позајмица – Kurir.mk

Кепа оди на позајмица во Реал

Дарко Андоновски — Mon, 14 Aug 2023 11:38:34 +0000

Реал на својата официјална веб-страница објави дека голманот на Челзи, Кепа Аризабалага доаѓа во Мадрид како позајмен играч. Голманот потпиша едногодишен договор со „кралскиот клуб“. Беше објавено дека Реал Мадрид го смета играчот како замена за Белгиецот Тибо Куртоа, кој се здоби со повреда на вкрстените лигаменти на коленото. Во сезоната 2022/23, Кепа настапи на 39 натпревари за Челзи, прими 45 гола и ја задржа 12 пати мрежата „чиста“. Трансферот на 28-годишниот фудбалер е 18 милиони евра.

Кривична пријава за струмичанка – си враќала пари за позајмица која никогаш не ја дала

Ивана Ефремовски — Thu, 10 Feb 2022 14:26:24 +0000

Отсекот за економски криминал при Секторот за внатрешни работи Струмица до Основното јавно обвинителство Струмица поднесе кривична пријава против Л.К.(43) од Струмица, поради постоење основи на сомнение за сторено кривично дело „злоупотреба на службена положба и овластување “ по член 353 и „послужување“ по член 240 од Кривичниот законик. Пријавената Л.К., во својство на сметководител на два правни субјекта од Струмица кои се во стечајна постапка, а биле нејзина сопственост, противправно присвоила 535.300 денари. Делата ги сторила така што на својата лична сметка незаконски враќала парични средства од правните лица по основ „поврат на позајмица“, иако таа никогаш немала дадено позајмица во двата правни субјекта.

Клајверт позајмен на Ница

Дарко Андоновски — Sat, 17 Jul 2021 15:15:07 +0000

Играчот за врска на калчолигашот Рома, Џастин Клајверт, следната сезона ќе игра како позајмен фудбалер во Ница, а францускиот прволигаш потоа ќе го откупи неговиот договор за десет милиони евра, објавија денеска италијанските медиуми. Дваесетидвегодишниот Џастин Клајверт, син на поранешниот холандски репрезентативец Патрик Клајверт, дојде во Рома, во јуни 2018 година од Ајакс за речиси 19 милиони евра и во првите две сезони одигра 66 натпревари и постигна девет голови. Минатата сезона ја мина како позајмен игра во редовите на бундеслигашот Лајпциг, постигнувајќи четири голови на 27 натпревари.

Благоја Тодоровски на позајмица во Работнички

Ристе Здравков — Tue, 04 Sep 2018 12:05:08 +0000

Тимот на Работнички се засили со членот на шампионот Шкендија, Благоја Тодоровски. Тој како позајмен играч од тетовскиот клуб ќе настапува во дресот на Работнички во првиот дел од сезоната. Тодоровски беше дел од Работнички од 2011 до 2015 година, а потоа замина кај „црвено-црните“ од тетово. Со согласност на двата клуба, фудбалерот повторно ќе заигра за Работнички, соопштено е на клупскиот сајт на „романтичарите“.

Постигнат договор: Игуаин за 18 милиони евра се сели во Милан

Дарко Андоновски — Tue, 31 Jul 2018 11:25:36 +0000

„Скај Италија“ пренесува дека напаѓачот на Јувентус, Гонзало Игуаин се согласил да се пресели во Милан на едногодишна позајмица.

За позајмицата Милан ќе мора да му плати на Јувентус 18 милиони евра, а потоа доколку договорот стане перманентен „Росонерите“ ќе треба да уплатат уште дополнителни 36 милиони евра. Преминот на Игуаин на „Сан Сиро“ е дел од договорот помеѓу Јувентус и Милан за одбранбените играчи, Матиа Калдара и Леонардо Бонучи. Искусниот Бонучи кој минатото лето го напушти Јувентус за да се пресели во Милан сака да се вати во Торино, и по најновите најави тоа веројатно и ќе се случи. „Скај Италија“ јавува дека официјализација на трите трансфери би можеле да очекуваме во текот на денешниот ден.

Барселона подготвена да го испрати Рафиња на позајмица во Интер

Дарко Андоновски — Wed, 10 Jan 2018 08:20:51 +0000

Раководството на Барселона е подготвено да го ослободи играчот од средниот ред Рафиња на позајмица во Интер. Во последниве денови, шпанскиот печат пишуваше за преговорите помеѓу двата клуба кои се развиваат доста добро. Се очекува Бразилецот да игра како позајмен фудбалер на „Џузепе Меаца“ до крајот на сезоната, со можност за откуп на договорот во износ од 18 милиони евра. 24-годишниот Рафиња до неодамна закрепнуваше од сериозна повреда која го оддалечи од терените од април. Интер е исто така е заинтересиран за крило на Барселона Жерар Деулофеу, но Каталонците за него бараат обештетување во висина од 15-20 милиони евра. Поради запазување на финансискиот фер-плеј, Интер не може да купи нови играчи во зимскиот рок, освен ако не продаде некој од неговите сегашни фудбалери. Поради оваа причина, трансферот на Деулофеу е малку веројатно да се случи, а кандидат за негов потпис е Наполи.