Пратеничка група на ВМРО-ДПМНЕ – Kurir.mk

„Пратеничката група на ВМРО-ДПМНЕ е јасна со континуиран став, уставни измени под овие услови и бугарски диктат нема да има“

Дарко Андоновски — Thu, 17 Aug 2023 07:23:21 +0000

Пратеничката група на ВМРО-ДПМНЕ е јасна со континуиран став, уставни измени под овие услови и бугарски диктат нема да има. Пратеничката група на ВМРО-ДПМНЕ и коалицијата тоа го кажа и на Комисијата за уставни измени, ќе го повтори и на пленарната седница. СДС и ДУИ не можат уште долго да манипулираат со јавноста, нивните лаги ќе се распрснат како меур од сапуница уште оваа недела, кога народот ќе може да види дека власта нема пратеници за уставни измени. СДС и ДУИ се свесни дека тонат, и дека нема излез за нив, но за ден повеќе власт продолжуваат да лажат и манипулираат со јавноста, и додека тие тоа го прават фирми блиски до нив книжат милиони.

Стојаноска: СДСМ и понатаму ги одбива предлозите на ВМРО – ДПМНЕ на расправата по амандманите на Комисијата за финансирање и буџет

Дарко Андоновски — Tue, 06 Dec 2022 12:33:58 +0000

Продложува расправата по амандманите на Комисијата за финансирање и буџет, а СДСМ и понатаму ги одбива предлозите на ВМРО - ДПМНЕ и коалицијата кои се на барање на граѓаните, ова денеска преку изјава за медиумите го истакна Дафина Стојаноска од ВМРО-ДПМНЕ. -Во текот на изминатите денови се закануваат дека ќе го поништат изгласаниот амандман со кој на вработените во јавната администрација е предвидено да им се зголемат платите за 15%. Амандманот поднесен на барање на Сојузот на синдикатите на Македонија треба да се потврди и од Законодавно правната комисија. Се надеваме дека ќе преовлада разумот кај колегите и ќе сфатат дека покачувањето на плата во услови кога инфлацијата кај храната е 30% е неопходност, а не расипништво. Денес пратениците ќе го разгледуваат амандманот кој се однесува на Викенди без ДДВ. Ова е еден од 10-те предлози кои ги усвои Централниот комитет на ВМРО - ДПМНЕ и кои е неопходно да бидат вклучени во Буџетот за 2023-та година. Со предлогот на ВМРО - ДПМНЕ и коалицијата се предвидува секој викенд додека во Македонија има прогласено кризна состојба во енергетскиот сектор, а тоа е до 30-ти април 2023-та година, да има викенд без ДДВ за прехранбени производи. На овој начин граѓаните ќе можат да купуваат основни прехранбени производи, а потоа парите за платениот ДДВ да ги добијат назад на своите трансакциски сметки. Огромни се даночните приходи на државата поради инфлацијата, храната е во просек поскапена за 30%, а кај некои производи поскапувањето надминува дури и 100%. Како пратеници најмалку што можеме да сториме е да ја воведеме оваа времена мерка додека не се нормализираат цените на прехранбените производи. Граѓаните најчесто купуваат леб, зејтин, шеќер, сувомеснати и млечни производи, а не китови, ајкули и делфини како што мислат во Влада, вели Стојаноска. Таа додава дека за крај, апелираме колегите од мнозинството сериозно да размислат за предложениот амандман за којшто ќе расправаме денес. За државниот буџет овие средства се незначителни, а за граѓаните и тоа како битни. Нека намалат владините функционери со испумпување на државните пари кон свои трансакциски сметки и ќе има пари за граѓаните.

Пратеничката група на ВМРО-ДПМНЕ и Коалицијата „Обнова за Македонија“ ќе поднесат предлог закон за викенди без ДДВ до Собранието

