повредено момче – Kurir.mk

Најтешко повредениот ученик е син на колега на таткото на Коста, познатиот доктор се моли за своето дете

Ивона Петрова — Wed, 03 May 2023 16:04:09 +0000

Тешко ранетото момче В.Т., кое има повреди опасни по живот во нападот во основното училиште во Белград, е син на познат пулмолог д-р Спасој Попевиќ, јавува Информер.рс. Според извор на медиумот докторот Поповиќ веќе осум часа седи во Ургентниот центар и чека вест за состојбата на своето дете. При пукањето момчето се здобило со повреди на градниот кош, вратот и два ’рбетни пршлени. - Она што го доживеавме денес е слично на сцени од хорор филмови кои ги гледавме само на телевизија. Родители кои во солзи влетуваат во Ургентниот центар, барајќи ги своите деца, не знаејќи ништо за нив... Меѓу нив бил и докторот, кој го барал својот син. Видно беше вознемирен и постојано го повторуваше своето име. Трчаше низ ходниците и го бараше во амбулантите. Неговите колеги веднаш го препознале и за жал морале да ја споделат страшната вест - дека синот е најтешко повреден, дека се борат за неговиот живот и дека го чекаат неколку тешки операции. Како лекар и самиот е свесен колку е опасна состојбата на неговото дете и какви може да има сите последици од оваа повреда врз неговото здравје, вели соговорникот на Информер. Седмоодделенецот Коста К.(13) утрово во ОУ „Владислав Рибникар“ во Врачар уби осум деца и чувар. Во овој грозоморен напад тој тешко повреди неколку ученици и наставникот по историја. Инаку, таткото на Коста е исто така познат доктор радиолог кој често гостувал во телевизиски емисии каде говорел за проблематиката на која работи.

Повредено со остар предмет 22-годишно момче

Дарко Андоновски — Sat, 24 Dec 2022 15:56:54 +0000

Синоќа во 21.46 часот во СВР Скопје од Комплекс клиники „Мајка Тереза“ било пријавено дека кај нив бил донесен С.М. (22) од Скопје со повреда од остар предмет, со која се здобил во близина на трговски центар на подрачјето на Карпош. Се работи на расчистување на случајот.

22 годишно момче паднало од покрив на фабрика во Охрид – еве ги деталите

Дарко Андоновски — Wed, 12 Oct 2022 13:16:03 +0000

На 11.10.2022 година во 13.00 часот во СВР Охрид, пријавено е дека во болницата „Св.Еразмо“ во Охрид со тешки телесни повреди бил однесен Б.И.(22) од Кочани. Според пријавеното, тој се здобил со повредите при извршување градежни работи на кров од фабрика во Охрид. По насоки на Јавен обвинител, увид на местото извршиле полициски екипи и општински инспектор за безбедност и здравје.

Од залутани куршуми повредено момче и оштетена шофершајбна

Магдалена Андонова — Wed, 17 Aug 2022 15:29:06 +0000

МВР соопшти дека вчера се забележани два инцидента од залутани куршуми – едниот во Кондово каде е повредено момче, а другиот во село Љубин каде е оштетена шофершајбна на возило „шкода октавија“. -На 16.08.2022 во 22.00 часот во СВР Скопје од Градската општа болница „8 Септември“ било пријавено дека кај нив со повреда бил донесен А.Р. (28) од село Кондово. Според пријавеното тој со повредата се здобил од залутано зрно во неговиот двор во село Кондово. Полициски службеници излегле на местото и се преземаат мерки за расчистување на случајот, наведува МВР во денешниот билтен. Во 21.30 часот, пак, како што се додава во билтенот, Е.Б.(50) од село Љубин пријавил дека пред неговиот дом од залутано зрно била оштетена шофершајбната од возило „шкода октавија“, со скопски регистарски ознаки, сопственост на неговиот син. Полициски службеници излегле на местото и се преземаат мерки за расчистување на случајот.

