прашање – Kurir.mk

Пендаровски за прашањето за референдум да гласи: Дали сакате Република Северна Македонија да биде членка на ЕУ?

Тале Кристо — Sun, 31 Jul 2022 20:20:04 +0000

Немам никакво разбирање на барањето на ВМРО-ДПМНЕ за референдум, станува збор за манипулација која Христијан Мицкоски ја прави прилично неочекувано, изјави во неделата претседателот Стево Пендаровски. Зборувајќи во интервју на телевизија Канал 5 дали е за референдум за францускиот предлог, Пендаровски рече дека тоа што Мицкоски ги прави е политичка мобилизација на своето членство. „Се мачат да направат формулација, точка 4, алинеја 5 ќе ја оспоруваме од рамката. Знаете што е тоа? Тоа е Договорот од Преспа и Договорот со Бугарија. Не може да влезеш во ниту во Европа, ниту во НАТО, ако немаш договори со комшиите. Јас велам, повелете прашајте, но фер е да кажете дека сте против. Само едно прашање за мене е релевантно, дали сакате Република Северна Македонија да биде членка на ЕУ, толку“, изјави Пендаровски. Тврдам, рече Пендаровски, дека на вака чисто прашање, про-европската коалиција ќе ја победи анти-европската коалиција составена од ВМРО-ДПМНЕ и Левица. „Ако не биде така. Сите ние што сме сега на ова место ќе се повлечеме и ќе речеме повелете терајте, имате многу широки опции, имате движење на неврзаните, имате Азија, имате Русија…“, рече Пендаровски. Прашан зошто се брзало со прифаќањето на францускиот предлог, Пендаровски рече дека во својот дел, ја признава вината во, како што рече, лошото менаџирање на очекувањата во јавноста. „Медијаторите од Брисел и Париз рекоа додека не е договорено се, се смета дека ништо не е договорено, и не треба ништо од тоа да оди во јавноста. За жал, ние тоа го почитувавме, но нашите другари, колеги и пријатели од Софија не го почитуваа“, изјави Пендаровски. Според него, штетата со шпекулациите во јавноста веќе била направена и можеле уште шест месеци да ја објаснуваат, но, како што рече, веќе добар дел од народот бил изманипулиран. „Доцна го објавивме протоколот, доцна го објавивме предлогот. Меѓутоа, сега откако е објавен го има на интернет. Велам, кажете каде пишува ние само како Бугари ќе влеземе во ЕУ. Покажете ми, каде пишува… нигде“, изјави Пендаровски. Реално ситуацијата, посочи Пендаровски, е дека од првичните барања на Бугарија и првичната бугарска декларација, нема неколку од нивните клучни барања. „Прво до ’44 година да пишеме во учебници и секаде дека ние сме биле Бугари. Тоа го нема во рамката. Второ, македонскиот јазик бил до ’44 година дијалект на бугарскиот јазик. Тоа го нема во рамката. Од 41 до 44 година биле „администратори“, а не „окупартори“, и тоа го нема во рамката. Точка 12 од Договорот вели еднаш годишно владите се собираат и велат да видиме до кај сме сега и што сме постигнале“, рече Пендаровски. Ние, нагласи Пендаровски, очекуваме разумно однесување од другата страна, но и дека повторно може да има неразумни барања. „Гаранции има дека европската рамка не содржи понижувачки ставови за македонскиот народ. Мислам дека сме на јасно и на хартија пишува дека рамката не е понижувачка за македонскиот народ“, додаде Пендаровски. Комисијата за историски прашања, Пендаровски рече дека работи веќе три години од 2019-та и покажале дека таму се луѓе со интегритет и дека сите се експерти. „И со ова што досега го договорија историчарите ние почнавме преговори. Значи некакво движење имаме. Како ќе биде понатаму, јас имам апсолутна доверба во луѓето од Драги Георгиев, до последниот член на Комисијата“, рече Пендаровски.

Експертите велат дека едно прашање ги открива ПРОБЛЕМИТЕ во бракот или врските: Каква емоција би предизвикало кај вас?