Дарко Андоновски — Tue, 01 Nov 2022 10:30:04 +0000

Пратеничката група на ВМРО-ДПМНЕ и Коалицијата „Обнова за Македонија“ во текот на денешниот ден ќе поднесе предлог закон за викенди без ДДВ до Собранието на Република Македонија, ова денеска преку изјава за медиумите го истакна пратеничката Дафина Стојаноска од ВМРО-ДПМНЕ. -Цените на прехранбените производи се зголемени за близу 30% заклучно со септември, а кај поедини производи зголемувањето надминува и 50%. Власта поради високите цени прибира огромни средства од ДДВ и истите ги троши за купување октоподи, бифтеци и златен прибор. Со предлог законот на ВМРО ДПМНЕ секој викенд додека трае прогласената кризна состојба, односно до 30 април, бараме да биде викенд без ДДВ за прехранбени производи. Владата може и мора да се откаже од неколку милиони евра кои значително ќе им помогнат на граѓаните да се прехранат, вели Стојаноска. Таа додава дека во текот на вчерашниот ден слушнавме дека мерките што ги најавија за време на викендот, својот ефект ќе го достигнеле во јануари идната година. Предолго е, нема време за чекање, мора да се делува сега и веднаш. Со нашиот предлог закон намалувањето на прехранбените производи ќе биде за 5% уште од овој викенд. „Кога сме на тема ДДВ сакам да информирам дека ќе побараме дополнување и во законот за ДДВ со кое ќе ги ослободиме од данок дрвата за огрев и пелетите. Над 300 илјади домаќинства се греат на овој начин, а цените пораснаа речиси двојно. Останува прашањето зошто државното јавно претпријатие Македонски шуми дозволи вакво поскапување? Според предкризни податоци, над 20% е стапката на сиромаштија во Македонија. Со овие стапки на инфлација, кои е прашање кога ќе се намалат, овој процент драстично расте. Се намалува животниот стандард, граѓаните ги рационализираат своите трошења, а Димитар Ковачевски прави стенд ап низ Македонија“, потенцира пратеничката.

Силјановска Давкова: Пратеничката група на ВМРО-ДПМНЕ нема да гласа за уставните измени

Дарко Андоновски — Thu, 20 Oct 2022 18:08:26 +0000

Во вечерашното гостување во емисијата „Само интервју“ на Канал 5 Телевизија гостуваше пратеничката од редовите на ВМРО-ДМНЕ, Гордана Силјановска Давкова, таа посочи дека пратеничката група на ВМРО-ДПМНЕ нема да гласа за Уставните измени. „Пратеничката група на ВМРО-ДПМНЕ нема да гласа за уставните измени, бидејќи и сега бугарското малцинство е заштитено. Во преамбулата убаво си пишува и други народи. Ако вие сите ги внесувате во Уставот, тогаш апсолутно преамбулата ќе се сведе само на набројување“, рече Силјановска Давкова. Таа би разбрала промена на Уставот доколку малцинството бугарско е дискриминирано. „Јас би разбрала промена на Уставот, кога бугарското малцинство би било дискриминирано, но македонскиот Устав е еден од ретките Устави за разлика од Бугарскиот каде има цел еден дел кај слободите и правата што се однесува на правата на малцинствата. Таму не пишува дека тоа се однесува само на оние што се набројани во преамбулата, туку на сите малцинства вклучувајќи го и бугарското.“, кажа Силјановска Давкова. Силјановска Давкова потенцираше дека во Договорот за пријателство и добрососедство од 2017-та година нема ниту еден збор и барање за внесување на Бугарите во Уставот.

Пратеничката група на ВМРО-ДПМНЕ во собранието ја достави Иницијативата за собирање потписи за почеток на Референдумот

Дарко Андоновски — Fri, 09 Sep 2022 09:59:10 +0000

Денес и официјално ја поднесуваме Иницијативата до Собранието, онака како што е процедурата, за започнување на процедура за утврдување на уредноста на Иницијативата за собирање на граѓански потписии за почеток на Референдумот кој што ВМРО-ДПМНЕ го најави, ова преку изјава за медиумите го истакна координаторот на пратеничката група на ВМРО-ДПМНЕ, Никола Мицевски. -Можам да информирам дека се собрани некаде околу повеќе од 650 потписи за не повеќе од половина час и како што најавивме денеска ќе ја доставиме Иницијативата до Собранието. Се надевам дека Претседателот на Собранието нема да користи некои негови познати методи и дека уредноста на Иницијативата ќе биде утврдена и истата ќе си почне со процедура во Собрание онака како што налага и Деловникот за работа но како што налага и Законот за референдум и други видови на граѓанско изјаснување, вели Мицевски.