ПОВРЕДЕНО 19-ГОДИШНО МОМЧЕ: Под велешка „Агриа“ од патот излета автомобил

Катерина Бојаџиева — Sat, 28 May 2022 18:43:40 +0000

Поради лизгавиот коловоз од дожд и брзо возење попладнево околу 18:30 часот на патот под АГРИА кон Велес со возило од патот излета 19 годишно момче. На местото на настанот се упати возило на СВР Велес за да ја утврди причината за несреќата. Како што информира за МИА д-р Васил Пановска Поп Стефанова, началник на Брза помош, момчето се здобило со повреди на глава и му била укажана прва помош и во свесна состојба било однесено во Хирушките амбуланти на велешката болница. Таму првично за МИА информираат дека момчето моментално е на рентген снимање. Инаку од ноември лани расипан е компјутерскиот томограф поради што во вакви итни и други случаи за жал во велешката Општа болница не може да се изврши снимање на повредени во сообраќајќи и други несреќи, но и за останатите пациенти поради што се препраќаат во болниците во Скопје, Штип и Битола.

Драма во Визбегово: Пукал кон четири лица, повредено 20 годишно момче

Ивона Петрова — Sat, 29 Jan 2022 16:11:19 +0000

На 28.01.2022 во 20.30 часот било пријавено дека во с.Визбегово, скопско, едно лице испукало со огнено оружје кон О.И.(36) од с.Визбегово, Н.Љ.(27) од Скопје, В.Н.(40) од Куманово и Е.Р.(20) од Скопје. -Со повреди во пределот на нозете се здобил Е.Р., по што бил пренесен во Градската општа болница „Св.Наум Охридски“ за укажување на лекарска помош, информира МВР. Се преземаат мерки за расчистување на случајот.

Тешко повредено 19- годишно момче од Штип

Катерина Бојаџиева — Mon, 24 May 2021 14:14:09 +0000

Вчера околу 17:00 часот во Штип, на улица „Суитлак“, мопед „Баотиан“ со штипски регистарски ознаки управуван од Д.К.(19) од Штип изгубил контрола и излетал од коловозот. На Д.К. во Клиничката болница-Штип му се констатирани тешки телесни повреди. Увид на местото на настанот извршила увидна екипа на СВР-Штип.

Момче од Кавадарци со две убодни рани од нож пренесено на клиника во Скопје

Ивана Ефремовски — Sun, 08 Nov 2020 09:22:38 +0000

Момче од Кавадарци со две убодни рани од нож е пренесено на клиника во Скопје. Д-р Ратко Грков од Итната медицинска помош во Кавадарци за МИА потврди дека по повикот упатен до нив, на улица во градот затекнале момче со две убодни рани во седечка положба и во свесна состојба. По укажаната прва помош, момчето било пренесено во Болницата во Кавадарци. Како што изјави д-р Благој Митев, хирург на хируршкото одделение при кавадаречката болница, ноќеска после полноќ било донесено момче родено 1994 година. -Момчето имаше две убодни рани од нож во пределот на лев рамен појас и во пределот на градниот кош, позади, под коската која народски се вика лопатка. Убодните рани беа со ширина од 2.5-3 сантиметри и длабочина од 4-5 сантиметри. Му дадовме прва помош и заради подетално согледување на состојбата го препративме на Kлиниката за торакална хирургија во Скопје, рече Митев за МИА.

Момче тешко повредено во сообраќајка во Старо Нагоричане

Ивона Петрова — Mon, 24 Feb 2020 09:32:26 +0000

Дваесет и три годишно момче од Куманово е тешко повредено во сообраќајна несреќа која се случила вчера попладне на регионалниот пат Куманово-Граничен премин Пелинце, во с.Старо Нагоричане, на место викано „Попчевци“. Во несреќата „опел корса“ со кумановски регистарски ознаки, управувана од Ч.С.(69) од Куманово, удрило во пешакот С.С.(23) од Куманово. Пешакот се здобил со тешки телесни повреди, по што бил пренесен во Општата болница Куманово за укажување на лекарска помош. Извршен бил увид на местото на настанот од увидна екипа од СВР Куманово.

Малолетник паднал од зграда во Куманово, со тешки повреди пренесен на клиника

Ивана Ефремовски — Sat, 08 Feb 2020 20:42:53 +0000

Четиринаесетгодишно момче денеска паднало од објект на поранешен „Жито-мел” во Куманово и се здобило со тешки телесни повреди, информираше кумановската полиција. Случајот кај нив го пријавил лекар од болницата во 15 часот кој кажал дека момчето, родено 2005 година, паднало од зграда од поранешната фабрика, лоцирана во центарот на Куманово. Поради сериозноста на повредите момчето е пренесено на лекување на клиника во Скопје. Објектите на поранешниот мелнички комбинат со години се запуштени и многу често се случуваат пожари во некои од нив.