Ристе Здравков — Mon, 02 May 2022 16:21:42 +0000

Терапевтите истакнуваат дека се би можело да се реши меѓу партнерите доколку ја има таа „златна нишка“. Ако прељубата се исклучи како причина за развод, повеќето брачни парови имаат несогласувања околу парите или децата. Финансиите можат да бидат камен на сопнување од периодот кога се забавуваат или затоа што заработуваат поинаку или се расправаат за начинот на трошење на парите. Децата носат голема радост, но кога едниот родител станува единствениот приоритет, другиот се чувствува отфрлен и запоставен. Принципите на воспитување понекогаш се причина и за кавги. Ако едниот родител е поблаг, децата знаат да манипулираат, а јазот меѓу тато и мама е сѐ подлабок. Сепак, терапевтите велат дека сите овие проблеми можат да се надминат со работа на брачните односи, под услов тенката „златна нишка“ која ги држи во љубовта да не биде целосно прекината меѓу партнерите. За да го откријат ова, во текот на разговорот поставија мала „стапица“ со следното прашање – „како се запознавте вие двајца“. Ова прашање обично се смета за обичен познаник, но експертите ги следат реакциите на мажот и жената додека одговараат, како и преовладувачкиот тон во нивните описи. Ако и двајцата се сеќаваат на средбата со симпатии, тоа е добар знак. А ако зборуваат со негативен тон и на нивните првични впечатоци додадат критички коментари, раздорот секако е веќе длабок. Такви се, на пример, речениците: „На почетокот беше толку слатко, но сепак глумеше“ или „Убаво си поминавме, но и потрошивме многу пари како денес“. Ситуацијата е особено критична ако некој од партнерите користи изрази како „никогаш“ или „секогаш“, на пример, во речениците: „Никогаш не бил романтичен“ или „Таа секогаш била тврдоглава“. Хроничната негативност кон било кој, а особено кон партнерот, води до редовни разочарувања и на крајот развод. Ако навистина мислите дека вашиот партнер „никогаш“ не прави нешто што вие го сакате и „секогаш“ прави работи што не ви се допаѓаат, време е да се запрашате дали воопшто сакате таква врска. Ако, сепак, тоа не е случај, тогаш што е можно поскоро контактирајте со експерт кој ќе ви помогне да погледнете реално на вашиот брак и да ја спасите врската ако ви значи.

Симеоне ја прекина пресконференцијата после едно прашање (ВИДЕО)

Ристе Здравков — Thu, 14 Apr 2022 09:20:58 +0000

Манчестер сити го елиминираше Атлетико Мадрид од Лигата на шампионите, а после мечот имаше вербални расправии на работ на физичка пресметка. Интересно беше и на пресконференцијата каде Симеоне беше прашан дали Гвардиола покажа недостаток на почит кон него кога го критикуваше начинот на игра на Атлетико. „Не ме интересира кој што ќе каже за мене, без разлика дали тоа е добро или лошо. Луѓето со богат вокабулар се доволно интелигентни да те фалат и во исто време да те презираат. Но, ни ние не сме глупи и покрај тоа што можеби нашиот вокабулар е помал“, изјави Симеоне. Потоа Симеоне стана и демонстративно ја напушти пресконференцијата, а на прашање дали би дал совет на Реал како да игра против Сити во полуфиналето, кратко порача: „Никогаш не би го направил тоа“.

ГЛЕДАЧИТЕ БЕСНИ: Ова е најтешкото и најглупавото прашање во „Милионер“! Тој одговори точно, дали ќе можете и вие ?

Магдалена Андонова — Thu, 26 Aug 2021 20:30:10 +0000

Гледачите на британската верзија на квизот „Сакаш ли да станеш милионер“ се пожалија дека натпреварувачот кој настапи оваа недела го доби „најтешкото прашање досега“, а тоа го објавија и бројни британски медиуми. Глен Бан, кој освои 32 илјади фунти во последното шоу, го доби првото прашање во новата емисија, што натера многу луѓе да го сожалуваат.