Пратеничка група на ВМРО-ДПМНЕ: Како резултат на притисокот, собранието го повлече предлогот за именување на член на Регулаторната комисија за енергетика

Дарко Андоновски — Thu, 24 Mar 2022 14:05:38 +0000

Како резултат на притисокот од стана на Пратеничката група на ВМРО-ДПМНЕ и на македонската јавност денес на 61-та седница на Собранието на Република Македонија беше повлечен предлогот за именување на член на Регулаторната комисија за енергетика и водни услуги на Република Македонија. Станува збор за скандалозниот избор на кадар од редовите на ДУИ кој што иако не ги исполнуваше условите беше предлог за член на Регулаторната комисија за енергетика, ова денеска преку соопштение до јавноста го истакнаа од Пратеничката група на ВМРО-ДПМНЕ. -Предложенената, Мерита Дема не го исполуваше условот пропишан со Законот за енергетика кој вели дека за член на РКЕ се избира државјанин на Република Македонија кој во последните 15 години пред именувањето има најмалку 10 години работно искуство во енергетиката односно во обезбедувањето на водни услуги. Време е Власта предводена од СДСМ и ДУИ да престане да предложува партиски кадри кои што ниту исполнуваат законски услови, ниту се стручни во областите во кои се предложени. На Република Македонија и нејзините институции им требаат непартиски луѓе, експерти во своите области кои што ќе работат за интересите на граѓаните и државата, а не за партиските штабови на партиите од власта. Како пратеници, во иднина ќе продолжиме да се бориме и спротиставуваме на секој можен начин да запре оваа партизација што ја врши власта и конечно стручни и порфесионални кадри да бидат избрани на позиции на кои што ќе работат стручно, одговорно и посветено, велат од партијата.

Пратеничката група нa ВМРО-ДПМНЕ оствари средба со Прогреснивниот синдикат за образование

Магдалена Андонова — Tue, 01 Mar 2022 15:49:08 +0000

Денес во Собранието пратениците на ВМРО ДПМНЕ, членови на Собраниската Комисија за Образование, остварија средба со Прогресивниот синдикат за образование при ССМ во врска со Предлог-законот за наставници и стручни соработници и потребата од негово донесување. - Како пратеници истакнавме дека се согласуваме со потребата за донесување на Закон за наставници и стручни соработници и се согласивме дека е потребно зголемување на платите во образованието согласно растот на минималната плата. Но, истовремено истакнавме загриженост за делови од Предлог-законот со кој се предвидува дискриминација на сите наставници споредбено со оние кои држат часови според новата концепција во основно образование. Исто така, делот во кој се предвидува трансформација од определено на неопределено време е без соодветна анализа по училишта, паралелки и број на ученици и не го предвидува ризикот од појава на технолошки вишок кај одредени наставници и по одредени наставни предмети, стои во соопштението на Пратеничка група на ВМРО-ДПМНЕ. Од страна на Прогресивниот синдикат беше предложено за сите спорни членови во законот да се реагира амандмански. Ставот на ВМРО-ДПМНЕ останува дека ова законско решение не е добро и дека не може да биде корегирано со амандмани. - Потребно е министерот да го повлече предложеното законско решение, да го ревидира со учество на сите чинители, со учество на синдикатот и опозицијата и истото да биде предложено како заедничко ново законско решение кое ќе биде донесено во најкраток можен рок без да се користи како инструмент за политичка пресметка, туку да биде здраво системско решение за квалитетно образование, се додава во соопштението.

Пратеничката група на ВМРО-ДПМНЕ поднесе Предлог закон за дополнување на Законот за пензинско и инвалидско осигурување

