пратеничка група – Kurir.mk

Мицкоски на средба со ПГ на ВМРО-ДПМНЕ и коалицијата: Надвор од здрав разум е докажани криминалци да се ослободат, законот ќе се блокира, ако стават европско знаменце пратениците ја напуштаат работата на собранието

Ристе Здравков — Mon, 02 Oct 2023 12:43:17 +0000

Претседателот на ВМРО-ДПМНЕ, Христијан Мицкоски денеска оставил средба со пратеничката група во Собранието предводена од ВМРО-ДПМНЕ и коалицијата. На средбата се разговарало за актуелната политичка состојба, со посебен акцент на Законот за амнестија предложен од владата на СДСМ и ДУИ, соопштија од партијата. Според Мицкоски не прифатливо е докажани криминалци вклучително и оние од случајот Монструм да бидат помилувани или ослободени, додавајќи дека обидите на власта за да ги ослободи докажаните криминалци всушност е надвор од здрав разум. Мицкоски посочил дека со овој закон владата на СДСМ и ДУИ сака да ги ослободи криминалците, бидејќи се надева дека тие ќе им помогнат во криминални сценарија за изборната кампања за парламентарните и претседателските избори. Во однос на начинот на носење на Законот за амнестија, кој е пуштен по скратена постапка Пратеничката група на ВМРО ДПМНЕ и Коалицијата донесе одлука да се блокира законот. Но, доколку биде злоупотребено европското знаменце, пратениците ќе ја напуштат работата на собранието.

Пратеничката група на ВМРО-ДПМНЕ и коалицијата во пресрет на лидерската средба: Нема промена на Уставот под бугарски диктат

Тале Кристо — Mon, 05 Jun 2023 12:30:52 +0000

Пратеничката група на Коалицијата „За обнова на Македонија” предводена од ВМРО-ДПМНЕ во пресрет на одржувањето на лидерската средба го реафирмира ставот за неотварање на Уставот на Македонија, а со цел уставни измени. Уставните измени кои ги прифаќа македонската влада предводена од СДСМ и ДУИ се производ на диктат и под услови кои не се прифатливи за македонските граѓани. Апелираме до Владата и парламентарните групи на власта да престанат со сервилности и погазувањето на државните и национални интереси потсетувајќи дека Собранието во овој состав нема легитимитет за носење на таква одлука против која е огромното мнозинство македонски граѓани. Собранието не треба да се доведе во позиција за исполнување на поединечни бизнис и политички интереси на елити од власта туку да служи на суверенот - граѓаните. Пратеничката група на Коалицијата „За обнова на Македонија” предводена од ВМРО-ДПМНЕ со овој став упатува раководството на партијата, сите политички претставници на Коалицијата „За обнова на Македонија“ и претседателот на партијата проф. д-р Христијан Мицкоски на претстојната лидерска средба да ги реафирмира ставовите за неприфаќање на уставните измени и да се почитуваат интересите на граѓаните. Македонските граѓани отсекогаш силно ја поддржувале и ќе продолжат да ја поддржуваат европската интеграција на државата, но тоа не треба да прерасне во понижувачки процес за прифаќање на диктати туку процес за прифаќање и почитување на вредности. Оттука како пратеничка група на Коалицијата „За обнова на Македонија” предводена од ВМРО-ДПМНЕ бараме во името на огромното мнозинство македонски граѓани фер шанса иста каква што ја имаа останатите народи и држави од Централна и Источна Европа кога пристапуваа кон Европската Унија.

