пратенички прашања – Kurir.mk

Во Собранието седница за поставување пратенички прашања

Ивана Ефремовски — Thu, 26 Oct 2023 05:43:55 +0000

Собранието денеска ќе се одржи седница за поставување пратенички прашања. Вообичаено секој последен четврток во месецот во Собранието се одржува седница за поставување пратенички прашања. Согласно Деловникот, прашања до премиерот и министрите први поставуваат пратениците од опозицијата. Пред седницата, претседателот на Собранието Талат Џафери ќе одржи брифинг со акредитираните новинари. (МИА)

Побарана оставка од цела Влада, прекината седница за пратенички прашања

Ивана Ефремовски — Thu, 28 Sep 2023 15:34:22 +0000

Потпретседателот на Собранието Горан Мисовски попладнево кусо по почетокот го прекина продолжението на седницата за пратенички прашања откако пратеничката Дафина Стојановска во процедурална забелешка побара оставка од целата Владата обвинувајќи го уште еднаш вицепремиерот за европски прашања Бојан Маричиќ за недолично однесување. Стојановска повикувајќи се на член 219 од Деловникот за работа на Собранието побара оставка од Владата, а во тоа ја поддржаа и нејзини колеги од пратеничката група стоејќи зад неа на говорницата. Пратеничката од ВМРО-ДПМНЕ рече дека тоа што го направил Маричиќ не е напад кон неа како Дафина Стојановска, туку се случи нецивилизиран гест врз пратеник од ова Собврание. -Овде сите треба да реагираме, се додека се двоиме по ваков или по онаков основ, се вака ќе ни се случува, рече таа. Ова, според неа, е чин на понижување на Парламентот, на демократијата во оваа држава, и чин на којшто треба сите да реагираат, вклучувајќи ги оние кои работат во Собранието. Однесувањето на Маричиќ го нарече кукавичко и подмолно, нагласувајќи дека и било посочено дека „немало камери коишто го уловиле неговото однесување“. -Ова е чин на морал и европска вредност. Затоа бараме оставка, рече Стојановска повикувајќи го Маричиќ на оставка. Потпретседателот на Собранието Мисовски и рече на Стојановска дека нема да дозволи преку неговиот грб пратениците на ВМРО-ДПМНЕ да се пресметуваат кој е за Мицкоски, кој е за Никола Груевски и дека е очигледно дека пратениците од опозициската партија не сакаат седница за пратенички прашања. Потоа ја прекина седницата, а пратениците од ВМРО-ДПМНЕ гласно реагираа на неговата забелешка. (МИА)

Седница на пратенички прашања во Собранието

Ивона Петрова — Thu, 28 Sep 2023 05:30:34 +0000

Собранието денеска треба да ја одржи 128-та седница, на која ќе се поставуваат пратенички прашања. Ваква пленарна седница вообичаено се одржува секој последен четврток во месецот. Согласно практиката, први прашања на премиерот и министрите им поставуваат пратеници од опозицијата.

Седница на пратенички прашања во Собранието

Ивона Петрова — Thu, 27 Jul 2023 05:30:34 +0000

Собранието денеска треба да ја одржи 122-та седница. Единствена точка на дневниот ред на седницата е поставување пратенички прашања.

Пратениците од ВМРО-ДПМНЕ излегоа од седницата со пратенички прашања, ќе се вратат кога ќе почнат усни прашања

Ивона Петрова — Fri, 30 Jun 2023 10:45:55 +0000

Пратениците од ВМРО-ДПМНЕ излегоа од денешната седница со пратенички прашања, и порачаа дека ќе се вратат кога ќе почнат усните прашања. Координаторот на пратеничката група на ВМРО-ДПМНЕ Никола Мицески на почетокот од седницата го обвини парламенатрното мнозинство дека сака да избега од пратенички прашања. -Власта преку смислено сценарио ќе се обиде да избегне како ѓавол од темјан од нашите прашања така да на почетокот од седницата во делот на одгворите на писмените прашања ставаат околу 56 пратенички прашања од кои 49 од прашањата се на власта, а седум се само на опозицијата. Ова е деловнички, меѓутоа власта преку своите пратеници сака да ја одолговлекува седницата и поставувањето на вистинските прашања од опозициските пратеници да го ускрати. Накратко кажано сами на себе ќе си поставуваат пратенички прашања, рече Мицевски според кого власта со тоа бега од одговорност и од дебата. Тој најави дека пратениците од опозицијата ќе излезат и повторно ќе се вратат на седницата, кога ќе дојде време, како што вели за вистинските и незгодни прашања. Потпретседателот на Собранието Горан Мисовски му реплицираше на Мицевски дека не држи забелешката дека мнозинството бега од дебата и оти и самиот кажал дека ова е деловничка можност. -Не знам од каде таа забелешка дека бегаме од пратенички прашања кога има директен пренос, сите пратенмции се присутни во салата како и премиерот и целата Влада. И самите кажавте дека пратениците ја имаат таа деловничка можност помеѓу две седници да поставуваат писмени пратенички прашања преку претседателот на Собранието до Владата и тоа право го искористиле и во сите овие 54 одговори кои што се добиени согласно Деловникот во роковите, има околу 6-7-8 одговори кои се добиени на прашања од пратенции од ВМРО-ДПМНЕ. Затоа не ви ја прифаќам забелешката дека бегаме од дебата, рече Мисовски. Пратеничката Илире Даути од ДУИ исто така излезе со процедуарлна забелешка и посочи дека од 49 писмени прашања кои се поставени 41 се нејзини, а доминантно се однесуваат за лица во процедура за добивање државјанства. -Не сум јас пратеничка од тие кои, како што велите вие, прави активна блокада на Собранието. Вие сте тие кои година и пол го блокирате Собранието, а која е добивката? Немате никаков одговор освен дека довербата кај граѓаните е само 2, вели Даути и најави дека овие пратеничка прашања ќе ги поставува и понатму бидејќи се на барање на граѓани. Мицески реагираше дека за овие прашања Даути е дел од власта и треба да се обрати до Влада, а со овие прашања вели се обидува да ја спаси власта. Потпретседателот на Собранието Мисовски во реплика на процедуралната забележка на Мицевски рече дека опозицијата поради неприфаќање на уставното име пропадна идејата за носење нов деловник кој требаше да го реши овој проблем и се надева дека тоа ќе биде регулирано во во Деловникот кој што треба да се донесе во рамки на третиот Жан Моне процес.

