пратенички места – Kurir.mk

ВМРО-ДПМНЕ е најбројна пратеничка група во Собранието на Македонија

Дарко Андоновски — Mon, 21 Sep 2020 13:50:48 +0000

ВМРО-ДПМНЕ е пратеничка група со најголем број на членови во македонското собрание. СДСМ се избори за мнозинство од како на изборите настапи заедно со БЕСА, но денес четворицата пратеници на БЕСА соопштија дека ќе дејствуваат како независни. Со тоа Коалицијата на СДСМ „Можеме“ наместо како досега со 46 пратенички места, остана со 42 пратенички места. За разлика од нив, ВМРО-ДПМНЕ имаат цврста коалиција „Обнова за Македонија“ со 44 пратенички места во македонското Собрание. Инаку денеска Економски Лидер објави документ кој покажува дека Беса го известува претседателот на Собранието Талат Џафери дека ја напушта пратеничката група на СДСМ. „Ве информираме дека долунаведените пратеници кои досега настапувале во парламентарната група „Можеме“ , сега ќе настапуваат како група на пратеници на Партијата движењето Беса“, стои во дописот кој е испратен на 14 ти месецов.

Венецуела ќе го зголеми бројот на пратенички места за две третини до 2026 година

Ивона Петрова — Wed, 01 Jul 2020 09:40:24 +0000

Венецуела во периодот меѓу 2021 и 2026 година ќе го зголеми бројот на места во Националното собрание за две третини, или на 277 пратенички мандати, соопшти Националниот избирачки совет на земјата, пред изборите што треба да се одржат во текот на оваа година, а за кои опозицијата тврди дека нема да бидат фер. Индира Алфонсо, претседателката на Националниот изборен совет, за државната телевизија изјави дека зголемувањето на бројот на пратеници е неопходно заради зголемувањето на бројот на политички партии што ќе учествуваат на годинашните парламентарни избори, пренесуваат британските медиуми. Во Национално собрание на Венецуела во моментов има 167 пратенички места, а во следното свикување оваа бројка ќе се зголеми на 277. Актуелната претседателка на Националниот избирачки совет на ова афункција ја назначи Врховниот суд, близок до претседастелот на земјата Николас Мадуро, како и четворица други членови на ова тело, предизвикувајќи критики од опозицијата, што овој потег го протолкува како индикација дека претстојните избори нема да бидат фер. Како таков потег опозицијата го протолкува и отстранувањето од функциите на лидерите на двете клучни опозициски партии, на чие место се поставени политичарите кои се под сомнеж за тајни сојузништва со владеачката Социјалистичка партија. Парламентарните избори се закажани за крајот на годинава, но Националниот избирачки совет се уште не го дефинирал точниот датум. Опозицијата во последните пет години го задржа мнозинството на пратенички места во Националното собрание, а секое губење на контролата врз него ќе ја комплицира позицијата на Хуан Гуаидо, кого десетици западни земји го признаа за легитимен лидер на Венецуела.

Стерјовски побара подршка од Амбасадата на САД за барањето за загарантирани пратенички места во албанскиот Парламент

Тале Кристо — Fri, 19 Jun 2020 17:42:33 +0000

Пратеникот од Македонска алијанса за европска интеграција, во албанскиот Парламент, Васил Стерјовски, заедно со дел од пратениците од парламентарната опозиција остварија средба со претставник на американската Амбасада во Тирана, во врска со изборната реформа. На средбата шефот на политичката и економската канцеларија на Амбасадата, Иан Крафорд го запознале со барањата, кои, според нив, мора да бидат вметнати во новата законска изборна регулатива со цел да се гарантира слободното гласање на граѓаните и застапеноста на малцинствата во идниот законодавен дом. – Побарав поддршка од САД во нашите напори за смена на законодавството и гарантирање на застапеност на малцинствата во албанското Собрание со посебни квоти, како што тоа го има во многу поразвиени земји. Му објаснив дека по падот на тоталитарниот режим припадниците на македонското, како и сите други малцинства се раселени низ целата територија на Албанија поради што со постоечкиот регионален пропорционален систем малцинствата не може да обезбедат пратенички мандат, изјави Стерјовски за МИА по средбата. Додава дека го нагласил фактот дека сега е момент таа децениска неправда да се надмине, со што ќе им се овозможи на малцинствата нивните претставници најдоследно да ги презентираат потребите и проблемите и да се залагаат за нивно решавање. И останатите пратеници посочиле пред Крафорд дека она што е договорено од страна на Политичкиот совет за изборни реформи не ги исполнува очекувањата и оти треба во текстот да бидат вклучени и нивните барањата. Тоа се отворени листи, деполитизирана изборна администрација, електронско броење, гласање на дијаспората, загарантирани квоти за малцинствата во Парламентот. Во најавата за денешната средба албанските медиуми наведуваат дека „САД ги обновила преговорите околу изборниот законик“ и посочуваат дека токму под влијание на Иан Крафор са постигна договор за Изборниот законик, на 31 мај, откако се сретнал со членовите на Политичкиот совет за изборните реформи.