праска – Kurir.mk

Ледени коцки со праски: Освежувачки летен колач на кој нема да можете да му одолеете (ВИДЕО)

Ристе Здравков — Thu, 31 Aug 2023 09:45:28 +0000

Доколку сакате вистински летен десерт кој е лесен и освежувачки, ви предлагаме да ги направите овие ледени коцки со праски. Потребни состојки: - 200 гр. пишкоти - 200 мл. млеко За фил: - 500 мл. слатка павлака - 100 гр. шеќер во прав - 200 гр. праски За декорација: - 300 гр. праски - 250 мл. вода - 15 гр. желатин Начин на подготовка: Потопете ги пишкотите во млеко и наредете ги во тава со големина 25х30 центиметри. Слатката павлака изматете ја со шеќерот во прав, па додајте ги ситно исечканите праски на кои претходно ќе им ја отстраните лушпата. Откако сето тоа добро ќе го измешате, ставете го филот врз пишкотите. Исечете ги останатите праски на парчиња и наредете ги врз филот. Помешајте го желатинот со вода и оставете го да отстои 10 минути, а потоа истопете го на оган и со него прелијте го овошјето. Ставете го колачот да се лади во фрижидер околу 3 часа.

Сè што ви треба за да се разладите и засладите: Мус од праска на кој нема да можете да му одолеете (РЕЦЕПТ)

Ристе Здравков — Fri, 22 Jul 2022 12:13:27 +0000

Кога во лето ќе почувствувате потреба да го почестите вашето сетило за вкус со некој десерт, а во исто време немате желба да подготвувате каква било торта или да печете во рерна, можете да се свртите кон едноставни рецепти кои не бараат многу напор. Еден таков рецепт е и мусот од праски кој ви го претставуваме. Покрај тоа што е лесен за подготовка, тој е и совршено, кремасто летно освежување и одличен придружник во борбата против високите температури. Непотребно е да се каже колку најмладите ќе бидат воодушевени од овој рецепт. Состојки: – 500 гр праски – две лажици сок од лимон – четвртина шолја ладна вода – лажичка желатин – третина шолја шеќер – шолја слатка павлака – грст ореви Подготовка: Излупете ги праските и исечете ги на парчиња. Ставете ги во блендер, внатре исцедете го лимонот и изблендирајте ги овие состојки. Желатинот се раствора во тенџерче со ладна вода, се остава да отстои 5 минути, па се додава шеќерот. Потоа вклучете го шпоретот и варете го желатинот само 2 минути. Кога ќе биде готово, истурете ја слатката павлака и желатинот во блендерот и вклучете го уште 30 секунди за да се соединат состојките. Смесата истурете ја во помали чинии или чаши и ставете ја во фрижидер да се стегне и излади. Одозгора наредете сецкани ореви како декорација.

Смути со праска и портокал! Разладете се и засладете! (РЕЦЕПТ)

Ристе Здравков — Wed, 20 Jul 2022 06:05:44 +0000

Смутито од праска е вистинско мало освежувачко уживање за вас и вашето семејство. Додадете неколку коцки мраз и послужете за ужина или овошен појадок… Уживајте! Состојки: три поголеми праски сок од портокал зрела банана една лажица мед половина чаша грчки јогурт лажица чиа семе малку свежо нане ледени коцки Подготовка: Во блендер ставете излупени праски, сок од портокал, банана, мед, јогурт, семки од власец, свежо нане и неколку коцки мраз, сè убаво изблендирајте, па истурете во чаши и послужете.

Продолжува голготата на производителите на праска: Во Росоман една гајба од 10 килограми се продава за 40 денари

Ивана Ефремовски — Wed, 26 Jun 2019 14:28:46 +0000

Продолжува голготата на земјоделците во Росоман кои одгледуваат праска. Денеска на кванташкиот пазар во Росоман цената на една гајба од 10 килограми праска изнесува само 40 денари што кај производителите создава дополнителен револт бидејќи цената не може да ги покрие трошоците кои досега ги вложиле во производството. Земјоделците се жалат дека земјоделието е катастрофа и дека немаат помош од страна на државата, односно дека не се носат закони со кои ќе им се решат проблемите. -Винариите нè уценуваат, државата нè уценува зошто не сака да донесе правилник за откуп на сите земјоделски производи, почнувајќи од пченицата па да завршиме на грозјето. Во секој сектор од земјоделието е катастрофа, а државата најмногу на некој начин нè манипулира, кажува мерки, дава субвенции, повраток на персонален данок, а од тоа нема ништо, вели производите на праска од Росоман. Имено, тие бараат од страна на премиерот Зоран Заев да им го исполни даденото ветување за зелена нафта, бидејќи според нив, она што го ветил мора да се исполни. -Ако веќе е ветено треба да ни дадат и зелена нафта, треба да ни го вратат данокот кој што ни го собраа лани, сега треба да ни го вратат, додава земјоделецот. Инаку, реалната цена на праската е гајба од 10 килограми изнесува 500 денари, но за жал производителите се принудени истата да ја продаваат за само 40 денари за 10 килограми, а се жалат дека ни со толку ниска цена не можат да најдат купци.