Пратеничката група на ВМРО-ДПМНЕ достави барање до Ковачевски за итно разрешување на Валмир Азири

Ивона Петрова — Tue, 28 Jun 2022 11:29:24 +0000

Пратеничката група на ВМРО-ДПМНЕ и Коалицијата денес дојде до Влада со барање за остра и брза реакција и итно започнување и разрешување на државниот секретар во Министерството за култура, Валмир Азири. -За потсетување, можам да Ви кажам дека пратениците како директни претставници и застапници на граѓаните во законодавниот дом ја бираат Владата, а токму Владата ги назначува своите владини функционери. Имено, овој владин функционер вчера повикуваше на физичко насилство со нанесување на тешки телесни повреди и ова е кривично дело според членот 394-г од Кривичниот законик, дело со кое што се предвидува казна затвор од една до пет години. Токму поради тоа и поради сериозноста на овој инцидент, а и траорноста на вчерашниот ден за демократијата во Република Македонија, дојдовме и лично го поднесовме барањето за остра реакција од претседателот на Владата, Димитар Ковачевски, од кој што се бара брза реакција бидејќи само на тој начин ќе покаже дека е противник на повиците за физичко насилство врз народните избраници и ќе упати силна порака до сите дека ова повеќе не смее да се повтори, изјави пред Владата координаторот на пратеничката група на ВМРО-ДПМНЕ, Никола Мицевски. Посочи дека во спротивно, доколку одлучи да молчи, само ќе докаже и покаже дека охрабрува и дека одобрува секаков вид на насилство и насилничко однесување. На потег е Владата и на потег е премиерот Димитар Ковачевски.

Пратеничка група на ВМРО-ДПМНЕ: Граѓаните уште еднаш ја препознаа и се уверија во неискреноста и арогантноста на власта

Ивана Ефремовски — Tue, 19 Apr 2022 15:24:22 +0000

Власта не отстапи од намерата и не го слушна гласот на граѓаните и ги протурка штетните и дискриминаторски измени на Законот за административни службеници. За жал, владејачкото мнозинство на СДСМ и ДУИ не сакаа еднакво и правично законско решение со кое ќе беа опфатени сите вработени во јавниот сектор, истакнуваат од пратеничката група на ВМРО-ДПМНЕ. Нивното соопштение го пренесуваме во продолжение: Токму затоа, сакаме да ја информираме јавноста дека пратениците од пратеничката група на ВМРО-ДПМНЕ и Коалицијата на денешната 68-ма пленарна седница го поддржа овој Закон, но потенцираме дека остануваме на ставот дека ова законско решение е штетно и не ги застапува интересите на сите вработени во јавниот сектор. Го поддржавме овој Закон само поради тоа што нашата цел е да излеземе во пресрет на барањата на синдикатите и вработените во јавниот сектор. Но, нашите заложби се’уште остануваат и ќе бидат насочени кон подобро законско решение од ова кое власта го туркаше изминатиов период во законодавниот дом. Имено, пратеничката група на ВМРО-ДПМНЕ и Коалицијата постојано укажуваше на фалинките и недостатоците на Предлог измените на Законот и во текот на постапката, по барање на сите репрезентативни синдикати, поднесе амандман со кој што се предвидуваше линеарно зголемување на платите за сите вработени во јавниот сектор за 2.800 денари. Сепак за власта, од неразбирливи причини, нашиот амандман не беше прифатлив и беше едногласно одбиен. Власта покажа дека нема слух за нашиот предлог и упорно ги туркаше измените на овој Закон со кој што сега ќе има покачување на платите само на службениците со ниво „Г“ на сложеност на работа, а за сите останати покачување ќе нема. Како пратеници од ВМРО-ДПМНЕ и Коалицијата, апелиравме дека ова е штетно законско решение кое поттикнува класична дискриминација, потценување и омаловажување на вработените во јавниот сектор. Дополнително, апелиравме и дека ова законско решение поттикнува и негативни ефекти кои ќе направат дисбаланс на платите во сооднос со сложеноста на работните места, со што уште повеќе негативно ќе влијае на мотивот за работа на вработените во јавниот сектор. На крајот, сакаме да им порачаме на власта и владејачкото мнозинство дека граѓаните уште еднаш ја препознаа и се уверија во неискреноста и арогантноста на власта која наместо да носи решенија за подобро утре и подобар стандард на сите граѓани, таа уште повеќе создава дополнителни проблеми и ја зголемува и онака веќе огромната бројка на граѓани приматели на минимална плата. Токму затоа, се ближи денот кога граѓаните ќе и го испорачаат одговорот на оваа ненародна власт предводена од двоецот СДСМ/ДУИ.