For this Academy Award Best Actress related question, Glen had absolutely no idea what the correct answer was...and got it right anyway 😱#WhoWantsToBeAMillionaire #Millionaire #JeremyClarkson #ITV #Quiz #QuizShow #QuizShowWins #GameShow #LuckyGuess #Oscars #BestActress pic.twitter.com/EQnbdcs8NG
— Who Wants To Be A Millionaire? (@MillionaireUK) August 24, 2021

- Од 2000 година наваму, Оскар за најдобра актерка нема освоено жена чие име започнува со која од овие букви, гласеше прашањето. Глен не го знаеал, па го искористил џокерот и се обидел да добие помош од најдобрата пријателка на неговата сопруга. Но, се покажа дека ниту таа не го знае одговорот, па Глен одлучи да се коцка, па тој одговори на Г - и погоди. Иако Глен успеа да одговори правилно, многумина го критикуваа ова прашање на социјалните мрежи. „Какво глупаво прашање“, „Најлошото прашање што сум го слушнал“, „Ова не е добро прашање“, „Ова е најлошото прашање што сум го слушнал во ТВ емисија. Многу ми е мило што тој успеа да одговори “, беа некои од коментарите. Глен на крајот си замина дома со 125.000 фунти.

ИСТОРИСКО ПРАШАЊЕ ВРЕДНО МИЛИОН ДОЛАРИ: Натпреварувачот одговори точно, но дали вие го знаете одговорот? (ВИДЕО)

Ивана Ефремовски — Wed, 20 Jan 2021 10:57:24 +0000

Ова беше трет пат во минатата година натпреварувач во „Милионер“ да одговори на последното, најтешко прашање и со тоа да стане милионер. И повторно - прашањето беше од областа на историјата! Сепак, овој пат се работеше за посебна епизода во која славните се натпреваруваа, а парите одеа во добротворни цели. Готвачот и основач на ресторанот „Момофуку“, Дејвид Ченг, со тоа стана првата позната личност што ја освои главната награда и „стана милионер“. Парите беа донирани во добротворна организација која им помага на работниците во рестораните погодени од пандемијата на коронавирусот. Сепак, на ова претходеа напнати моменти за време на кои водителот Џими Кимел го прочита прашањето: „Иако претседателот и неговата сопруга никогаш не го допреа прекинувачот за светло од страв да не ги убие, кој американски претседател беше првиот што имаше електрична енергија во Белата куќа“? Ченг имаше освоено половина милион долари и ако одговореше погрешно, ќе паднеше на 32.000. Иако не го знаеше одговорот, тој одлучи да продолжи понатаму и го повика својот пријател - новинарката Мина Кајмс. Таа не беше сигурна, но сепак даде одговор. Како изгледаше сето тоа, погледнете во продолжение:

Едно лесно прашање на кое ни најпаметните не знаат да одговорат: Ќе успеете ли вие?

Ивана Ефремовски — Tue, 08 Dec 2020 12:48:00 +0000

Половина од студентите на најпрестижните факултети, одговориле погрешно на ова едноставно прашање. - Ако бејзбол палка и топка чинат 1,10 долари, а палката е поскапа од топката за долар, колку чини топката? Размислете убаво, одговорот ви го даваме во продолжение. Но, прво обидете се сами да решите. Помош: Решението кое прво ќе ви дојде на памет - не е точно! Ако помисливте дека одговорот е 0,10 долари или 10 центи, погрешивте. Точниот одговор е 5 центи.