Седница за пратенички прашања во Собранието

Ивона Петрова — Fri, 30 Jun 2023 05:34:02 +0000

Собранието денеска ќе ја одржи 119. седница, на која ќе се поставуваат пратенички прашања. Ваква пленарна седница вообичаено се одржува секој последен четврток во месецот. Согласно практиката, први прашања на премиерот и министрите им поставуваат пратеници од опозицијата.

Во Собранието седница за пратенички прашања

Ивона Петрова — Fri, 26 May 2023 05:35:19 +0000

Собранието денеска ќе ја одржи 116. седница, на чиј дневен ред се пратеничките прашања. Според усогласеното, први прашања поставуваат пратениците од опозицијата. Вообичаено, седниците за пратенички прашања се одржуваат последниот четврток во месецот.

Седница за пратенички прашања во Собранието

Ивона Петрова — Thu, 27 Apr 2023 05:24:48 +0000

Собранието денеска треба да ја одржи 113. седница, на чиј дневен ред е поставувањето на пратенички прашања. Ваква пленарна седница вообичаено се одржува секој последен четврток во месецот, а согласно практиката, први прашања на премиерот и министрите им поставуваат пратеници од опозицијата.

Седница за пратенички прашања во Собранието

Тале Кристо — Tue, 28 Mar 2023 05:45:46 +0000

Во Собранието денеска ќе се одржи седница за пратенички прашања. Седница за пратенички прашања се одржуваат секој последен четврток во месецот, но овој пат таа е закажана за денеска на барање на Владата. Почетокот на денешната седница е закажан за 11:00. Делегацијата на Собранието во Парламентарното собрание на ОБСЕ во 11:30 часот ќе има средна со шефот на Мисијата на ОБСЕ во земјава Килијан Вал. Во Собранието денеска ќе се одржи и работна средба на Интерпартиската парламентарна група за заштита на природата и борба против загадувањето и климатските промени, позната како „Зелена група“, на која ќе се расправа за формирање на работна група за креирање законски решенија за решавање на проблемот со бездомните животни.

Почна собраниската седница за пратенички прашања

Катерина Бојаџиева — Thu, 26 Jan 2023 11:26:17 +0000

Со задоцнување од половина час почна собраниската седница посветена на поставување пратенички прашања, на која вкупно десет пратеници се пријавени за збор. На почетокот од седницата координаторот на пратеничката група на ВМРО-ДПМНЕ Никола Мицевски со процедурална забелешка реагира дека на седницата голем дел од претставниците на Владата не се присутни. – Моето прашање е каде е половина Влада? Седницата почнува со 35 минути задоцнување бидејќи претставниците од Владата не беа тука. Добро е пред почеток на седница да се преброите. Не знам дали ваквиот однос кој го имате кон граѓаните ќе сакате да го пресликате и пред пратениците, рече Мицевски обвинувајќи го потпретседателот на Собранието Горан Мисовски дека нема храброст да му каже на премиерот да ги повика сите претставници од Влада. Мисовски, пак, рече дека ќе ја продолжи седницата и по 18 часот, поради објективно доцнење и рече оти е единствениот што претседавал со седница и кој на премиерот му го одзел зборот. – Претседателот на Владата има должност, деловничка обврска е на сите претставници на Владата да бидат присутни на седница. Најголем дел од претставниците се тука. Деловникот дозволува премиерот да даде одговор доколку некој претставник од Владата не е присутен, рече Мисовски. Пратеникот Халил Снопче од Алијанса за Албанците реагираше дека не е коректно одговори на пратенички прашања од минатиот месец да добиваат на денот на седницата. Тој посочи дека нема да се произнесе по одговорите.