прабаба – Kurir.mk

СТАНА ПРАБАБА ПО 35. ПАТ: Лили е стогодишна жена која го преживеала Холокаустот

Катерина Бојаџиева — Tue, 18 Jan 2022 10:31:17 +0000

Речиси 100-годишната Лили Еберт, која го преживеала Холокаустот, а минала четири месеци во Аушвиц, неодамна стана прабаба по 35-ти пат. – За секоја жена што ќе стане прабаба, тоа е нешто посебно. Но, во мојот случај, тоа значи уште повеќе. Тоа е навистина исклучителна работа!, изјави Еврејката која пораснала во Унгарија. Таа била ослободена од американските војници во април 1945 година, кога имала 20 години. А, денес, 77 години подоцна, таа вели дека новородените бебиња се „најдобрата одмазда кон нацистите“. Нејзиниот најмал внук стана татко на почетоков на јануари, а со тоа Еберт стана прабаба 35-ти пат. – Никогаш не мислев дека ќе доживеам вакво нешто. Прво се борев за мојот живот, морав да преживеам, а потоа – оваа година… Нацистите сакаа да нѐ убијат и истребат, а ние им покажавме дека не можат, вели таа. По нејзиното ослободување, Еберт минала една година во Швајцарија, а потоа, во 1946 година се преселила во Израел. И нејзиниот 18-годишен правнук Дов Форман ја пофали својата прабаба на Твитер. – Мојата 98-годишна прабаба Лили Еберт, која го преживеа Аушвиц, штотуку стана прабаба по 35-ти пат, напиша тој. Момчето напишало и книга со својата прабаба, со наслов „Ветувањето на Лили“, која го опишува нејзиниот живот. – Ние се стремиме да ја пренесеме нејзината приказна на што е можно повеќе луѓе, и на социјалните мрежи и преку нашата книга. Можам цел ден да ви раскажувам колку многу научив од неа… Таа е вистинска кралица на семејството. А, ние сме едно многу силно и хармонично семејство на чело со Лили. Таа едноставно нѐ инспирира секој ден!“, пишува правнукот Форман.

Кралицата Елизабета го добива единаесетото правнуче: Принцезата Беатрис по тајното венчање чека дете (ФОТО)

Магдалена Андонова — Wed, 19 May 2021 21:00:16 +0000

Ќерката на контроверзниот принц Ендру и внуката на британската кралица Елизабета Втора, принцезата Беатрис од Јорк и нејзиниот сопруг, Италијанецот Едоардо Мапели Моци, ќе станат родители. - Нејзиното височество принцезата Беатрис и г-дин Едоардо со задоволство објавуваат дека ќе имаат дете на есен. Кралицата била информирана за тоа и двете семејства се пресреќни - се наведува на официјалната веб-страница на кралското семејство.

View this post on Instagram

A post shared by The Royal Family (@theroyalfamily)

За потсетување, принцезата Беатрис се омажи во тајност ова лето, а наместо скапа венчаница, се одлучи за винтиџ фустан што го носеше нејзината баба, кралицата Елизабета Втора во 1962 година на премиерата на филмот Лоренс од Арабија во Лондон.

View this post on Instagram

A post shared by The Royal Family (@theroyalfamily)

Кралицата Елизабета доби уште едно правнуче

Магдалена Андонова — Wed, 24 Mar 2021 17:23:15 +0000

Гордиот татко Мајк, кој веќе има шестгодишна ќерка Миа и двегодишната Лена со Зара, ја сподели среќната вест на својот подкаст, нарекувајќи ја сопругата храбaр воин. 39-годишната Зара Тиндал, внука на кралицата Елизабета роди син, а тоа го потврди нејзиниот сопруг Мајк Тиндал, пензиониран бејзбол играч. Зара се породи во неделата попладне на подот од бањата во нивната семејна куќа лоцирана на имотот на принцезата Ана во Глостершир.

View this post on Instagram

A post shared by Zara Tindall (@zara_tindall)

- Неделата стана уште подобра бидејќи мојот мал син се роди во нашата куќа. Зара се породи на подот од нашата бања. Веднаш ја однесов малата директно во трпезаријата за да гледаме спорт на ТВ заедно и уживав додека лежеше на моите гради - рече Мајк и додаде дека тие сè уште немаат име за бебето: - Сеуште немаме име, но работиме на тоа. Ние секогаш се бориме со тоа, никогаш не сме го избрале тоа пред да се родат нашите деца. Зара имаше контракции претходната вечер, затоа организиравме грижа за децата за Миа и Лена, но нашето трето дете пристигна толку брзо што дури не стигнавме да одиме во болница. За среќа, пријателката на Зара, Доли, беше со нас и сфати дека нема да стигнеме навреме во болница, па истрча во теретана да земе килим, кој потоа, со крпи, го стави на подот и ја легна Зара. Ние сме многу благодарни на неа.

View this post on Instagram

A post shared by Zara Tindall (@zara_tindall)