Стојаноски: Пратеничката група на ВМРО-ДПМНЕ ќе побара јавна дебата во врска со законот за државјанство, за да се решат спорни амандмани

Тале Кристо — Wed, 02 Jun 2021 09:55:11 +0000

На онаа заедничка прес конференција која што ја држеше Зоран Заев заедно со претставниците на овие две партии укажа дека и ние како ВМРО-ДПМНЕ, како најголема пратеничка група во Собранието со 44 пратеници ќе бидеме консултирани за овие предлог амандмани. Морам да кажам дека до заклучно со овој момент ние не сме консултирани за тие амандмани. И сега ние треба да расправаме за нешто за кое што и Владата даде негативно мислење и изричито му препорача на Собранието во ваква форма да не го носи законот. Ние треба да разговараме за нешто за кое што претседателот на Комисијата за одбрана рече дека овој закон е толку лош и дека не може да се интервенира амандмански туку треба да се поднесе ново предлог законско решение. Ние имаме свои амандмани, ние имаме амандмани кои што треба да го подобрат ова законско решение, а вака предложените амандмани сметам дека треба да бидат ставени во една јавна опсервација, за да се организира една јавна расправа каде што заедно со институциите и експертите од оваа област ќе можеме да извлечеме заклучоци кои што потоа заеднички ќе ги преточиме во амандмани и консензуално ќе ги донесеме, истакна Бојан Стојаноски, пратеник од редовите на пратеничката група на ВМРО-ДПМНЕ и Коалицијата „За обнова на Македонија“ во „Утрински Брифинг“ говорејќи за законот за државјанство. Стојаноски додаде дека пратеничката група на ВМРО-ДПМНЕ побара јавна расправа по членот 145 од Деловникот за работа на Собранието, но парламентарното мнозинство укажа на некој начин дека не може да се организира јавна расправа. -Но, сепак ние дадовме и нов предлог, членот 122 став 2 од Деловникот за работа на Собранието на Република Македонија укажува дека може да се повикаат гости односно официјални лица од институции, министерства, невладини организации, па еве ние денеска повторно ќе го побараме тоа за да дојдат овие луѓе, конкретно министерот за внатрешни работи и министерот за правда и да ни објаснат за неколку спорни амандмани, нагласи Стојаноски. Стојаноски посочи дека согласно членот 7 ставовите 5 и 8 се бришат, кои што укажуваат на тоа за да некој добие македонско државјанство едноставно со овие предлог амандмани ќе се анулира можноста тоа лице да биде безбедносно подобно кое што е спротивно на членот 28 од Уставот и членовите 11 и 12 каде што гарантираат дека секој граѓанин на Република Македонија има право на одбрана и на физички интегритет. -Се брише и можноста да секој оној кој што ќе треба да добие македонско државјанство треба да полага заклетва. Понатаму се додава и една можност во старото законско решение односно актуелново укажува дека секој оној кој што сака да добие македонско државјанство треба да го познава македонскиот јазик до степен да може лесно да се снајде во околината, но овој пат се додава македонскиот јазик и другите службени јазици на територијата на Република Македонија, рече Стојаноски.

