ППД Загреб – Kurir.mk

Вуко Борозан се враќа во ППД Загреб

Бошко Тасиќ — Thu, 16 Mar 2023 05:47:06 +0000

Хрватскиот тим ППД Загреб подготви одговор за трансферот на Мануел Штрлек во Нексе и ќе го врати во своите редови црногорскиот бек Вуко Борозан. Некогашниот ракометар на Вардар беше дел од „плинарите“ минатата година, но не одигра ниту минута затоа што неговиот договор беше раскинат. Сепак, 29-годишниот лев бек ќе добие нова шанса во ППД Загреб и ќе биде главен адут во битката за титулата. Црногорецот низ кариерата покрај за Вардар играше и за Ал-Араби, Веспрем ,Либек,Металург и Карловац.

Дибиров во со Загреб уште две години

Бошко Тасиќ — Tue, 21 Feb 2023 06:00:00 +0000

Тимур Дибиров за неколку месеци ќе го прослави 40. роденден (30 јули), но ветеранот не размислува за пензија и најдобар доказ за тоа е последната информација која дојде од неговиот клуб ППД Загреб. Популарните плинари соопштија дека левото крило се согласило за продолжување на соработката за уште две сезони што значи дека Русинот ќе биде активен најмалку до 42 година. Со ова Дибиров дополнително ќе го продолжи престојот на Балканот каде девет години беше дел од најдобриот македонски клуб Вардар за да од 2022 година се пресели во Загреб.

Славко Голужа е новиот тренер на ППД Загреб

Бошко Тасиќ — Thu, 17 Nov 2022 21:12:31 +0000

Хрватскиот тренер Ивица Обрван го напушти кормилото на ППД Загреб, тим кој потоа мораше да се активира на пазарот каде сега и официјално го пронајде неговиот наследник. Тоа е Славко Голужа за кого ова ќе биде трет мандат на клупата на популарните „плинари“.

-Тимот го сочинуваат неколку искусни играчи кои поминале многу во ракометот, но и некои помлади играчи кои штотуку ја започнуваат својата ракометна кариера. Моја задача е да создадам синергија и вистинска атмосфера. Сакам нашиот најдобар играч да биде нашиот тим, -порача Голужа кој ќе дебитира на новата позиција против Веспрем во ЛШ.

Договорот е со важност до крајот на годината.

Веспрем шампион во СЕХА лигата

Бошко Тасиќ — Sun, 04 Sep 2022 19:10:06 +0000

Веспрем ја продолжи својата доминација во СЕХА-лигата откако унгарскиот гигант вечерва се закити со нов трофеј, во финалето триумфирајќи над Загреб со резултат 32-30. Избраниците на Момир Илиќ се соочија со сериозен предизвик откако по првото полувреме се најдоа во негатива од шест погодоци, но сепак блеснаа кога беше најважно и со огромен пресврт во вториот дел стигнаа до пехарот, петти за Веспрем од формирањето на регионалното натпреварување. Јахија со седум гола беше најефикасен во победничкиот тим, по пет погодоци за Веспрем постигнаа Лауге, Штрлек и Мае, додека кај Загреб најдобар поединец повторно беше Чупиќ, реализирајќи осум гола од десет обиди.

Стефан Додиќ на позајмица во ППД Загреб

Бошко Тасиќ — Mon, 22 Aug 2022 21:13:43 +0000

Поранешниот член на ГРК Охрид, Металург и Вардар 1961, Стефан Додиќ, кариерата ќе ја продолжи во екипата на ППД Загреб. Младиот српски талент ќе игра на позајмица во хрватскиот гигант. Киелце прифати да го пушти за тековната сезона, со опција да продолжи уште една година. Загрепчани во новата сезона ќе влезат со високи амбиции. Во тимот пристигна и искусниот Тимур Дибиров, кој по девет години си замина од Вардар.

Додиќ се раздели со Вардар поради ЛШ, оди во ППД Загреб

Бошко Тасиќ — Wed, 03 Aug 2022 07:42:49 +0000

ППД Загреб во новата сезона ќе биде далеку посилен. Покрај Иван Чупиќ во дресот на хрватскиот тим ќе ги гледам Вуко Борозан и Тимур Дибиров, а според најавите најверојатно стратегот, Ивица Обрван на располагање ќе има уште еден играч од редовите на Вардар 1961. Станува збор за Стефан Додиќ. Тој во новата сезона требаше да замине во Келце, но раководството на клубот одлучи да го даде на позајмица уште една година, а потоа дури ќе замине во редовите на полскиот тим. „Имаме една сериозна опција. Тоа е Загреб. Ако таа опција пропадне, одново ќе се вратиме назад на темата каде би можел да оди“, Бертус Сервас, претседателот на Келце.

