повторно судење – Kurir.mk

Пендаровски: Луѓето од 27-ми април не се терористи, поддржувам повторно отворање на случајот

Тале Кристо — Thu, 29 Apr 2021 18:27:41 +0000

Вечерва во емисијата „Само интервју“ претседателот Стево Пендаровски посочи дека луѓето од случајот 27-ми април не се терористи и треба да се отвори повторно случајот и да се приложат нови докази, бидејќи казните се драконски високи. -Јас луѓето првично ги прашував околу мене за какво кривично дело се гонат, јас знам дека такво кривично дело мислам формулација таква немаше на времето ниту во бивша Југославија, ниту во 90-тите години. Тоа е подоцна прифатено. Бидејќи јас нешто знам околу тероризмот и околу безбедносните проблеми и дилеми, јас тврдам дека тие луѓе не беа терористи што влегоа, нагласи Пендааровски. Пендаровски додаде дека луѓето кои влегоа внатре не се терористи, дури и оние кои што физички напаѓаа луѓе. Тие физички кои што напаѓаа луѓе треба да одговараат за претепување, како што беше за Зијадин Села и Радмила Шекеринска. И за организирање на таков настан 18 години се многу. -На Мицкоски изјавата беше на место, единствен начин со кој што можеш да ја расчистиш маглата ако мислиш дека ја има околу целиот тој настан е со нови докази, со нови сведоци евентуално, и да бараш преотворање на случајот. За тоа што јас инсистирам како легалист до смрт ние мораме да одиме по правните процедури, рече Пендаровски.

Заев го враќа долгот за коалицијата со ДУИ, случајот „Диво Насеље“ ќе се враќа на повторно судење?!

Ивона Петрова — Tue, 29 Dec 2020 11:09:00 +0000

Лидерот на ДУИ, Али Ахмети пред еден месец во неговото гостување во албанската телевизија прашан за случајот „Диво Насеље“ откри дека еден од условите во договорот за коалиција со СДСМ беше овој случај повторно да се отвори и да се повтори судењето за истиот. -Ние сакаме овој случај да се расветли бидејќи би било во корист на сите страни и сме побарале и сме го ставиле во договорот за коалиција со СДСМ за овој случај да се повтори судењето и повторно да се отвори и да се преистражи се до обелоденување на вистината, изјави Ахмети. Но, според последната вест од членовите на Кумановската група дека се ближи нивното ослободување со тоа што за многу брзо случајот ќе биде вратен на повторно судење се чини дека Заев многу бргу го враќа долгот кон ДУИ. -После долго време, изгледа убава вест пристигна до нас, членовите на Кумановската Група. Како што изгледа, за многу брзо, ќе биде закажано рочиште во Врховниот суд за Кумановската Група. Случајот се очекува да биде отворен во трет степен после жалбата што ја поднесоа адвокатите на одбраната, незадоволни од драконските казни кои ни беа изречени на сите нас членовите на Кумановската Група од Кривичниот суд во прв степен и втор степен, напиша Фатмир Речица Лугаџиа еден од членовите на групата, пренесе весникот Лајм. Тој дури додава дека кога ќе се донесе таква одлука според нивните адвокати ќе можат да се бранат од слобода. -Ако случајот се врати на повторно судење на прв степен, тогаш ние, членовите на Кумановската Група, треба да бидеме ослободени, и да се браниме од слобода, бидејќи сме поминале повеќе од 2 години цели 29 месеци во притвор, така вели и адвокатот Ибрахим Бајрами“, напиша Лугаџиа.

Случајот за малиот Алмир Алиу вратен на повторно судење

Ивона Петрова — Tue, 08 Jan 2019 11:11:29 +0000

Кривичниот совет на Апелацискиот суд Скопје го поништил предметот во случајот на смртта на четиригодишниот кумановец Алмир Алиу и го вратил на повторно судење, потврди за „Порталб.мк“, адвокатот Асмир Алиспахиќ. – Сè уште ја немаме добиено одлуката од Апелацискиот суд за да видиме зошто судењето е поништено. Бидејќи предметот се враќа во Основниот суд во Куманово, Судот е должен да закаже седница за главната расправа – вели Алиспахиќ за „Порталб.мк“. Во јули 2016 година Алмир, беше прегазен со возило од Илиќ, бидејќи претходно таткото на детето и Илиќ имале банална караница во амбуланта.