Сите пратеници на ВМРО-ДПМНЕ му дадоа поддршка на Мицкоски: Со заедничко дејствување да ја поразиме актуелната власт

Ивона Петрова — Fri, 12 Feb 2021 10:03:26 +0000

Пратеничката група на ВМРО-ДПМНЕ преку соопштениет истакна дека му дава полна поддршка на раководтсвото на партијата и на претседателот Христијан Мицкоски. Пратениците на ВМРО-ДПМНЕ, како избрани претставници на граѓаните во Законодавниот дом, како примарна цел ја имаме работата во интерес на народот за подобра економија, подобро здравство, поголема правна сигурност, преку разобличување на актуелната власт која ја претвори државата во хибриден режим, со највисока корупција во Европа. Во овој контекст, пратениците ја даваат својата безрезервна поддршка на раководството на ВМРО-ДПМНЕ и Претседателот на партијата, за да со заедничко и координирано дејствување успееме што поскоро да ја поразиме актуелната власт, која што не е дел од решението, туку е дел од проблемот на македонските граѓани, особено во делот на економијата, здравството и образованието, се вели во соопштението на пратеничката група. Тие упатуваат препорака до матичната партија ВМРО-ДПМНЕ, во однос на интегритетот на партијата како политички субјект, целосно да се почитуваат одредбите од Статутот и безусловно се залагаме да се почитуваат надлежностите на Централниот Комитет, Извршниот Комитет, Конгресот и другите партиски органи, без да се дозволи нивна злоупотреба од страна на било кои поединци или групи.

Сајкоски: Ги поднесовме потписите од Иницијативата за поништување на Законот за попис

Ивона Петрова — Mon, 08 Feb 2021 11:29:56 +0000

До Претседателот на Собранието денеска ги доставивме потписите и записниците од Иницијативата за донесување на закон за поништување на законот за попис, изјави пратеникот од ВМРО-ДПМНЕ Ѓорѓија Сајкоски. Тој посочи дека како партија во повеќе наврати укажувале дека имаме лош закон, штетен закон, што нема да ја прикаже реалната состојба на жители во Македонија. -Затоа, и преку Собранието поднесовме четириесетина суштински амандмани со кои што требаше да се подобри текстот на законот. За жал, беа сите амандмани одбиени. Исто така укажавме дека лошо е да имаме врзан потпис затоа што прави сомнеж врз самиот процес. Укажавме дека никаде во светот нема попис на резидентно население, а да се попишуваат и нерезидентите односно граѓаните кои не живеат во Република Македонија. Апелираме и укажуваме до власта, да прекине со постапката за попис бидејќи секаде во Европа и во светот, пописите се одложени за 2022 година. Ја повикуваме власта да се одважи и да го одложи пописот за 2022 година, да направат забелешки во текстот на законот и да го подобри за да може да имаме онаков попис каков што е потребен за развој на државата, бидејќи сегашниот текст на законот за попис нема да донесе ништо што е различно од она што го имаме ние како државјанства во Република Македонија, посочи Сајкоски.

Стојаноски: Градоначалниците на СДСМ се генератори на неплатени обврски, а фирмите со години чекаат исплата

