пожар – Kurir.mk

Голем пожар во јужниот дел на грчкиот остров Евија, превентивно евакуирани две села

Дарко Андоновски — Sat, 04 Nov 2023 15:27:44 +0000

Голем пожар избувна во близина на градот Каристос во јужниот дел на грчкиот остров Евија, превентивно беа евакуирани жителите на две села, а силниот ветер го отежнува гаснењето, јави дописничката на МИА од Атина. Според локалните медиуми од островот, огнената стихија е вон контрола, а ветерот со јачина од над осум Бофори (над 62 километри на час) постојано ја менува насоката на пожарот, но и не дозволува да интервенираат воздушните средства. Претседателот на заедницата на едно од евакуираните села за грчката новинска агенција АНА-МПА истакнал дека пожарот е многу голем и вон контрола, а во опасност се домови, штали и животни. Идентични се и сведоштвата за информативниот портал „Евима“ од Евија, на жителите на областа, кои рекле дека се загрозени куќи и сточарски објекти.

Ставен е под контрола пожарот во неготинско

Катерина Бојаџиева — Fri, 03 Nov 2023 21:44:45 +0000

Ставен е под контрола пожарот во Неготинско, потврди вечерва за МИА, градоначалникот на Неготино, Горан Стојанов. - На терен делуваа неготински и кавадаречки пожарникари, а и дождливото време помогна. Има дежурни пожарникари на лице место и ќе се следи состојбата, додаде Стојанов. Станува збор за пожар што избувна попладнево во атарот на селото Дуброво, информираа претходно од ЦУК за МИА.

Се шири пожарот кај неготинско Дуброво, гаснат пожарникари од Неготино и Кавадарци

Катерина Бојаџиева — Fri, 03 Nov 2023 19:42:08 +0000

Се шири пожарот кај неготинско Дуброво, гаснат пожарникари од Неготино и Кавадарци, велат од ЦУК за МИА. Според вонредната информација од РЦУК – Велес, тие од ТППЕ Неготино во 17:25 часот биле известени за пожар на отворен простор во атарот на село Дуброво, каде горела сува трева и шума. – Заради засилен ветер пожарот се проширува со голема брзина. На терен интервенираат ТППЕ Неготино со 12 пожарникари и три ПП возила и ТППЕ Кавадарци со тројца пожарникари и едно возило џип, се вели во вонредната информација до МИА. Неготинци се надеваат дека дождот што почна да паѓа во градот пред некое време, ќе им помогне на пожарникарите да го изгаснат пожарот.

ФОТО: Пожар под Тимјаничка цуцка кај Неготино

Катерина Бојаџиева — Fri, 03 Nov 2023 18:59:34 +0000

Пожар избувнал вечерва под Тимјаничка цуцка кај Неготино, оваа информација за МИА ја потврдија неготинскиот градоначалник Горан Стојанов и Центарот за управување со кризи. Стојанов рече дека на терен гаснат осум пожарникари со две противпожарни возила. - Од Е-112 добиена е пријава за пожар на отворено кај месноста позната како „Трафостаница – Дуброво“ (Општина Неготино) што, според пријавувачот, е со големи размери. Пожарникарите од ТППЕ Неготино се излезени на терен, рекоа од ЦУК.

ЦУК: Во последното деноноќие два пожарa на отворено кај селата Лажани и Доброшинци

Дарко Андоновски — Fri, 03 Nov 2023 08:30:57 +0000

Изминатото деноноќие имало два пожари на оворено и тие биле изгаснати од пожарникарските тимови во Општина Битола, кај село Лажани каде што горела ниска вегетација и во Општина Василево, кај село Доброшинци каде што горело стрниште, информираат утрово од Центарот за управување со кризи (ЦУК). Според последниот извештај за работата на Единствениот број за итни случи 112 во ЦУК имало вкупно 1.558. Од делот повици за итни случаи кон Полицијата биле упатени 55 отсто, кон Итната медицинска помош 37 проценти, а кон пожарникарите (ППЗ) 3 отсто. -Преостанатиот дел повици, што е вообичаено од три до 10 проценти, се однесува на итни случаи коишто има потреба да се решаваат со комбинирани сили на теренот и ги решава ЦУК координирајќи според природата на пријавениот случај, ангажман на институции од Системот за управување со кризи (СУК) во државата, се наведува во соопштението од ЦУК. Од ЦУК посочуваат дека во одредени случаи координираат итни ситуации и со институции од соседни и други земји бидејќи, како што велат, итните случаи, непогодите и катастрофите не познаваат граници.

