праски – Kurir.mk

Поховани праски! Ефтин десерт кој лесно се прави (РЕЦЕПТ+ВИДЕО)

Ристе Здравков — Fri, 29 Sep 2023 13:27:56 +0000

Ако сте љубител на овошје, тогаш можете да направите поховани праски и ќе имате одличен десерт за вашите гости. СОСТОЈКИ: овошје – многу праски малку шеќер со цимет 1 јајце 4 лажици брашно 200 мл млеко малку сол масло Подготовка:

Печени праски со сладолед кои се вистински летен десерт

Ристе Здравков — Thu, 31 Aug 2023 07:42:52 +0000

Печените праски со сладолед се едноставен десерт, а особено се истакнуваат поради тоа што се спој на топли и ладни состојки, кои истовремено нудат освежувачки и кремаст вкус. Освен што едноставно се подготвува, за овој рецепт не ви се потребни ни премногу состојки. Потребни состојки: - праски - јаткасти плодови - сладолед - засладувач по желба Начин на подготовка: Најпрвин загрејте ја рерната на 150 степени. Додека се загрева рерната, пресечете ги праските на половина и наредете ги во тава на хартија за печење. Праските потоа посипете ги со шеќер или кој било друг засладувач по желба. Можете дури и да ги премачкате со мед. Сепак, можете да го прескокнете додавањето засладувач. Она што му дава посебен вкус на овој десерт се секако јаткастите плодови. Можете да додадете различни јаткасти плодови, само важно е претходно ситно да ги исецкате. Кога ќе ги додадете јаткастите плодови, ставете ги праските во рерна и печете околу половина час на 150 степени. Кога ќе бидат готови, оставете ги неколку минути да се изладат, а потоа секоја праска послужете ја со топка од омилениот сладолед.

Во српски праски откриено високо ниво на пестицидот хлорпирфос

Ивана Ефремовски — Mon, 14 Aug 2023 13:24:21 +0000

Пратка со српски праски е вратена од хрватска граница во Србија откако е утврдено високо ниво на пестицидот хлорпирфос, објави Европска комисија. Опасната пратка ја пријави Хрватска, но не се наведени детали за конкретната опасност, само е посочено дека товарот од Србија е потенцијално ризичен. На 7 јули Словенија вратила праски во Србија поради присуство на пестицидот хлорпирифос. Претставниците на земјите членки на Комитетот за растенија, животни, храна и сточна храна гласаа за забрана на хлорпирифос и хлорпирифос-метил на пазарот на ЕУ. Имено, врз основа на заклучоците на Европската агенција за безбедност на храната (ЕФСА), според кои активните супстанции може да се поврзани со генетско и неврооштетување кај неродените деца и не ги исполнуваат безбедносните критериуми за здравјето на луѓето, Европската комисија презентираше нацрт регулатива со која се предлага забрана за контроверзните хлорпирифос и хлорпирифос-метил. Тоа се два инсектициди кои спаѓаат во категоријата пестициди познати како органофосфати, а чија примена е широко распространета во земјите членки на ЕУ. Според Американскиот центар за контрола и превенција на болести, по контакт со хлорпирифос луѓето можат да доживеат различни ефекти врз нервниот систем, како што се главоболки, заматен вид, зголемена лачење на плунка, напади, а во екстремни случаи, во зависност од количината и должината на изложеноста, може да доведе и до смрт, соопшти Американскиот центар за контрола и превенција на болести. Претставниците на земјите членки на Комитетот за растенија, животни, храна и сточна храна гласаа за забрана на хлорпирифос и хлорпирифос-метил на пазарот на ЕУ. Имено, врз основа на заклучоците на Европската агенција за безбедност на храната (ЕФСА), според кои активните супстанции може да се поврзани со генетско и неврооштетување кај неродените деца и не ги исполнуваат безбедносните критериуми за здравјето на луѓето, Европската комисија презентираше нацрт регулатива со која се предлага забрана за контроверзните хлорпирифос и хлорпирифос-метил. Тоа се два инсектициди кои спаѓаат во категоријата пестициди познати како органофосфати, а чија примена е широко распространета во земјите членки на ЕУ. (МИА)

