа болница “8-ми Септември“ констатирано и била скршеница на коска на рамото.