Шумски пожари беснеат во Австралија: Наредена евакација на жителите на Квинсленд

Ивона Петрова — Wed, 01 Nov 2023 07:24:52 +0000

Жителите на три области во северната австралиска држава Квинсленд денеска добија наредба да се евакуираат бидејќи шумските пожари излегле надвор од контрола. Пожарникарите, вклучително и оние кои пристигнаа од други делови на Австралија и Нов Зеланд, се борат со шумските пожари во државата во кои веќе загинаа две лица и уништија десетици домови. Жителите на две соседни области во близина на градот Далвеена денеска добија наредба итно да се евакуираат. Пожарите во областа ја зафатија и соседната држава Нов Јужен Велс на југ. Властите денеска издадоа и трето предупредување за евакуација на крајниот север на државата, во близина на Вотсонвил.

Гореше угостителски објект во Центар, интервенирала Пожарна

Катерина Бојаџиева — Tue, 31 Oct 2023 17:07:28 +0000

На 30.10.2023 во 10.30 часот во СВР Скопје било пријавено дека во угостителски објект на подрачјето на Центар настанал пожар. Пожарот бил изгаснат од екипа на Бригадата за противпожарна заштита Скопје, а повредени лица нема. Увид бил извршен.

Гореше куќа во Скопје, сопствениците префрлени во болница

Катерина Бојаџиева — Tue, 31 Oct 2023 15:23:37 +0000

Денеска (31.10.2023) во 03.35 часот во СВР Скопје било пријавено дека на ул.„Фан Ноли“ во Скопје настанал пожар во куќа сопственост на Е.А.(43) од Скопје. Притоа, Е.А.(43), Ф.А.(44) и Е.А.(26) вдишиле чад и биле пренесени во Комплекс клиники „Мајка Тереза“ за укажување лекарска помош. Екипа на Бригадата за противпожарна заштита Скопје го изгаснала пожарот, а увид на местото извршила од екипа од СВР Скопје.

ЦУК: Вчера изгаснати четири пожари на отворено, активен пожарот во општина Дебар

Ивона Петрова — Tue, 31 Oct 2023 07:35:15 +0000

Противпожарните тимови во текот на вчерашниот ден интервенирале на пет пожари на отворен простор, од кои до утрово се уште еден се води како активен. Тоа е пожарот во општина Дебар, кај месноста „Красница“, во реонот на село Гари, на планината Стогово. Како што соопшти ЦУК, вчера околу 12:45 часот преку единствениот број за итни повици 112 во ЦУК е добиена дојава за пожарот. Од Регионалниот ЦУК Дебар стапиле во контакт со ТППЕ Дебар и ЈП „Национални шуми“ – подружница „Стогово“ од Дебар, како и со жители кои живеат во непосредна близина на местото каде што е забележан пожарот. Притоа добиле известување дека пожарот е на тешко пристапен терен и нема опасност за негово проширување. ЈП „Национални шуми“ – подружница „Стогово“ од Дебар соопштиле дека во текот на вчерашниот ден не било можно да се интервенира, а во текот на денешниот ден ќе испратат екипа на терен. Во изгаснатите четири пожари на отворено, горела ниска вегетација. Тие биле во: Општина Могила, кај село Ивањевци, Општина Долнени, меѓу селата Дебреште и Лажани, Општина Старо Нагоричане, кај село Младо Нагоричане и во Општина Боговиње во атарот на село Урвич.

Гори на висок и непристапен терен: Пожар над село Белица под Солунска Глава

Ивана Ефремовски — Mon, 23 Oct 2023 09:47:34 +0000

Над селото Белица под Солунска Глава во општина Македонски Брод има активен пожар на висок и на непристапен терен. Гори ретка борова шума, сува трева и грмушки, информираат утрово од Центарот за управување со кризи (ЦУК). Во гаснењето на пожарот, како што велат од ЦУК, интервенирале три пожарникари со едно теренско возило од Територијалната противпожарна единица ТППЕ Македонски Брод. Другите 10 изгаснати од вкупно 11 пожари во последното деноноќие на отворен простор биле во: - Општина Чашка, кај с.Крива Круша (каде што горела сува трева и папрат); - Општина Арачиново, кај с. Арачиново (ниска вегетација и ѓубриште); - Општина Гази Баба, покрај Бул.„16 Македонска Бригада“ (ниска вегетација); - Општина Центар, покрај ул.„Самуилова“ (запалено дрво); - Општина Прилеп, кај с.Врбјани (ниска вегетација); - Општина Чешиново – Облешево, два пожара, кај с.Облешево (стрниште) и кај с.Уларци (стрниште); - Општина Куманово, с.Речица (ниска вегетација); - Општина Старо Нагоричане, два пожара, кај с.Пелинце (отпадоци) и кај с.Младо Нагоричане (каде што горела ниска вегетација и остатоци од насади од пченка). (МИА)