Магдалена Андонова — Fri, 11 Feb 2022 10:44:03 +0000

Денес Пратеничката група на ВМРО-ДПМНЕ до Собранието на Република Македонија поднесе Предлог закон за дополнување на Законот за пензиското и инвалидското осигурување, по скратена постапка. Овој предлог закон предвидува зголемување на пензиите за 20%, од месец април 2022 година, изјави денеска за медиумите Никола Мицевски, координатор на Пратеничка група на ВМРО-ДПМНЕ. Тој посочи дека имајќи ја во предвид појавата на пораст на цените на одделни производи и електричната енергија кои се од витално значење за пензионерите како потребата од подобрување на животниот стандарт, сметаат дека треба да се обезбеди зголемување на старосната пензија, но и на сите останати видови пензии. - Секој пензионер има право да живее пристојно, со доволно средства да ги подмири основните трошоци за храна, греење, лекови и т.н. Со растот на минималната плата, соодветно е да растат и пензиите, со цел обезбедување на рамноправност и еднаквост на пензионерите со останатите граѓани. Имаме генерациска должност да се грижиме и да ги почитуваме повозрасните граѓани кои во еден период допринесувале за државата со својот труд, за што треба да им бидеме благодарни. Доколку не постои зголемување на пензиите, пензионерите ќе бидат доведени до раб на сиромаштија поради неможност да ги подмират основните животни трошоци. Цениме дека со предложеното законско решение ќе се подобри социјалната положба на корисниците на пензија во 2022 година со порастот на сите видови на пензија за 20%. Преку ова форма на усогласување ќе се зачува реалната вредност на пензиите и се заштитува стандардот на пензионерите, појасни Мицевски. Апелира до парламентарното мнозинство да го поддржи овој предлог закон и заедно како што се обединија околу зголемување на минималната плата, да и помогнат и на оваа категорија на граѓани на кои оваа помош им е неопходна за еден нормален живот.

Пратеничката група на ВМРО-ДПМНЕ ќе поднесе амандман на законот за минимална плата каде што ќе се овозможи зголемување на платите во јавниот сектор

Магдалена Андонова — Thu, 10 Feb 2022 13:33:51 +0000

Претседателот на ВМРО-ДПМНЕ проф. д-р Христијан Мицкоски на денешната прес конференција вели дека пратеничката група на ВМРО-ДПМНЕ ќе поднеси амандман на законот за минимална плата каде што ќе се овозможи зголемување на платите во јавниот сектор. Мицкоски нагласи дека ВМРО-ДПМНЕ бара износот на коефициентите и вредноста на бодовите на Колективните договори на сите нивоа и во сите области во јавниот сектор да биде усогласи со порастот на минималната плата. Во презентација објаснувајќи што ќе содржи амандманот кој денеска го предложи ВМРО-ДПМНЕ во собранието за пораст на платите во градинките, основното и средно образование, претседателот Мицкоски изјави дека на работно место перачка – пегларка, садомијач – сервирка, помошник во кујна има 269 бодови, а во моментот има минимална плата нешто повеќе од 15.000 денари, со нивелирање на коефициентот и според колективниот договор истата ќе изнесува повеќе од 18.600 денари. - А каква е сега состојбата и што предлагаме можете да видите на слајдот кој што е прикажан овдека. Дадена е симулација како е во градинките, во основните и средните училишта. Ова се бодовите во градинките, тука се и коефициентите на сложеност на работното место во основните училишта и нешто слично е и во средните училишта. Во моментот перачка – пегларка да речеме, садомијач – сервирка, помошник во кујна има 269 бодови, и има минимална плата од нешто повеќе од 15.000 денари и сега таа според колективниот договор би требало да изнесува нешто повеќе од 18.600 денари. Сите останати плати кои што предлагаме со закон да се нивелираат согласно колективниот договор ни се прикажани во продолжение односно во третата десна колона. А, овде е покачувањето и усогласени се според бодовите кои што ги има секое работно место во градинките, кажа Мицкокси. Во однос на платата на наставниците во основното образование Мицкоски нагласи дека со почитување и усогласување на Колективниот договор и со амандманот на ВМРО-ДПМНЕ, истата од 22.764 денари ќе порасне на 41.256 денари за наставник приправник, или од 24.782 денари нето платата ќе изнесува 45.054 денари за наставник. - Истото тоа го имаме и во основните училишта, ако започнеме со општ работник кој што има коефициент еден и досега имал минимална плата 15.200 денари сега ќе има 18.000 денари. Тогаш соодветно надоле и хигиеничар, и перачка, сервирка, садомијач, ложач , ракувач на парни котли, возач и така натаму, па се до наставник приправник и наставник платите ќе бидат зголемени односно наставник приправник наместо досегашните 22.764 денари според амандманот кој го предлагаме, а согласно колективниот договор кој што го имаат потпишано со синдикатот и коефициентот на сложеност на тоа работно место треба да изнесува 41.256 денари нето, додаде тој. Исто така и за наставник кој што има коефициент 2.503, кој што досега има нето плата од 24.782 денари и согласно амандманот што ние го предлагаме да се усогласи со колективниот договор би требало да има нето плата од 45.054 денари. Во средните училишта Мицкоски рече дека од сегашните 25.838 денари, платата со усогласување на Колективниот договор ќе изнесува 45.594 денари. - Истото тоа го предлагаме и за средните училишта односно професорите наместо сегашните 25.838 денари нето плата би требало да земаат според предлогот кој што ние го даваме 45.594 денари, вели Мицкоски.