Ова прашање е дрско и безобразно, престанете да им го поставувате на жените

Ивана Ефремовски — Fri, 20 Nov 2020 12:08:04 +0000

Сите ние кои сме родени, растени и сѐ уште мачиме маки со Балканот, сметаме дека само во ова наше парче територија луѓето сакаат да го пикаат носот каде што не им е место и да поставуваат непристојни прашања, да ви ги бројат крвните зрнца, да ѕиркаат во вашиот паричник, чинија и кревет. Ова не е баш точно, бидејќи, верувале или не, луѓето насекаде низ светот знаат да бидат непристојни, но тоа и не е некоја олеснителна околност. Од сите непримерни прашања постои едно кое се издвојува во морето од останати прашања, прашање кое секогаш им се поставува исклучиво на жените. Прашање кое е себично, непристојно, безобразно и едноставно одвратно. Се работи за прашањето: „Кога ќе раѓаш (уште едно дете)? Можеби некои од вас кои моментално ги читате овие редови или кои редовно го поставувате ова прашање не гледате ништо лошо во него, но верувајте ни на зборот дека крајно време е да престанете. Престанете со поставување глупави прашања кои немаат никаква врска со вас. Едноставно престанете. Еве и зошто... Болна тема За некого оваа тема можеби е само незадолжително муабетење, но за некого може да биде болна рана за која не зборува ни со самата себе, ниту пак со познаници кои случајно ги сретнала на улица. Можеби личноста на која сте ѝ го поставиле ова прашање веќе со месеци или со години зема терапија за плодност. Можеби секој месец прави тест за бременост кој цело време е негативен. Можеби таа личност имала или има здравствени проблеми поради кои не може да има деца. Можеби имала еден или неколку спонтани абортуси од кои никогаш не заздравила. Кога ќе го поставите ова прашање, вие немате поим низ какви работи поминува таа личност и вашето прашање: „Што чекаш?“ или „Глупаво е твоето дете да нема сестра/брат“, сигурно нема да помогне на ниту еден начин. Некои жени едноставно не сакаат деца Да, постојат и вакви жени, жени кои едноставно немаат мајчински инстинкт, сметаат дека дете нема никако да им го збогати животот. Тие сакаат на поинаков начин да го градат својот живот, сакаат да бидат слободни, да патуваат, да градат кариери. И ТОА Е НИВНО ПРАВО! Некои парови сакаат да имаат само едно дете Како мајка на син единец, често се соочувам со ова прашање и тоа веќе со години. Некогаш ми доаѓа преку глава, некогаш почнувам да се правдам, но кога некој ќе ми каже: „имате САМО син“, ми доаѓа да вриштам на цел глас. Како тоа мислите САМО син? Каде тоа се мери која е повеќе мајка, онаа која има САМО едно или онаа која има 5? Ве молам кажете ми за да отидам и да откријам колку сум јас мајка и дали ви ги задоволувам вашите критериуми. Во еден момент бев одлучна да имам уште едно дете, но имав спонтан абортус по кој никогаш целосно не заздравив, иако ми велеа дека е нормално и дека тоа ѝ се случува на секоја втора жена, но чувството на празнина и страв остана длабоко всаден во мене. Сега повеќе не сум сигурна дали сакам уште едно дете. Ние тројца сме одличен и синхронизиран тим и понекогаш се плашам дека уште едно бебе би ја нарушила таа синхронизираност. Има жени кои имале многу тешки бремености и пораѓања и после кои едноставно не сакаат повторно да проаѓаат низ истото. Има жени кои од старт сакале само едно дете. И ТОА Е НИВНО ПРАВО! Одлуката за тоа колку деца ќе има, треба да ја донесе исклучиво жената, секако во договор со нејзиниот партнер или со оној кому таа ќе му даде право да даде мислење на таа тема. Ве молам немојте ова прашање да им го поставувате на жени за кои вие сте само познаници, колеги, соседи, итн. И ако немате нешто попаметно за зборување, секогаш можете да зборувате за времето.

Треба да направите избор кој воопшто не е лесен: Само 1 од 200 лица одговара точно на ова прашање

Ивана Ефремовски — Sun, 08 Nov 2020 11:25:26 +0000

На едно логичко прашање кое голем број од светските компании им го поставуваат на своите потенцијални вработени на интервју за работа, ретко кој може да го даде вистинскиот одговор. Сепак, еден кандидат успеа да го реши и го сподели своето искуство на социјалните мрежи. Самиот одговор на прашањето е во филмот “16 блокови“, а го дава лично актерот Брус Вилис од каде големите компании го преземале со цел да им го поставуваат на своите потенцијални вработени на интервјуто за вработување. Еве го сведоштвото: Неодамна ми поставија многу интересно прашање на разговор за работа и од тогаш размислувам за тоа. “Се возиш со автомобил при големо невреме. Поминуваш низ автобуската постројка и гледаш тројца луѓе како чекаат автобус. Првата личност е совршената девојка, другата е твој пријател кој неодамна ти го спасил животот и третата е осамена старица која изгледа дека е болна. Кога би имал само едно седиште во својот автомобил, на кого би му понудил да го одвезеш?“ – вели момчето кое на крајот ја добило работата. Ајде да размислиме за ова прашање. Ова е класична морална дилема. Дали да и се помогне на старата баба бидејќи е во критична состојба? Дали би му обезбедиле превоз на вашиот пријател кој еднаш ви го спасил животот? Било кој од овие избори ти укажуваат дека ќе ја испуштиш жената на својот живот. Младото момче кое одговорило точно на ова прашање е избрано помеѓу 200 пријавени кандидати за работа. Дали одговорот го измислил сам или пак го гледал филмот е се уште непознато. „Би му ги дал клучевите на мојот пријател да ја одвезе старата баба во болница, а јас би останал на автобуската станица да чекам автобус со жената од соништата“. Неговиот одговор е најдобар доказ дека секогаш треба да размислуваме “надвор од кутијата“.

