ФОТО: Специјален прашалник за Ковид-19 за сите патници кои го користат бродскиот превоз во Грција

Тале Кристо — Wed, 20 May 2020 08:58:07 +0000

На седум прашања поврзани со Ковид-19, ќе треба писмено да одговорат сите патници кои во Грција користат бродска линија подолга од половина час. Во рамките на упатствата за превенција и спречување на ширењето на новиот коронавирус, Министерството за поморство и островска политика на Грција, воведе специјални прашалници кои патниците, пополнети треба да ги достават при влегувањето во бродот или траектот, јави дописничката на МИА од Атина. Прашањата се однесуваат на изминатите 14 дена, а патниците ќе треба да одговорат дали имаат/имале ненадејни симптоми со температура, кашлање или отежнато дишење; дали имале близок контакт со лице заразено со Ковид-19; дали се грижеле за лице заразено со Ковид-19, дали посетиле или биле на мало растојание со лице заразено со новиот коронавирус; дали патувале (со било кое превозно средство) заедно со лице заразено со Ковид-19; дали живееле во ист дом со заразен и дали работеле на мало растојание или биле во иста средина со лице заразено со Ковид-19. Во прашалникот се заведуваат и личните податоци, а во случај , врз основа на одговорите, да се констатира дека патникот има симптоми или на било каков начин во изминатите две седмици бил во контакт со заразено лице со Ковид-19, тогаш нема да му биде дозволено да се качи на брод. Бродската компанија, два месеци ќе ги чува прашалниците, согласно предвидените одредби од законот за заштита на лични податоци. Паралелно, прашалници треба да пополнат и оние кои патуваат со брод на релација Грција –Италија, како и членовите на екипажот. Прашалниците на англиски и на грчки јазик се достапни во туристичките агенции, во бродските компании како и на сајтот на Министерството за поморство и островска политика на Грција. Од понеделникот, до 15 јуни во сила се посебни превентивни мерки за бродовите во Грција. Засега дозволено е само патување на островот Крит, а од понеделник се очекува да се укине забраната за патување на сите острови.

Анкета во македонските училишта до родител А и Б: Дали Вашето дете е родено во Република Северна Македонија? (ФОТО)

Катерина Бојаџиева — Fri, 05 Apr 2019 13:14:13 +0000

Дали Вашето дете е родено во Република Северна Македонија? Ако не, колку години имаше Вашето дете кога тој/таа дојде во Република Северна Македонија? Ова е дел од прашалникот кој беше поделен помеѓу родителите на четвртоодделенци во неколу избрани основни училишта низ Македонија. Станува збор за истражување за рано учење. Истражувањето на ТИМС треба да ги покаже знаењата по природни науки и математика на четвртооделенците во Македонија. Прашалникот го добија родителите на учениците од четврто одделение кои ќе учестуваат во истражувањето кое го спроведува ТИМСС (Trends in international Mathematics and science study). Тие требаше да пополнат прашања кои се однесуваат на навиките на учениците во училиште, што научиле во училиште и со какви знаења располагале пред да тргнат на училиште. Но, она што ги изненади родителите е тоа што меѓу прашањата имаше и прашање „Дали Вашето дете е родено во Република Северна Македонија? Ако не, колку години имаше Вашето дете кога тој/таа дојде во Република Северна Македонија?“. Децата кои учат во четврто одделение во просек имаат 10 години и значи дека се родени во Република Македонија. Амандманите од 33 до 36 заедно со Уставниот закон за нивно прогласување, со коишто се менува името на земјава од Република Македонија во Република Северна Македонија, се објавени во Службен весник број 6 од 12 јануари со потпис на претседателот на Собранието Талат Џафери. Овие измени на Уставот со 81 глас „за“ беа усвоени на 75. седница на 11 јануари. Освен овие две, во прашалникот имаше и прашања за образованието и професијата на родителите, кои не беа означени како мајка и татко, туку како Родител А и Родител Б. Министерството за труд и социјална политика тврдеше дека „мајка“ и „татко“ нема да прераснат во родител А и родител Б и дека не се брише семејството со предлог-законот за заштита од дискриминација. Пратеничката група на ВМРО-ДПМНЕ и Коалицијата се изјаснија дека со резерва гледаат на предлог-законот за спречување и заштита од дискриминација, оти, според нив, со него се брише одредбата дека бракот е заедница помеѓу маж и жена. Тие реагираат и дека со новиот предлог закон се укинуваат термините мајка и татко и се воведува терминологијата родител А и родител Б. ТИМСС е е меѓународната студија по математика и природна група предмети, која ги мери знаењата и способностите на учениците по математика и природната група предмети во четврто, во осмо одделение и на крај на средното образование (во математичките училишта). Преку прашалниците за ученици, наставници и директори се добиваат резултати за тоа како културната средина, наставната практика, целите на наставните програми и систематското уредување на образованието влијаат врз постигањата на учениците. Мерењето на постигањата во оваа студија има две димензии: содржинска и когнитивна. ИЕА е главен организатор на ТИМСС, а активностите се раководени од Меѓународниот студиски центар во Бостон (International Study Center, ISC). Покрај нив во спроведувањето на ТИМСС учествуваат и Statistics Canada од Отава и Educational Testing Service од Принстон, Њу Џерси. Во периодот од март до мај 2019 година ќе биде реализирано главното тестирање после што ќе следува опсежен извештај.

прашалник – Kurir.mk

ФОТО: Специјален прашалник за Ковид-19 за сите патници кои го користат бродскиот превоз во Грција

Анкета во македонските училишта до родител А и Б: Дали Вашето дете е родено во Република Северна Македонија? (ФОТО)