Ивона Петрова — Wed, 27 Jan 2021 11:02:06 +0000

Пратеникот од ВМРО-ДПМНЕ Бојан Стојаноски денеска истакна дека проблемите со финансирањето на локалната самоуправа односно општините е евидентен. Според него тоа е проблем кој се провлекува години наназад, но својата кулминација ја доживува секогаш кога СДСМ е на власт. -Имено, централната власт т.е. Владата заглавени во својата безидејност и неработа во 2018 година префрлија 50 милиони евра на општините кои имаа неплатени долгови. На крајот на трет квартал 2018 година, општините и локалните установи должеле 97 милиони евра. Логично е денес по исплатата на тие средства долгот да се намали, а општините да работат поодговорно. Но градоначалниците на СДСМ се генератори на неплатени обврски, а фирмите со години чекаат исплата. Па така согласно извештајот од Министерството за финансии две години подоцна, односно септември 2020 година општините должат 70 милиони евра. За две години градоначалниците од СДСМ креирале нови обврски кои се неплатени во износ од 23 милиони евра или зголемување од речиси 50%. Сега пред нас имаме група на закони кои наводно треба да го олеснат финансискиот аспект на локалната самоуправа. Велам олеснат, а не решат, затоа што ова се ад хок решенија како и отплатата на 50% од долговите. Имено, владата предлага 4,5% од наплатениот просек на ДДВ од изминатите три години да се префрли на општините во 2021 години, наспроти актуелното решение 4,5% од ДДВ за 2020 година, истакна на денешната прес-конференција тој. Стојаноски посочи дека согласно ваквото решение сите 80 општини и градот Скопје ќе поделат вкупно 36 милиони евра, наместо 34 милиони евра. -Но ниту со овие дополнителни 2 милиони евра нема да се реализираат ветувањата кои ги дадоа градоначалниците на локалните избори. Ветуваа базени во секој град, нови училишта и градинки, нови булевари, асфалтирања на сите улици и патишта, канализација итн. Ништо од ова се нема реализирано, ниту пак има подобрување на општинските услуги, а тоа најдобро го знаат граѓаните. Покрај овој закон, пратениците од мнозинството предлагаат законски измени со кои општините ќе може да ги предимензионираат своите буџети за 50% повеќе отколку во изминатите години. Поради ваквите неразумни предлози градоначалниците се однесуваат како локални шерифи и на грбот на граѓаните прават високи сметки за кафани, си купуваат нови возила, вработуваат партиски послушници, делат тендери на блиски. Ако Заев и СДСМ сакаат да стават крај на локалните шерифи, предлог законот за финансирање на единиците на локална самоуправа поднесен од пратениците од мнозиството веднаш да се повлече.Дополнително загрижувачки е што власта знаејќи ја неспособноста на своите градоначалници им овозможува зголемување на Буџетите на товар на граѓаните. Веќе од 1.1.2022 се најавени покачувања на даноците на имот. Условно речено, наместо општините да работат на подобрување и проширување на опфатот на даночните обврзници во базите, како и подобрување на наплатата на локалните даноци, Власта повторно наоѓа начин како пред-изборно да им овозможи на Градоначалниците со манипулации да ги задолжат општините за непродуктивни трошоци. Со тоа, ќе бидат казнети оние граѓани што плаќаат, а пак оние кои со години избегнуваат да влезат во базата на податоци на општините или пак да им се направи реална проценка на вредноста на имотот нема да имаат никакви обврски, вели Стојаноски.

Петрушевски: Со новиот предлог закон влст сака целосна цензура и контрола на медиумите

Ивона Петрова — Wed, 27 Jan 2021 10:56:40 +0000

Власта предводена од ова парламентарно кревко мнозинство на Зоран Заев, сакаат брутално да ја политизираат и Агенцијата за аудио и аудиовизуелни медиумски услуги, истакна на денешната прес-конференција пратеникот Бране Петрушевски. Тој истакна дека обидите за целосна контрола на оваа власт во секое поле на дејствување го дистигнува врвот. -Имено, со новиот Предлог закон за изменување на законот за ауди и аудиовизуелни медиумски услуги кои ова парламентарно мнозинство сака да го протне во Собранието и тоа по скратена постапка, предвидува целосна контрола на СДСМ и коалцијата на ова тело. Преку овој предлог закон власта сака целосна цензура и контрола на медиумите во Македонија. Ова го нема ниту во најтоталитарните режими во светот. Со измените на овој закон власта сака изборот на членовите на оваа агенција за аудио и аудиовизуелни медиумски услуги, да се избираат со мнозинство на пратеници во Комисијата за избори и именување, како и при гласање на овој предлог за изменување на законот во Собрание. Власта ги изменува досегашните членови од законот каде што се избираа членови на ова тело со двотретинско мнозинство, да се избираат со мнозинство од 61 пратеник во Собранието, нагласува Петрушевски. Пратеникот рече дека за иронијата да биде поголема, дел од пратениците на СДСМ кои беа потписници за предлагачи на претходниот закон со кои се предвидуваше членовите да се избираат со двотретинско мнозиство, се предлагачи и на овие промени. -Пратеници од власта на нивна иницијатива предлагаа пред неколку години изборот на членови да биде со двотретиско мнозинство, за сега истите тие пратеници да се предлагачи на новите измени на овој Закон. Ова е уште еден од многуте докази за лицемерните политики на СДСМ во текот на изминатите години. Омилена дисциплина на оваа власт е контрола и целосна цензура на медиумите. Ова го видовме и пред неколку недели овде во Собранието, како се поделија пари на граѓаните за контрола врз медиуми. Дното оваа власт веќе не го допираа, туку веќе и го пробива. Нема крај на тоталитарниот режим на Зоран Заев и ова мнозинство во Собранието. ВМРО-ДПМНЕ ќе се спротистави на носењето на овие измени во Собранието на Република Македонија кои се целосно недемократски и на штета на медиумската фела, нагласува Петрушевски.

