пожарникар – Kurir.mk

Пожарникар загина при гаснење на пожар во Канада

Ивана Ефремовски — Sun, 30 Jul 2023 08:12:13 +0000

Пожарникар кој гаснел пожар во канадската провинција Британска Колумбија загина во петокот, со што бројот на загинати пожарникари во Канада годинава се искачи на четири. Како што јавија денеска локалните медиуми, пожарникарот кој загинал е 25-годишен маж од Онтарио кој го гаснел пожарот во Дони Крик. Тоа е најголемиот пожар што некогаш бил регистриран во историјата на Британска Колумбија кој почна на 12 мај и се очекува да гори до зима. Поради својата географска положба, Канада се загрева побрзо од остатокот на планетата, па во последните години е соочена со екстремни временски непогоди, чиј интензитет и зачестеност се зголемени со климатските промени. Претходно овој месец, противпожарен хеликоптер се урна во Алберта, при што загина неговиот пилот, а уште двајца пожарникари загинаа во одделни инциденти. (МИА)

Пожарникар нападнат додека гасел пожар во Центар

Ивона Петрова — Thu, 13 Jul 2023 14:30:28 +0000

Полициски службеници од Единицата за интервентна полиција при СВР Скопје денеска ги лишиле од слобода Б.Б.(26) и И.З.(46), двајцата од Скопје. Како што информира МВР, лицата околу 02.20 часот на ул.„Костурски херои“ физички нападнале вработен во Бригадата за противпожарна заштита Скопје кој вршел службени дејствија - гасење пожар на локацијата. По целосно документирање на случајот ќе следува соодветен поднесок.

Пожарникар пренесен на клиника, вдишал чад додека гаснел пожар

Ивана Ефремовски — Sat, 08 Jul 2023 16:20:52 +0000

На 07.07.2023 во 14.03 часот во СВР Скопје е пријавено дека на ул.„Крсте Асенов“ настанал пожар во стан сопственост на И.М.(73) до Скопје. Пожарот е изгаснат со интервенција на противпожарната единица Скопје, при што еден пожарникар поради вдишување чад бил пренесен во Комплекс клиники „Мајка Тереза“ за укажување на лекарска помош. Полициски службеници излегле на местото на настанот.

Тешко повреден пожарникар

Ивана Ефремовски — Mon, 05 Jun 2023 15:15:18 +0000

На 04.06.2023 во 14:35 часот во Полициската станица Кавадарци, од Општа болница Кавадарци било пријавено дека кај нив со тешки телесни повреди бил донесен Б.М.(44) од с.Тимјаник, неготинско. Според пријавеното, тој се здобил со повредите на работното место во Територијалната противпожарна единица Неготино. Увид бил извршен.

Пожарникар повреден при гаснење пожар во гостиварско

Ивона Петрова — Wed, 01 Feb 2023 10:30:41 +0000

Пожар настанал вчера вечерта околу 20 часот во куќа на 62-годишниот И.У. во гостиварски Равен. Од СВР Тетово информираат дека опожарен бил горниот дел од објектот. При преземање мерки за гаснење на пожарот се повредил 43-годишниот пожарникар М.С. од гостиварско Речане. Пожарникарот бил пренесен во гостиварската Општа болница „Ферид Мурад“ за укажување на лекарска помош.

Доделени награди за најдобриот полицаец, пожарникар и крводарител во Скопје

Тале Кристо — Mon, 26 Dec 2022 15:11:12 +0000

Денеска свечено доделени признанијата на најдобриот пожарникар, полицаец и крводарител на град Скопје за 2022 година.

Радува фактот што годинава станува збор за млади луѓе избрани од својот колектив како најдобри, со што се надеваме ќе се поттикнат нашите сограѓани да ја покажат својата храброст и хуманост.

За најдобар пожарникар во 2022 година истакнат со особено ефикасно и успешно работење е прогласен Иво Цветковски, предложен од Командирот на вод на Бригадата за противпожарна заштита. Цветковски изминатата година учествувал во гаснењето на бројни пожари и учествувал во технички интервенции со придонел за намалување на материјални штети и спасување на човечки животи.