Пратениците на ВМРО-ДПМНЕ јавно го објавија начинот на кој СДСМ го кршат деловникот за расправата на Академијата за судии и јавни обвинители

Дарко Андоновски — Wed, 09 Feb 2022 18:30:47 +0000

Без никакво гласање, со груба повреда на деловникот, денеска на КПС, Мираковска констатира дека завршил прв ден од расправа за Закон за Академија за Судии и Обвинители! Како завршува нешто што не е започнато, вели пратеникот од ВМРО-ДПМНЕ, Миле Лефков. -Денеска на Комисија за политички систем и односи меѓу заедниците се расправаше предлог законот за академијата за судии и јавни обвинители. Се случи нешто грозоморно и недозволиво за европската дипломатија, претседателката на комисијата Соња Мираковска на најрежимски начин се обиде да протне дека е прв ден од почеток на расправата, ова е надвор од процедура и кривично дело, изјави пратеничката на ВМРО-ДПМНЕ, Иванка Василевска. Таа додаде дека се работи за предлог закон со европско знаменце и кој е надвор од процедурите на она што е потреба за усогласување со европската регулатива и дека ова е закон кој има за цел да ја онеспособи опозицијата и слободоумните граѓани. - Овде се врши непотизам и селекција, но и од страна на Мираковска е извршено кривично дело според КЗ член 353 кое што укажува на злоупотреба на службена должност и овластување. ВМРО-ДПМНЕ нема да дозволи вакво злосторничко здружување во македонското општество и најмалку ќе дозволи македонското Собрание да стане арена за проток на сите нивни режимски , хибридни идеи кои имаат за цел сместување на послушници, приврзани и своите во судските и обвинителски функции, рече Василевска. Пратеничката Гордана Сиљановска Давкова потенцираше дека ниту почна, ниту може да заврши нешто што не почнало. - Денешниот ден беше ден во кој што зборувавме за процедурата. Имено, укажавме дека овој закон многу важен за академијата за судии и јавни обвинители, не смее да биде донесен во скратена постапка на ексклузивен начин, туку напротив, инклузивно да се вклучат сите засегнати и оние од експертската јавност и оние од невладиниот сектор за да дојдеме до подобри решенија оти ние само ги менуваме законите вклучувајќи го и овој, досега три закони имало и тоа не се менува туку се носи нов закон и повторно се соочуваме со истите проблеми, затоа мислевме дека низ дебата ќе дојдеме до подобри решенија ама некој бега од дебата. Ние само сакавме да кажеме дека ниту еден услов од деловникот за европско знаме и за скратена постапка не е исполнет. Како може тогаш некој да смета дека без гласање, еве јас сум живо заинтересирана со колку гласа За беше усвоен дневниот ред а со колку против, рече таа. Таа потенцираше дека ВМРО-ДПМНЕ има подобри алтернативни кои ќе значат гаранција за подобра Академија за судии и јавни обвинители но очигледно е дека некому не му е до квалитетот на законот туку само му е да се донесе. Пратеничката Дафина Стојаноска истакна дека власта постапува шверцерски и дека власта покажува сила и моќ. - На кукавички начин ја завршува седницата и буквално бега и не остава простор. Тоа се нејзините можности како претседателка, а сето останато ние овде ги имаме истите права. Ако тоа не ни го овозможат, вака со прекината седница и она што може јавноста да го види на собранискиот канал, барем да ги искористиме овие алатки, доколку е сеуште актуелен нивниот предлог за граѓанска одговорност, доколку и за тоа не бидеме обвинети, по нивна перцепција и нивното толкување на сите закони, рече таа. Стојаноска дода дека дека не е започната материјална расправа, а самиот претставник делегиран од предлагачот не доби можност да каже за каков закон станува збор.