Дибиров со порака: Благодарам што ми го дадовте чувството да се биде дома

Бошко Тасиќ — Mon, 18 Jul 2022 18:39:57 +0000

Еден од најстандардните ракометари на Вардар, Тимур Дибиров го напушти тимот од Скопје и реши да се пресели во Загреб. Тој цели девет години го носеше дресот на Вардар, учествувајќи во освојувањето на двете титули во Лигата на шампионите. Дибиров преку социјалните мрежи се збогуваше со навивачите на Вардар и целата македонска јавност. „Драги пријатели, веројатно треба да има текст за многу страници, затоа што сакам да ви се заблагодарам на секој од вас. Ви благодарам што ми го дадовте чувството да се биде дома, за поддршката, љубовта и вербата во мене. Ми беше голема чест да го носам дресот на Вардар и горд сум што сум дел од семејството. Сакам да им се заблагодарам на Македонија, Скопје, Комити, навивачите, Сергеј Самсоненко, сите играчи и вработени во клубот. Вие сте засекогаш во моето срце“, напиша Дибиров.

Тимур Дибиров и дефинитивно ја прифати понудата на Загреб

Бошко Тасиќ — Sat, 16 Jul 2022 07:26:09 +0000

Тимур Дибиров нема да го носи дресот на Вардар во новата натпреварувачка сезона откако рускиот репрезентативец ја прифати понудата да својата кариера да ја продолжи во дресот на Загреб. Хрватскиот шампион уште пред десетина дена тргна во офанзива по руското лево крило, во надеж дека ќе го убедат Дибиров да стави крај на својата ера во црвено-црниот дрес. Иако до неодамна изјавуваше дека негова желба е кариерата да ја заврши во црвено-црниот дрес, неговиот став се промени по санкциите за „црвено-црните“ и исклучувањето на македонскиот првак од Лигата на Шампионите. Дибиров во текот на следната седмица би требал и официјално да се пресели во Загреб, каде во тимот крај себе ќе ги има поранешните соиграчи од Вардар, Вуко Борозан и Иван Чупиќ.

ППД Загреб договори големо засилување, доаѓа Вуко Борозан!

Ристе Здравков — Fri, 03 Jun 2022 07:02:03 +0000

Хрватскиот ракометен шампион ППД Загреб договори големо засилување за следната сезона. Дресот на „плинарите“ ќе го носи Вуко Борозан, еден од најдобрите ракометари на Црна Гора. Искусниот бек шутер во своето „SV“ има бројни настапи на големи натпреварувања, а со Вардар во 2017 година го забележа најголемиот успех во кариерата, освојувајќи ја Лигата на шампионите. Во ППД Загреб одново ќе соработува со легендарното хрватско крило Иван Чупиќ, кое исто така беше дел од историската титула на Вардар пред пет години. Борозан во својата кариера пред осум години веќе настапуваше за хрватски клуб - Карловац. Од Карловац замина во Металург, кај Лино Червар, а две сезони помина во германската Либек. Во Вардар играше три сезони пред да се пресели во Веспрем во 2019 година, каде се задржа две сезони. Последен клуб во кој настапуваше пред да дојде во ППД Загреб е Ал Араби од Катар. За црногорската репрезентација одигра 28 натпревари и постигна дури 93 гола. Покрај Борозан хрватскиот шампион досега го засилија уште Кос од Извиѓач, Милиќ од Нант и Пањтар од Горење. Засега тимот го напуштија голманот Ивиќ, Матановиќ, Вистороп и Мандиќ. На Шипиќ му истече договорот, но тој сè уште нема клуб.

Обрван: Добро го познаваме Вардар

Бошко Тасиќ — Tue, 22 Feb 2022 13:49:27 +0000

Македонскиот ракометен шампион Вардар утре на домашен терен ќе го пречека хрватскиот ППД Загреб во еден од одлучувачките натпревари за пласман во нокаут фазата од Лигата на шампионите. Тренерот на гостите Ивица Обрван вели дека доколку бидат вистински може да стигнат до позитивен резултат на оваа гостување.

„Добро го познаваме Вардар, единствено што го променија е тренерот, можеби и начинот на игра. Во некои комбинации и бод би ни бил доволен за осминафинале, но не размислуваме на тоа. Сакаме по Пик Сегед да одиграме уште еден добар натпревар. Покажавме колку сме способни да одиграме добро на гости како во Брест и Монпелје. Ако бидеме ние вистинските можеме до позитивен резултат“, изјави Обрван.

Натпреварот кој ќе се игра во СЦ „Јане Сандански“ во Скопје е закажан за утре со почеток во 20.45 часот.