Василевска: Законот за попис е донесен без политички консензус, потребна е статистична, а не политичка операција

Ивона Петрова — Mon, 25 Jan 2021 11:47:07 +0000

Законот за попис во Собранието на Република Македонија беше донесен без потребниот политички консензус и спротивно на сите лажно декларирани заложби од владејачкото мнозинство. Беше истуркан закон кој што пред се остава тежок сомнеж во општеството дека пописот наместо статистичка се планира да се изведе како политичка операција, истакна на денешната прес-конференција пратеничката од ВМРО-ДПМНЕ Иванка Василевска. во продолжение интегрален тест од нејзината изјава И покрај тоа што беше и се уште е јасно укажувано од ВМРО-ДПМНЕ дека Македонија мора да спроведе попис за да може врз реални податоци да се планираат политиките во државата, власта се одлучи сиот овој процес од креирање на законско решение па и до затворање на пописните резултати да го спроведе сама, без опозицијата. Морам да се навратам на процесот на креирање на законското решение, кога беа одбиени 40тина амандмани поднесени од опозицијата, зборуваме за суштински амандмани, кои што ќе допринесеа за квалитетни и прецизни дефиниции во законот за попис. Притоа не можам да го прескокнам главниот момент, а тоа е изостанувањето на методологијата за спроведување на пописот како дел од ова законско решение, момент кој што е присутен во сечие законско решение на државите кои што спроведуваат попис. Власта донесе закон за попис кој што создаде недоверба во општеството и ги распали политичките желби и наддавања. Се погласни се реакциите во општеството дека пописната операција ќе биде израз на политички договор наместо на статистичка спроведена операција, а тој момент се темели врз начинот на кој што ќе се води операцијата, без приложени документи, без јасно дефинирање кој ги дава податоците, како и на крајот, врзаниот потпис меѓу двајца именувани функционери од партнерите во власта. Сето тоа покажува свесност кај власта дека законот е донесен без потребниот консензус, во себе има многу недопречености, а сето тоа гради недоверба во сиот процес, па уште од сега власта се обидува да изгради алиби за евентуален пропаднат пописен процес. Оттука, Пратеничката група на ВМРО-ДПМНЕ јасно стои зад потребата во Македонија да биде спроведен попис, но како статистичка а не политичка операција. Закон за попис донесен без политички консензус, како впрочем и за сите важни прашања во општеството како што се националните интереси, образовните реформи, справувањето со здравствената криза, справувањето со економската криза, судските реформи како за сите други важни прашања. Евентуалното прекинување, неточни податоци, и за евентуален фалсификат, што би предизвикало понатамошни поделби во општеството, непризнавање на пописните резултати, одговорноста ќе ја сноси единствено Зоран Заев, Бојан Маричиќ пратеничките групи на СДСМ и на ДУИ, како и директорот на Државниот завод за статистика, Апостол Симовски и неговиот заменик од коалициониот партнер ДУИ, господинот Селами.