Ова прашање со сигурност ќе го прекине озборувањето: Дали сте доволно храбри да го поставите?

Катерина Бојаџиева — Wed, 10 Apr 2019 16:29:12 +0000

Озборувањето на луѓето и ширењето гласини не носи ништо добро, а ѝ наштетува на личноста која ги кажува тие работи. Без оглед на тоа дали кажувате негативни работи за некој или само слушате, вие сте дел од тие бесмислени и расипани приказни. Озборувањата се насекаде околу нас. Понекогаш и несвесно ги шириме, а понекогаш и несвесно шират муабети за нас. Социјалниот психолог Лорен Бег вели: „Околу 60% од разговорите помеѓу возрасните луѓе се вртат околу случки кои воопшто не се случиле. Поголемиот дел од нас носат заклучоци на основа на претпоставки.“ Жално е тоа што луѓето кои озборуваат не се чувствуваат виновни и не се каат поради тоа. Тие и не сфаќаат дека грешат и едноставно уживаат во несреќата на другите. Ако не сакате да слушате озборувања за други луѓе, тоа можете да го спречите со едноставно прашање упатено кон личноста која сака да ви каже некакво озборување: „Зошто ми го кажуваш тоа?“ Откако ќе го чуе ова прашање, вашиот соговорник ќе сфати дека оваа тема не ве интересира. Личноста која озборува ќе се изненади од вашето директно прашање и ќе сфати дека едноставно не сакате да зборувате некому зад грб.

Заев со одговор до студентите: Ќе дојде камшикар од ЕУ и НАТО кој што ќе не потсреди малку (ВИДЕО)

Дарко Андоновски — Wed, 26 Dec 2018 11:39:08 +0000

На студентско прашање поставено при гостувањето на Зоран Заев на телевизија 24 да наброи 5 причини зошто младите би останале тука во Македонија тој не даде конкретен одговор со што ги разочара студентите. -Прашањето е комплексно и веројатно ќе ве поттикнам и вие подлабински да подразмислите што се тие околности што ве задржале овде во Македонија и што се тие што ве мотивираат да одите надвор. Севкупниот живот е составен од повеќе елементи, соодветна работа, достоинствени примања, да планирате семејство, но притоа сакате да имате слобода, правда, добар образовен систем за вашите идни деца, сакате да знаете дека некој од семејството ако се разболи ќе има добро здравство и генерално сите овие аспирации ги имаме за да постигнеме цели. Сите видовме како надвор од ЕУ и НАТО со колку минорно и бавно темпо се движат подобрувањата на условите во Македонија, затоа сме насочени кон ЕУ и НАТО, јас тоа го кажувам ќе дојде камшикар кој што ќе не потсреди малку затоа што ќе има правила, ред и поредок како ќе се однесуваме. Сакаме европски плати? Ќе работиме осум саати, нема да работиме саат, два.. не зборувам само за јавната администрација и за приватните фирми и за продуктивноста, ќе имаме алатки за мотивација на младите за да може економскиот стандарди и на државата и на буџетските капацитети бидат доволно силни за да му нудат перспектива, да му понудат алтернатива или лепези на работа и откако ќе изберат да имаат напредок и да знае дека важат законите во Македонија, потенцира Заев. Тој додава и дека ќе се намали иселувањето од Македонија во блиска иднина или уште од самото влегување во НАТО. -Јас очекувам да дојде време и кога ќе се враќаат во Македонија, имаме дел и сега што се враќаат кои што виделе вакви основи, но сепак трендот на заминување е огромен вели Заев.