ОСВЕЖИТЕЛНА ТОРТА СО ПРАСКИ Летен десерт на кој никој не може да му одолее (РЕЦЕПТ)

Ристе Здравков — Mon, 22 Aug 2022 14:11:38 +0000

Направете ледени коцки со праски и ќе имате вистински летен десерт. Состојки: 200 гр пишкоти 200 мл млеко За фил: 500 мл слатка павлака 100 гр шеќер во прав 200 гр праски За декорација: 300 гр праски 250 мл ладна вода 15 гр желатин Подготовка: Потопете ги бисквитите во млекото и наредете ги во огноотпорен сад. Изматете ја слатката павлака со шеќерот во прав, па додајте ги ситно сечканите праски кои претходно сте ги излупиле од кората. Со филот прелијте ги бисквитите. Наредете ги праските кои веќе сте ги исечкале. Желатинот измешајте го со вода и почекајте да набабри, а потоа растворете го и посипете го врз овошјето. Ставете го десертот да се излади во фрижидер 3 часа.

Праските ви се расипуваат брзо? Еве како правилно да ги чувате за да траат што подолго

Ристе Здравков — Thu, 30 Jun 2022 05:19:40 +0000

За многумина сочните праски се едно од омилените летни овошја, а освен свежи, може да се најдат и во десерти, но и во солени јадења, салати или дури и пици. За жал, како и повеќето овошја, и тие имаат краток рок на траење, а поради нежната кожа лесно добиваат „модрици“. Затоа „Real Simple“ открива неколку совети кои ќе им го продолжат животниот век на праските и вистинското време за нивна конзумација. Првиот чекор е да се утврди дали праските се зрели или не. Ако се тврди и не се особено миризливи, тие сеуште не се зрели. Во тој случај, чувајте ги на собна температура неколку дена или додека не бидат фини и зрели. Знаци на зрела праска се мирис и мекост под лесен притисок. Зрелите праски најдобро е да ги јадете веднаш, но можете да ги чувате во фрижидер што ќе го забави процесот на зреење и ќе ви купи малку време. Во секој случај, почекајте да ги измиете пред да почнете да ги јадете бидејќи кожата на праската има природен конзерванс кој помага да се заштити плодот. Како да се чувате сечкани праски? Ако е можно, чувајте ги праските цели, бидејќи изложувањето на плодот ќе го забрза процесот на зреење. Дополнително, ако правилно ги чувате исечените праски, тие можат да траат и до четири дена во фрижидер. Прво посипете ги со сок од лимон или лимета за да не ја променат бојата, а потоа ставете ги во покриен сад и ставете ги во фрижидер.

Наједноставен рецепт за сладолед од праски

Магдалена Андонова — Fri, 24 Jun 2022 20:17:09 +0000

Сте слушнале ли за наједноставниот рецепт за сладолед? Потребни ви се само три состојки за одличен вкус. Искористете ги праските додека ги има оваа сезона. Потребни состојки: 3 банани 3 праски Пола шолја млеко (обично, кокосово, бадемово) Бананите и праските исечете ги на парчиња и ставете ги да стојат во замрзнувач 30 мин – 3 часа (зависно од тоа колку време имате). Потоа сите состојки ставете ги во блендер и убаво миксирајте додека не добиете кремаста текстура. Ставете во фрижидер, а потоа можете да пробате по неколку часа.

КОЛАЧ СО ПРАСКИ! Уживање што се топи во устата!

Ристе Здравков — Sun, 10 Oct 2021 15:22:05 +0000

Оваа торта е идеална за сите прослави. Одлично е што не се пече, туку состојките се мешаат и се ставаат во фрижидер Состојки: 30 гр желатин 150 мл млеко 600 гр сирење 300 гр јогурт 150 гр шеќер 10 гр ванилин шеќер 3-4 праски од компот или конзерва Подготовка: Измешајте ги млекото и желатинот и оставете да отстои 10 минути. Потоа се топи, но внимавајте да не зоврие. Штом ќе почне да се топи, промешајте и тргнете од шпоретот. Измешајте ги сирењето, јогуртот, шеќерот, ванилиниот шеќер и добро соединете. Можете исто така да користите и миксер. Потоа додадете желатин и промешајте. Исечете ги праските и истурете ги во смесата со сирењето. Истурете во калап, подобро ако е гумен и има некаква форма, полесно ќе се извади. Ставете во фрижидер и оставете да отстои 4 часа. Кога колачот ќе се стегне, можете да го сервирате.

