пожаране – Kurir.mk

Најмногу дожд во Тетово и Пожаране, над 30 литри на квадрат

Ивона Петрова — Wed, 23 Nov 2022 07:52:29 +0000

Најмногу дожд во изминатите 24 часа наврна во Пожаране 34 литри на метар квадратен, во Тетово 31, Маврови Анови 29, Крушево 27, Претор 22, Крива Паланка 17, Охрид 14, Прилеп 13, по 12 во Битола и Куманово, а 11 литри во Скопје. Најстудено, пак, утрово е на Попова Шапка со -2, а најтопло во Струмица девет степени, информира УХМР. Во текот на ноќта времето беше облачно со врнежи од дожд, а на повисоките планини во северозападните делови од снег. Утрово е променливо облачно, со слаб локален дожд, а во Тетово и Гевгелија има појава на магла со намалена видливост до 200 м. Дува слаб до умерен ветер претежно од јужен правец. Денеска ќе биде променливо облачно со сончеви периоди и со слаб локален дожд, претежно во западните делови. Ќе дува слаб до умерен ветер од југозападен правец. Максималната температура ќе биде во интервал од 9 до 18 степени. Во Скопје променливо облачно со сончеви периоди и со слаб до умерен ветер од југозападен правец. Максималната температура ќе достигне 11 степени.

Температури над нулата, најмногу дожд во Пожаране

Тале Кристо — Fri, 08 Jan 2021 09:58:52 +0000

Минималните температури изутринава се повторно над нулата на целата територија на државата, а најмногу дожд во изминатите 24 часа наврна во Пожаране 30 литри на метар квадратен. Поинтензивен дожд утрово има во Маврово,а врнежите се претежно во западните делови. Во Пожаране утрово се измерени 3 степени, во Крива Паланка и Куманово 4 степени, во Скопје-Зајчев Рид и Петровец, Тетово, Лазарополе и Маврово, во Штип 6, Oхрид, Претор, Прилеп, Битола, Берово и Демир Капија 7, во Струмица 8, во Гевегелија 9 и во Дојран 11 степени. Најмногу жожд во изминатите 24 часа наврнаа во Пожаране 30 литри на метар квадратен, Охрид 23, Крушево 21, Тетово 15, Претор 14, Битола 10, Скопје-За Рид 8, во Прилеп, Берово и Куманово пет, Штип четири л/м, Крива Паланка и Скопје-Петровец три л/м2, во Гевгелија 2, и во Демир Капија и Струмица еден л/м2. Времето денеска ќе биде претежно облачно со врнежи од дожд, пообилни во западните делови, каде локално ќе наврнат и над 20 л/м2. На повисоките планини на северозапад врнежите ќе бидат од снег. Ќе дува умерен, повремено засилен ветер од јужен правец. Максималната температура ќе биде во интервал од 6 до 15 степени. Во Скопје времето ќе биде претежно облачно, со повремени врнежи од дожд. Ќе дува слаб до умерен ветер од јужен правец кој повремено ќе засилува. Максималната температура ќе достигне 10 степени.

Над 30 сантиметри снег во Маврово и Пожаране

Ивона Петрова — Wed, 05 Feb 2020 07:33:27 +0000

Во поголемиот дел од земјава изутринава врне снег, кој е поинтензивен на југозападот. Најмногу снег ноќеска наврна во Пожаране каде што е формирана снежна покривка од 36 сантиметри, во Маврово 33, Дебар 22, Битола 21, Охрид 19, Прилеп 15, Попова Шапка 9 и Тетово 6 сантиметри. На пониските предели врне дожд. Во текот на ноќта дуваше и умерен до засилен северен ветер, кој достигнуваше брзина од 80-100 км/час. Облачно, студено и ветровито со повремени врнежи претежно од снег ќе биде и во текот на денов. Во планинските региони и во западните делови дополнително ќе се зголеми снежната покривка, а долж Повардарието врнежите ќе бидат од дожд, влажен снег и снег и помала снежна покривка ќе има само понекаде. Поради силниот ветер кој ќе продолжи да дува и денеска (и над 80 км/час) ќе има услови за појава на снежни наноси. Максималната температура ќе биде во интервал од 0 до 8 степени. Во Скопје облачно, студено и ветровито со повремени врнежи од дожд и снег. Максималната температура ќе достигне 5 степени.