За најдобар полицаец е прогласен Илија Алексовски, вработен во Полициската станица од општа надлежност Центар при СВР Скопје. Алексовски е предложен од Секторот за внатрешни работи Скопје, за особени резултати при реализација на многубројните задачи и активности за потребите на СВР Скопје, како и за значаен придонес во тимот.

Ардит Ќаили е најдобар крводарител на подрачјето на Град Скопје за 2022 година, кој е предложен од Црвениот крст на Град Скопје, како докажан млад волонтер од организацијата во Чаир. Со своите 23 години, како волонтер е истакнат како позитивен пример, за поттик на младите да станат крводарители и волонтери во хуманитарни акции.

Пожарникар повреден додека гасел пожар во Сопиште

Ивана Ефремовски — Thu, 17 Feb 2022 15:06:15 +0000

На 16.02.2022 околу 06:40 часот во СВР Скопје било пријавено дека во с.Сопиште, скопско, настанал пожар во куќа сопственост на А.Д.(63). Пожарот бил изгаснат од екипа на Бригадата за противпожарна заштита Скопје. При гаснењето еден пожарникар се здобил со повреди.

ТЕШКО ПОВРЕДЕН ПОЖАРНИКАР ДОНЕСЕН НА КЛИНИКА: Гаснел пожар во Чучер Сандево

Катерина Бојаџиева — Tue, 16 Nov 2021 16:45:38 +0000

Вчера во 09.20 часот во СВР Скопје било пријавено дека во Комплекс клиники „Мајка Тереза“ бил донесен пожарникар со тешки телесни повреди, со кои се здобил за време на гасење на пожар на 14.11.2021 на место викано „Рамно“, општина Чучер Сандево. За настанот е известен Трудов инспектор.

УЖАСНА ТРАГЕДИЈА ЕДЕН ДЕН ПРЕД НЕГОВИОТ РОДЕНДЕН: Почина пожарникар од Словенија кој учествуваше во гаснењето на пожарите во Пехчево

Дарко Андоновски — Wed, 29 Sep 2021 10:38:48 +0000

Во сообраќајна несреќа почина младиот пожарникар од Словенија, Жан Кофол. Тој беше еден од доброволците кои пристигнаа во Пехчево летово, кога голем дел од шумите беа зафатени од пожари. Македонската јавност за него дозна преку фото-сториите на Дојче Веле. Кофол почина само еден ден пред да наполни 20 години.

Еден пожарникар повреден во Тетово при гаснење пожар

Ивона Петрова — Thu, 24 Jun 2021 12:23:23 +0000

Еден пожарникар е полесно повреден во Тетово при гаснење пожар во текот на вчерашниот ден, а противпожарната единица морала да интервенира на десетина места во периодот од 8 часот па се до 3 часот рано изутринава. -Вчера имавме пожар кај Спортскиот центар во Тетово каде беше повреден пожарникарот. Освен таму на отворено имавме пожари во атар на Брвеница, Жеровјане на дива депонија во Челопек во куќа и плевна и на автопатот Тетово-Скопје на возило. Причини се високите температури и несериозноста на граѓаните кои палат на отворен простор, информира Ука Алити, командант на тетовската пожарна. Во СВР Тетово во текот на првите шест месеци од годинава, заклучно со денеска, 24 јуни бројот на пријавените пожари на ова подрачје изнесува 54 на отворен простор, во поле, шумски предели и други места. -Во два од нив регистрирани се две човечки жртви, една на гостиварските и една на тетовските простори. Речиси во сите пожари, пак, причинета е значителна материјална штета. Секторот за внатрешни работи Тетово апелира до граѓаните да бидат постојано внимателни ако се движат или работат во полето и низ шумите, да не ги палат отпадоците, меѓите и стрништата на нивите и да не фрлаат неизгаснати догорчиња со цел да се избеге појава на пожари, истакна Марјан Јосифоски, портпарол на СВР Тетово. Од полицијата потсетуваат дека предизвикувањето на шумски пожар намерно или од невнимание претставува кривично дело, кое се санкционира со соодветни поднесоци и за кое е предвидена и затворска казна до 8 години (член 227 од Кривичниот законик), зависно од видот на пожарот и другите околности и последици. Минатата 2020 година на подрачјето на СВР Тетово вкупно биле пријавени 112 пожари, најмногу во летниот период.