Брз ролат со праски: Лесен за правење, вкусен за јадење

Ивана Ефремовски — Fri, 30 Jul 2021 13:01:52 +0000

Брзо се прави, а е со неверојатен вкус. Еве како да си направите брз ролат со праски:

Потребно е: 5 поголеми јајца 100 гр шеќер 2 кесички бурбон ванилин шеќер изрендана кора од 1 лимон 130 гр брашно 1 кесичка прашок за пециво 30 мл масло 1 кг праски 1-2 лажици растопен путер Подготовка: Одвојте ги белките од жолчките и оставете ги да стојат на собна температура. Изматете ги белките во цврст шлаг со постепено додавање на шеќерот. Додадете ги жолчките една по една. После секоја жолчка изматете и потоа додадете ја другата жолчка. После жолчките додадете го маслото, изренданата кора од лимон и убаво изматете. На крај додадете го брашното во кое сте го ставиле прашокот за пециво и изматете со жица за матење. Ќе добиете малку погуста смеса. Тавата со големина 42х30 см, покријте ја со хартија за готвење и хартијата премачкајте ја со путер. Зрелите праски измијте ги убаво и исечете ги на листови до 1 см дебелина. Наредете ги исечените праски на подмачканата хартија за печење. Измешајте го шеќерот со двете кесички бурбон ванила. Посипете ги праските со 1-2 лажици од горната мешавина. Сипете ја изматената смеса над праските, израмнете и ставете да се пече во загреана рерна на 180 целзиусови степени околу 30 минути. Испечената кора превртете ја на друга хартија за печење, малку поголема од тавата. Внимателно тргнете ја хартијата на која се печеше кората. Сега праските се свртени нагоре. Со помош на долната хартија завиткајте ја кората како ролат. Ролатот оставете го да се излади и исечете го парчиња. Пред служење посипете го со шеќер во прав.

Десерт што нема да ви одземе многу време, а целото семејство ќе ужива во него: Пригответе брз колач со праски!

Магдалена Андонова — Tue, 22 Dec 2020 14:22:52 +0000

За приготвување на колачот наместо праски, можете да користите друг вид меко овошје Состојки: За кората: 250 г парчиња кекс 100 мл млеко За филот: 300 г шлаг-крем 400 мл млеко 400 г кисела павлака 150 г мелен кекс 500 г праски За посипување: 50 г мелен кекс Приготвување: Се зема подлабок плех, од 32 х 20 см. Парчињата кекс се макаат во млекото и со нив се прекрива дното на плехот, да се обликува кора. Посебно се приготвува филот. Се мати шлаг-кремот со млекото, па се додава киселата павлака и се миксира. Добиениот фил се дели на два дела, па во едниот дел се додава мелениот кекс и полека се меша со маталка, да се добие воедначена смеса. Во другиот дел не се додава ништо. Преку подлогата од кекс се премачкува филот со мелениот кекс и се рамни со шпатула. Праските се лупат и се чистат од коските, па се сечкаат на помали парчиња. Рамномерно се распоредуваат преку филот и нежно се втиснуваат. Преку праските се нанесува белиот дел од филот и се рамни. Одозгора се посипува со мелен кекс. Се остава во фрижидер да се зацврсти, а потоа колачот се сечка на коцки во големина по желба. Извор: Добра храна

Земјоделците порачаа: Нема веќе праски за 5 денари (ФОТО)

Ивона Петрова — Fri, 18 Oct 2019 07:43:14 +0000

Револтирани од лошите услови земјоделците гневни порачаа дека повеќе нема да има праски за пет денари. На Фејсбук страната Земјоделие.мк се појавија фотографии на кои се гледаат земјоделците како ги сечат дрвата, разочарани од понижувачка состојба сметаат дека ова е последно решение. Летово, земјоделците од Росоман, Неготино и нивната околина истурија илјадници килограми праски во знак на револт кон власта и Министерството за земјоделство кое заборави да ги исполни дадените ветувања.